San Juan 1:51 - DIOSPA QHELQACHISQ

⁵¹ Jesús nillarqataj: Kayta sut'ita niykichej: Kunanmanta ñawpajmanqa qankuna janaj pachata kicharisqata rikunkichej, Diospa angelninkunatataj Runaj Churinman urayk'amushajta, wicharishajtataj, nispa.

Qheshwa Biblia DC

⁵¹ Jesús nillarqataj: Cheqamanta cheqamanta niykichej: Kunanmanta ñaupajmanqa, janaj pachata kichasqata rikunkichej; Diospa angelesnintataj, Runaj Churinman uraykamushajta, wicharishajtataj.

DIOSPA QHELQACHISQAN DEUTEROCANONICAL

⁵¹ Jesús nillarqataj: Kayta sut'ita niykichej: Kunanmanta ñawpajmanqa qankuna janaj pachata kicharisqata rikunkichej, Diospa angelninkunatataj Runaj Churinman urayk'amushajta, wicharishajtataj, nispa.

Quechua South Bolivia: Dios Parlapawanchej

⁵¹ Nillantaj: —Chekatapuni niyquichej: Janaj pachata quichariskata ricunquichej, Diospa angelesnintapis chayman rishajta uraycamushajtataj noka, Diospa cachaska Runanman, —nispa.

San Juan 1:51 ပူးပေါင်းရင်းမြစ်များ

Génesis 28:12

Chantá puñushaspa, mosqokorqa, mosqokusqanpitaj uj escalerata rikorqa pampamanta janaj pachakama chayashajta. Pay rikullarqataj chay escaleranejta Diospa angelninkuna urayk'amushajta, wicharishajta ima.

Ezequiel 1:1

Kinsa chunka kaj watapi, tawa kaj killamanta phishqa kaj p'unchayninpi noqaqa Quebar nisqa mayu kantupi kasharqani, Judamanta Babiloniaman apasqa runakunaj chawpinkupi. Chantá jinallaman janaj pacha kicharikorqa, Tata Diostataj mosqoypi jina rikorqani.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

San Mateo 26:24

Kayta sut'ita niykichej: Runaj Churenqa wañunanpuni tiyan. Chaywanpis, ay, chay runamanta pichus payta wasanchaspa jap'ichin, chaymanta. Allin kanman karqa chay runapaj mana paqarinan, nispa.

San Mateo 3:16

Jesús bautizachikuytawan yakumanta llojsishajtin, janajqa kicharikorqa. Jesustaj Diospa Espiritunta urpi jina paypa patanman urayk'amushajta rikorqa.

San Mateo 4:11

Chantá Kuraj Supay riporqa, angelkunataj jamuspa, Jesusta yanaparqanku.

San Mateo 8:20

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpajtarí, mana maypichus samarinallanpajpis kanchu, nispa.

San Mateo 9:6

Kunan kayta nisaj yachanaykichejpaj Runaj Churenqa atiyniyoj kasqanta kay pachapi juchata pampachananpaj, nispa. Chantá suchu runatañataj nerqa: Sayariy, phulluykita oqharispataj wasiykiman ripuy, nispa.

Marcos 1:10

Jinallapi Jesús yakumanta llojsimushaspa, janajta kicharikushajta rikorqa, Santo Espiritutataj urpi jina, paypa patanman urayk'amushajta.

Marcos 14:62

Jesustaj kuticherqa: Arí, noqa kani, qankunataj Runaj Churinta rikunkichej, Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Lucas 2:13

Jinallaman chay angelwan khuska ashkha angelkuna janaj pachamanta rikhurimorqanku, Diosta yupaychaspataj nerqanku:

San Lucas 2:9

Jinallapi Tukuyta Kamachej Diospa angelnin paykunaman rikhurerqa, lliphipiynintaj paykunata muyuykojtin, anchata mancharikorqanku.

San Lucas 22:43

Jinallapi janaj pachamanta uj ángel rikhurimorqa Jesusta kallpachananpaj.

San Lucas 22:69

Chaywanpis, kunanmantapacha Runaj Churenqa Tukuy Atiyniyoj Diospa pañanpimin tiyaykukonqa, nispa.

San Lucas 24:4

Jinallapi paykuna t'ukushajtinku, qayllankupi iskay qharikuna rikhurerqanku, lliphipishaj p'achayoj.

San Lucas 3:21

Herodes manaraj Juanta carcelman wisk'achishajtin, Juanqa runakunata bautizasharqa. Jinapis Jesús Juanwan bautizachikullarqataj. Chantá Jesús Dioswan parlarikushajtin, janajqa kicharikorqa.

San Juan 1:50

Jesustajrí kutichispa, nerqa: Higo sach'a urapi kashajtiyki rikorqayki, nispa nisusqayraykuchu noqapi atinikushanki? Chaymantapis aswan t'ukuna ruwaykunataraj rikunki, nispa.

San Juan 10:1

Jesús nillarqataj: Kayta sut'ita niykichej: Pichus oveja kanchaman mana punkunta yaykuspa, perqanta wasaykoj, chay runaqa suwa.

San Juan 10:7

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

San Juan 13:16

Kayta sut'ita niykichej: Wata runaqa patronninmanta mana aswanchu, nitaj kachasqapis kachajninmanta aswan kurajchu.

San Juan 13:38

Chantá Jesús payta nerqa: Noqarayku wañuwajchu? Kayta sut'ita niyki: Manaraj gallo waqashajtin, qan kinsa kutikama ninki noqata mana rejsiwasqaykita, nispa.

San Juan 14:12

Kayta sut'ita niykichej: Pichus noqapi atinikojqa, paypis noqaj ruwasqayta ruwallanqataj. Chaypis astawanraj ruwanqa, imaraykuchus noqaqa Tata Dioswan kanaypaj rishani.

San Juan 16:20

Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

San Juan 16:23

Chaypacha manaña imatapis tapuwankichejchu. Kayta sut'ita niykichej: Imatachus sutiypi mañakojtiykichejqa, Tatay qosonqachej.

San Juan 21:18

Kayta sut'ita niyki: Waynallaraj kashaspaqa, qan chumpillikoj kanki, munasqaykiman jinataj purej kanki. Machuña kaspatajrí, makiykita oqharinki, wajtaj p'achaykita churasonqa, maymanchus mana munasqaykimantaj pusasonqa, nispa.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Juan 3:5

Chantá Jesús kuticherqa: Sut'ita niyki: Sichus pipis yakumanta, chantá Espiritumanta ima mana paqarin chayqa, Diospa kamachiyninman mana yaykuyta atenqachu.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

San Juan 5:27

Jinallataj Tata Dios payman tukuyta juzgananpaj atiyta qollarqataj, imaraykuchus paymin Runaj Churenqa.

San Juan 6:26

Jesustaj kuticherqa: Kayta sut'ita niykichej: Mask'ashawankichej, mana qankuna runaj ni jayk'aj rikusqan t'ukunata ruwasqay ima niytachus munasqanta yachasqaykichejraykuchu. Manachayqa mask'ashawankichej t'antata mikhuspa sajsakusqaykichejraykulla.

San Juan 6:32

Jesustaj paykunata nerqa: Noqa sut'ita niykichej: Janaj pachamanta t'antataqa mana Moiseschu qorqa, manachayqa Tatay. Kunantaj pay cheqa kaj t'antata janaj pachamanta qankunaman qoyta munasunkichej.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 6:53

Chantá Jesús paykunata nillarqapuni: Kayta sut'ita niykichej: Manachus noqaj ukhuyta mikhunkichej, nitaj yawarniytapis ujyankichejchu chayqa, qankuna mana wiñay kawsayniyojchu kankichej.

San Juan 8:34

Jesustaj paykunata nerqa: Kayta sut'ita niykichej: Pichus juchallikojqa juchaj wata runanmin.

San Juan 8:51

Sut'ita niykichej: Pillapis nisqayta kasojqa mana jayk'ajpis wañonqachu, nispa.

San Juan 8:58

Jesustaj paykunata nerqa: Kayta sut'ita niykichej: Manaraj Abraham kashajtin, NOQA KANI, nispa.

Hechos 10:11

Chantá rikullarqataj uj jatun yuraj qhatanaman rijch'akojta tawa puntanmanta watasqata. Chaytaj janaj pachamanta pampaman urayk'amusharqa.

Hechos 7:56

Chantá pay nerqa: Qhawariychej, janajta kichasqata rikushani, Runaj Churintataj Diospa pañanpi sayashajta, nispa.

2 Tesalonicenses 1:7

Ñak'arichisqa kashajtiykichej, Dios qankunata, chantá noqaykutapis samarichiwasunchej, maypachachus janaj pachamanta Tukuyta Kamachej Jesús atiyniyoj angelninkunawan rikhurimonqa, chaypacha.

2 Tesalonicenses 1:9

Paykunataj wiñaypaj ñak'arichisqa kanqanku. Jinataj Tukuyta Kamachej Jesuspa ñawpaqenmanta, chantá jatun atiyninpa lliphipiyninmanta ima wijch'usqa kallanqankutaj.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Judas 1:14

Adanmantapacha qanchis kaj runa Enocqa chay jina runakunamanta kay jinata sut'incharqa: Tata Diosta waranqa waranqa angelninkunawan jamushajta rikorqani

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.