San Juan 1:38 - DIOSPA QHELQACHISQ

³⁸ Jesustaj qhepanta jamushasqankuta rikuspa, paykunata taporqa: Imatataj mask'ashankichejri? nispa. Paykunataj kuticherqanku: Yachachej, pejpa wasinpitaj tiyakushankiri? nispa.

Qheshwa Biblia DC

³⁸ Jesustaj, qhepanta jamushasqankuta rikuspa taporqa: Imata mask'ashankichej?, nispa. Paykunataj kuticherqanku: Maestro, maypi tiyakunki?

DIOSPA QHELQACHISQAN DEUTEROCANONICAL

³⁸ Jesustaj qhepanta jamushasqankuta rikuspa, paykunata taporqa: Imatataj mask'ashankichejri? nispa. Paykunataj kuticherqanku: Yachachej, pejpa wasinpitaj tiyakushankiri? nispa.

Quechua South Bolivia: Dios Parlapawanchej

³⁸ Jesusri khatejcunaman cutiricamuspa paycunata khawarerka. Nerkataj: —¿Imatataj munanquichejrí? Paycunataj nerkancu: —Yachachejníy ¿maypi tiyaricushanqui?

San Juan 1:38 ပူးပေါင်းရင်းမြစ်များ

1 Reyes 10:8

Yachayniykimanta sapa p'unchay uyarispa, warmiykikuna, runaykikuna, kamachiykikunapis ima manchay kusisqachá kashanku.

Salmos 27:4

Kayllata Tata Diosmanta mañakuni, chayllatataj munani: Kawsanay p'unchaykama Tata Diospa wasinpi kayta munani, Templonpi payta yupaychanaypaj, ima munay kaynintataj qhawanaypaj.

Proverbios 13:20

Pichus yachayniyojkunawan purejqa yachayniyojllataj kanqa. Wampu runakunawan purejrí mana allinman chayanqa.

Proverbios 3:18

Yachayniyoj kayta pichus tarejpajqa kawsay sach'a jina. Kusikuyniyojmin kanku chayta jap'ispa mana kacharejkunaqa.

Proverbios 8:34

Kusikuyniyojmin pichus uyariwajqa, sapa p'unchay mana puñuspa wasiy punkullapi sayajqa.

Lamentaciones 5:19

Qantajrí, Tata Dios, wiñaypaj kuraj kamachej kanki. Kamachinaykeqa wiñay wiñaypaj kanqa.

San Lucas 10:39

Martajtataj uj ñañan karqa María sutiyoj, paytaj Jesuspa ñawpaqenman tiyarikuspa, yachachisqanta uyarisharqa.

San Lucas 14:25

Ashkha runa paypa qhepanta jamushajtinku, Jesús paykunaman kutirispa, nerqa:

San Lucas 15:20

Sayariytawantaj, waynaqa tatanpaman kutipusqa. Karullapiraj kashajtintaj, tatanqa wawanta rikuspa, mayta khuyarikusqa. Chantá usqhayta taripamuspa, wawanta ojllaykusqa, much'aykusqataj.

San Lucas 19:5

Chantá chaynejta purishaspa, Jesusqa Zaqueota qhawariytawan nerqa: Zaqueo, usqhayta urayk'amuy. Kunan wasiykipi qhepakusaj, nispa.

San Lucas 22:61

Jinallapi Tukuyta Kamachej Jesús kutirikuspa, Pedrota qhawarerqa. Pedrotaj yuyarikorqa paypa nisqanmanta: Manaraj gallo waqashajtin, kinsa kutita ninki mana rejsiwasqaykita, nispa.

San Lucas 8:38

Jinapi supaykunamanta kacharichisqa runaqa Jesusmanta mañakorqa: Saqeway qanwan rejta, nispa.

San Juan 1:37

Chay iskay yachachisqankunataj Juanpa nisqanta uyarispa, Jesuspa qhepanta rerqanku.

San Juan 1:39

Chantá Jesús kuticherqa: Jaku rikumunkichej, nispa. Chantá Juanpa yachachisqankuna rispa, maypichus Jesús tiyakushasqanta rikorqanku. Chaypacha yunta phaskaray jinaña kasqanrayku, paykuna Jesuswan parlarikuspa qhepakorqanku.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

San Juan 12:21

Paykunataj Galileamanta Betsaida llajtayoj Felipeman chimpaykuspa, nerqanku: Wiraqochi, Jesuswan parlariyta munaykuman, nispa.

San Juan 18:4

Jesusrí chay tukuy ima payta qhatirinanta yacharqaña. Chayrayku ñawpaykuspa, paykunata taporqa: Pitataj mask'ashankichejri? nispa.

San Juan 18:7

Chantá Jesús ujtawan tapullarqataj: Pitataj mask'ashankichejri? nispa. Paykunataj kuticherqanku: Nazaretmanta Jesusta mask'ashayku, nispa.

San Juan 3:2

Uj ch'isi Jesusta watukoj rispa, pay nerqa: Yachachej Wiraqochi, yachachinawaykupaj Diospa kachamusqan kasqaykita yachayku. Mana pipis, imatachus qan ruwanki, chay jina runaj mana jayk'aj rikusqan t'ukunata ruwayta atinmanchu, Dios mana paywan kajtenqa, nispa.

San Juan 3:26

Juanman rispataj, yachachisqankuna nerqanku: Yachachej Wiraqochi, Jordán mayu chimpapi pichus qanwan kasharqa, pimantatajchus willarqanki, chay runa bautizashan, tukuytaj payman k'askapushanku, nispa.

San Juan 4:31

Chaykamarí Jesuspa yachachisqankuna payta nerqanku: Yachachej Wiraqochiyku, imallatapis mikhurikuy ari, nispa.

San Juan 6:25

Chay runakunaqa qocha chimpaman chayaspa, Jesusta tariytawan, nerqanku: Yachachej Wiraqochi, jayk'ajtaj kayman jamorqankiri? nispa.

Hechos 10:21

Jinataj Pedro urayk'uspa, chay runakunata nerqa: Noqa kani, pitachus mask'ashankichej, chay. Imamantaj jamunkichejri? nispa.

Hechos 10:29

Chayrayku wajyachimuwajtiykichejkama, mana iskayrayaspa jamuni. Kunantaj yachayta munayman imapajchus wajyachiwasqaykichejta, nispa.

Rut 1:16

Ruttajrí kuticherqa: Ama niwaychu saqesunayta, nitaj qanmanta t'aqakunayta. Noqa risaj maymanchá rinki, chayman. Kawsamusajtaj maypichá kawsanki, chaypi. Llajtaykeqa llajtay kanqa, Diosniykipis Diosnillaytaj kanqa.