Josué 9:27 - DIOSPA QHELQACHISQ

²⁷ Chaymantapacha Josueqa paykunata churarqa, Tata Diospa altarninpaj chantá israelitakunapaj ima llant'ata ruwanankupaj, yakuta aysamunankupaj ima, maynejtachá Tata Dios ajllakunan karqa, chaypi. Kunankama ajina ruwanayoj kashanku.

Qheshwa Biblia DC

²⁷ Chay pachamantapacha kunankama Josueqa paykunata churarqa llant'ata apamunankupaj, yakuta aysamunankupaj, israelitaspaj, Señorpa altarnimpaj ima, may cheqatachá Señor ajllakonqa chayman.

DIOSPA QHELQACHISQAN DEUTEROCANONICAL

²⁷ Chaymantapacha Josueqa paykunata churarqa, Tata Diospa altarninpaj chantá israelitakunapaj ima llant'ata ruwanankupaj, yakuta aysamunankupaj ima, maynejtachá Tata Dios ajllakunan karqa, chaypi. Kunankama ajina ruwanayoj kashanku.

Josué 9:27 ပူးပေါင်းရင်းမြစ်များ

2 Crónicas 2:16

16 (15) Noqaykutaj Libanopi mashkhatachus munanki, chay chhika sach'akunata k'utushasqayku, chaytataj mama qochanejta Jope llajtakama balsapi apachimusqayku. Chaymantataj qanllaña Jerusalenman apachinki. Ajinata Tiroj kuraj kamachejnin Jiranqa Salomonman kuticherqa.

Números 31:28

Chay jawa wakinta noqapaj t'aqapuwanki: Soldadokunaman chayajmanta, jinallataj runakunamanta, wakakunamanta, burrokunamanta, ovejakunamanta ima sapa phishqa pachajmanta ujta t'aqapuwanki.

Números 31:30

Israelitakunaman chayajmantataj kikillantataj sapa phishqa chunkamanta ujta t'aqankichej: Runakunamanta, wakakunamanta, burrokunamanta, ovejakunamanta, ima uywachá tiyan, chaykunamanta. Chaytataj Tata Dioswan Tinkukuna Toldopi imachus ruwanata ruwashanku, chay levitakunaman qonki, nispa.

Números 31:47

Chaykunamanta Moisesqa sipaskunamanta, jinallataj uywakunamantapis sapa phishqa chunkamanta ujta t'aqarqa. Chaykunatataj Tata Dioswan Tinkukuna Toldopi ruwaj levitakunaman qorqa, Tata Dios payman kamachisqanman jina.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Deuteronomio 12:14

Manachayqa ima jatun ayllupichus Tata Dios uj cheqata ajllakonqa, chayllapi Tata Diosman jaywankichej. Chaypimá qankunaqa imatachus kamachisqayta ruwankichej.

Deuteronomio 12:5

Tata Diosqa Israelpata tukuy ayllun ukhupi uj cheqata ajllakonqa, qankuna chayman rispa, paypa sutinta yupaychanaykichejpaj.

Josué 9:21

Chantá israelitakunaj kurajninkukunaqa kamachillarqankutaj: Ama paykunata wañuchiychejchu, manachayqa paykuna tukuy israelitakunapaj llant'a ruwajkuna, yaku astajkuna ima kanqanku, nispa. Ajinata kamachejkunaqa tilusqankuta junt'arqanku.

Josué 9:26

Jinamanta Josueqa Gabaón llajtayojkunata israelitakuna wañuchinankuta mana saqerqachu.