Josué 9:1 - DIOSPA QHELQACHISQ

¹ Chay tukuy kasqanmanta kay kuraj kamachejkuna uyarerqanku: Jititakunamanta, amorreokunamanta, cananeokunamanta, ferezeokunamanta, heveokunamanta, jebuseokunamanta ima. Paykunaqa tiyakusqanku Jordán mayu kantupi inti yaykuyninnejpi, chantá chay orqorara cheqanejpi, Jatun Mama Qocha kantu pampankunapi, Líbano jap'iykama.

Qheshwa Biblia DC

¹ Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

DIOSPA QHELQACHISQAN DEUTEROCANONICAL

¹ Chay tukuy kasqanmanta kay kuraj kamachejkuna uyarerqanku: Jititakunamanta, amorreokunamanta, cananeokunamanta, ferezeokunamanta, heveokunamanta, jebuseokunamanta ima. Paykunaqa tiyakusqanku Jordán mayu kantupi inti yaykuyninnejpi, chantá chay orqorara cheqanejpi, Jatun Mama Qocha kantu pampankunapi, Líbano jap'iykama.

Josué 9:1 ပူးပေါင်းရင်းမြစ်များ

2 Samuel 24:7

Chaymantataj Tiro llajtapi pukaraman rerqanku, heveokunajpata chantá cananeojpata tukuynin llajtankuman. Judamanta uranejmantaj llojsimorqanku, Berseba chaynejpitaj tukorqanku.

Éxodo 23:23

Angelniy ñawpaqeykichejta rispa, amorreoj suyunman pusaykusonqachej, jinallataj jeteoj suyunman, ferezeojpaman, cananeojpaman, heveojpaman, jebuseojpaman ima pusaykullasonqachejtaj. Noqa paykunata ni uj puchuyojta chinkachisaj.

Éxodo 23:31

Jallp'aykichejpa mojonnenqa ajina kanqa: Puka Mama Qochamantapacha, filisteokunaj mama qochankukama. Chantá ch'innejmantapacha Éufrates mayukama kanqa. Chay jallp'api tiyakojkunata makiykichejman churaykusaj, qankunataj paykunata qharqonkichej.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

Éxodo 34:11

Kunan kamachisusqayta junt'aychej, noqataj ñawpaqeykichejmanta amorreokunata, cananeokunata, jititakunata, ferezeokunata, heveokunata, jebuseokunatawan ima qharqosaj.

Números 13:29

Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Números 34:6

Inti yaykuynejman jallp'aykichejpa mojonnenqa Jatun Mama Qocha kanqa.

Deuteronomio 1:7

Kunanqa tukuy imaykichejta oqharikuspa, amorreokunaj orqonkunaman riychej, tukuy muyuyninkupi kaj llajtakunaman ima. Rillaychejtaj Arabaman, orqorara cheqanejman, vallekunaman, Neguevman, mama qocha kantuman, cananeokunaj suyunkuman, Libanoman, chantá Éufrates jatun mayukama ima.

Deuteronomio 3:25

Mañarikuyki: Ama jina kaspa, Jordán mayuta chimparichillaway ari. Noqaqa chay jina sumaj jallp'ata, k'achitu orqorara jallp'ata, chantá Libanotawan ima rikuyta munani, nispa.

Deuteronomio 4:49

Chaymanta mojonnenqa tukuynin Arabanejta rillarqapuni, Jordán mayoj inti llojsimuyninta Wañusqa Qochakama, chantá Pisga orqo k'uchukama karqa.

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Josué 1:15

Ajinata Tata Dios paykunamanpis qankunaman jina tiyakunankupaj jallp'ata qonankama ruwankichej, imaynatachus qankunaman qosorqachej, ajinata. Ajinamanta paykunapis Tata Diosniykichej jallp'a qosqanmanta dueño kanqanku. Chaymantataj Tata Diospa kamachin Moisés Jordán mayumanta inti llojsimuynejpi jallp'ata qorqasunkichej, chayman kutimpuyta atinkichej, jap'isqaykichej jallp'api tiyakunaykichejpaj, nispa.

Josué 1:4

Jallp'aykichejqa ch'innejmantapacha Libanokama, jinataj Éufrates jatun mayukama kanqa. Chantá tukuynin jititakunaj jallp'anku Jatun Mama Qochakama qankunajta kallanqataj.

Josué 10:23

Ajinata israelitakunaqa chay phishqa kuraj kamachejkunata chhanka jusk'umanta orqhomorqanku. Chay kuraj kamachejkuna karqanku Jerusalenmanta, Hebronmanta, Jarmutmanta, Laquismanta, chantá Eglonmanta ima.

Josué 11:17

Josué atipaspa jap'isqanqa Jalac orqomantapacha Seirkama, chantá Hermón orqo k'uchupi Líbano pampapi Baal Gadkama karqa. Josueqa chay llajtakunamanta kuraj kamachejkunata jap'ispa, wañuracherqa.

Josué 13:5

Guiblitakunaj jap'iyninkuta jap'ina kashallantaj tukuy Líbano inti llojsimuynejkama, Baal Gadmanta Hermón Orqomanta uraynejman, Jamatman yaykunakama.

Josué 15:12

Inti yaykuynejman mojonnenqa Jatun Mama Qochakama karqa. Judá jatun aylloj jap'iyninpa mojonnenqa tukuy muyuynintinpi chaykunamin karqa, mashkhachus kasqankuman jina.

Josué 22:4

Tata Diospis imatachus nisqanta junt'arqa, wawqeykichejkunataj sumaj kawsaypiña kashanku. Chayrayku kunanqa jap'isqaykichej jallp'aman kutipuychej, Jordán mayu chimpapi Tata Diospa kamachin Moisés qosorqachej, chayman.

Josué 22:7

Moisesqa Basán nisqa chaynejpi Jordán mayoj inti llojsimuynejpi jallp'ata qosqa Manasespa khuskan jatun ayllunman. Manasespa wakin khuskan jatun ayllunmanrí, Josueqa israelita wawqenkunaj chawpinkupi Jordán mayoj inti yaykuynejpi jallp'ata qorqa. Chantá Josueqa paykunata saminchaspa, wasinkuman kachaporqa.

Josué 23:4

Noqaqa suerteta choqaspa tukuy jatun aylluykichejman jallp'ata qopuykichejña. Mana qhechusqaña kaj jallp'allatachu qorqaykichej. Manaraj qhechusqachu jallp'atapis qollarqaykichejtaj, Jordán mayoj inti llojsimuynejmanta Jatun Mama Qochaj inti yaykuynejkama.

Josué 24:11

Chay qhepata qankunaqa Jordán mayuta chimpaspa, Jericokama chayarqankichej. Chay llajtayojkunaqa qankunawan maqanakorqanku, jinallataj amorreokuna, ferezeokuna, cananeokuna, jititakuna, gergeseokuna, heveokuna, jebuseokuna ima qankunawan maqanakoj llojsimullarqankutaj. Noqatajrí paykunata atipaykucherqaykichej.

Josué 3:10

Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

Josué 3:17

Tukuynin israelitakunaqa Jordán mayuta ch'aki pampata jina chimparqanku. Tata Diospa trato ruwasqan arcata apaj sacerdotekunataj tukuy chimpanankukama mayu chawpipi ch'aki pampapi jina sayarqanku.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 6:27

Ajinata Tata Dios Josueta tukuy ima ruwasqanpi yanapasqanrayku, payqa tukuy chay cheqanejpi manchay uyarisqa karqa.

Josué 9:7

Israelitakunatajrí heveokunaman kuticherqanku: Ichapis qankunaqa kay qayllallamanta kankichej. Imaynatataj qankunawan uj tratota ruwaykumanri? nispa.