Josué 8:28 - DIOSPA QHELQACHISQ

²⁸ Josuetaj Hai llajtata ruphaykuchispa, wiñaypaj thuñisqata saqerparerqa. Kunankamataj ajina kashan.

Qheshwa Biblia DC

²⁸ Josuetaj Hai llajtata ruphaykucherqa, wiñaypaj laqayapachata saqerparerqa, kunankama jina kashan.

DIOSPA QHELQACHISQAN DEUTEROCANONICAL

²⁸ Josuetaj Hai llajtata ruphaykuchispa, wiñaypaj thuñisqata saqerparerqa. Kunankamataj ajina kashan.

Josué 8:28 ပူးပေါင်းရင်းမြစ်များ

2 Reyes 19:25

Manachu yacharqanki noqa, Tata Dios chay tukuy imata wakichisqayta? Unaymantapacha imatachus ruwanayta nerqani, kunantaj chayta junt'ashani. Chayrayku, sumaj perqawan muyuykuchisqa llajtakunata thuñiykuspa, raqayllamanña tukuchishanki.

Isaías 17:1

Damasco llajtaj contranpi Isaías kay jinata nerqa: Damascoqa manaña llajtachu kanqa, manachayqa laqayaman tukonqa.

Isaías 25:2

Jatun llajtakunata rumi loqhoman tukuchinki, perqawan sumaj jark'achasqa llajtakunatataj laqayaman tukuchinki. Awqakunaj k'achitu kamachinanku wasikunata thuñinki, chaykunatataj manaña pipis ujtawan watej sayachenqachu.

Jeremías 49:2

Chayrayku noqa Tata Dios kayta nini: Uj p'unchay chayamonqa, chay p'unchaypitaj Amón suyupi Rabá llajtapi maqanakojkunaj qhaparisqankuta uyarichisaj, chay llajtataj raqayllamanña tukuchisqa kanqa. K'iski ranchonkunapis ninawan ruphaykuchisqa kanqanku. Chaypacha Israel chay llajtankunata watej jap'ikapullanqataj. Ajinata Tata Dios nini.

Jeremías 50:26

Chayrayku tukuynejmanta Babiloniaj contranpi maqanakoj jamuychej. Pirwankuta kichariychej. Tukuy wasinkuta, llajtaj perqantataj raqayman tukuchiychej. Amataj pitapis kawsashajta saqeychejchu.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Deuteronomio 13:16

16 (17) Tukuy kapuyninkutaqa llajta plazaman tantaspa, llajtantinta ninawan kanaykunkichej. Chay tukuy imaqa q'olachisqa jaywana Tata Diospaj kanqa. Jinamanta chay llajtaqa wiñaypaj raqayllaña kanqa, nitaj jayk'ajpis watej sayarichisqachu kanqa.

Deuteronomio 13:17

17 (18) Qankunaqa imachus chinkachisqa kananpaj t'aqasqa kashan, chaymanta ama imatapis jap'ikapunkichejchu. Chaykunata mana jap'ikapojtiykichej, Tata Diospa sinch'i phiñakuynin tiyaykonqa, qankunatataj khuyasonqachej, tataykichejman tiluspa nisqanman jinataj ashkhata mirachisonqachej.

Josué 4:9

Jinallataj Josuepis waj chunka iskayniyoj rumikunata oqharispa, Jordán mayupi tawqallarqataj, Tata Diospa arcan lijrarisqa sacerdotekuna maynejpichus sayarqanku, chaypi. Chay tawqasqa rumikunataj kunankama chaypi kashallanrajpuni.

Josué 8:29

Chaymanta Josueqa Hai llajtamanta kuraj kamachejta uj sach'aman warkhuspa, sipicherqa, ayantaj inti yaykuykama warkhurayarqa. Inti yaykuytataj Josué kamacherqa Hai llajtata kamachejpa ayanta urayk'uchispa, llajtaman yaykuna punkuman wijch'umunankuta. Patanmantaj rumita tawqaykunankuta kamachillarqataj. Chay tawqasqa rumitaj kunankama kashan.