Josué 8:14 - DIOSPA QHELQACHISQ

¹⁴ Jinapi Hai llajtata kuraj kamachejqa Josuéj soldadonkunata rikuytawan, soldadonkunata tantaykuspa, israelitakunawan maqanakoj Jordán valleman urayk'orqa. Chaywanpis pay mana yacharqachu wakin israelitakuna llajtaj wasanpi pakasqa kashasqankuta.

Qheshwa Biblia DC

¹⁴ Hai llajtamanta reyqa ajina kasqanta rikuytawan usqhay usqhayta soldadosninwan tutamanta llojserqa Jordán valleman israelitaswan maqanakamoj, mana yachaspa llajta wasapi wakin israelitas pakasqa kashasqankuta.

DIOSPA QHELQACHISQAN DEUTEROCANONICAL

¹⁴ Jinapi Hai llajtata kuraj kamachejqa Josuéj soldadonkunata rikuytawan, soldadonkunata tantaykuspa, israelitakunawan maqanakoj Jordán valleman urayk'orqa. Chaywanpis pay mana yacharqachu wakin israelitakuna llajtaj wasanpi pakasqa kashasqankuta.

Josué 8:14 ပူးပေါင်းရင်းမြစ်များ

Eclesiastés 9:12

Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

Isaías 19:11

Cheqapuni Soán jap'iypi kamachejkuna ancha wampu kanku. Faraonpa aswan sumaj yuyaychajninkunapis wampu yuyaychajkunallataj kanku. Ajina kashaspapis, imaynatataj faraonta ninkichej: Noqaykoqa yachayniyojkunaj churinku kayku, ñawpa kamachejkunaj churinku, nispari?

Isaías 19:13

Soanpi kamachejkunaqa wampukuna kanku, Menfispi kamachejkunataj ch'awkiyachikunku. Jap'iykunata kamachejkunapis Egiptota pantayman pusanku.

Daniel (hebreo) 4:31

31 (28) Chay jinata kuraj kamachej parlashajtillanraj, janaj pachamanta kay jinata parlamojta uyarerqa: Kuraj kamachej Nabucodonosor, kayta uyariy: Kamachiyniykeqa manaña qanpatachu.

San Mateo 24:39

Paykuna mana imatapis reparakorqankuchu jatun para jamunankama, tukuyninkutaj chinkachisqa karqanku. Ajinallataj kanqa Runaj Churin rikhurimunan, chay p'unchaypi.

San Mateo 24:50

Jinallapi patronnin kutimonqa mayordomoj mana suyasqan p'unchaypi, mana yachasqan phanipitaj.

Deuteronomio 1:1

Kay jinata Moisés Jordán mayu inti llojsimuynej ch'innejpi tukuynin israelitakunaman parlarqa. Arabapi, Sufpa chimpanpi, Parán llajtawan, Tofel, Labán, Jaserot, Dizahab llajtawan ima, chawpinpi kashajtinku parlarqa.

Josué 8:13

Ajinaqa soldadokuna iskayman t'aqasqa karqanku: Uj t'aqa llajtamanta inti yaykuynejpi pakasqa kasharqa, ujtaj llajtamanta wichaynejpi jarasqa. Chay tutataj Josueqa khuskan vallekama llajtaman qayllaykorqa.

Josué 8:15

Josuerí soldadonkunawan ima ayqej ayqej tukorqanku, ch'innejman rishan, chay ñannejta.

Josué 8:16

Chantá Haimanta soldadokuna israelitakunata qhatiykunankupaj tantaykukorqanku. Josueta qhatiykuspataj, llajtamanta karunchakorqanku.

Josué 8:5

Noqatajrí wakin soldadokunawan llajtaman qayllamusqayku. Maypachachus noqaykuwan maqanakoj llojsiykamonqanku chaypachaqa, noqayku ñawpaj kutipi jina ñawpaqenkuta ayqekusqayku.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Jueces 20:37

Chay pakasqa israelita soldadokunataj ujllata Gabaa llajtaman yaykuykuspa, tukuy qhepakojkunata wañuracherqanku.