Josué 8:1 - DIOSPA QHELQACHISQ

¹ Chaymanta Tata Diosqa Josueta nerqa: Ama manchachikuychu, nitaj q'ewakuychu. Manachayqa tukuy soldadoykikunata pusariykukuspa, Hai llajtayojkunawan maqanakoj puririy, imaraykuchus noqa Hai llajtaj kuraj kamachejninta, runantintawan atipanaykipaj yanapasqayki. Chantá jallp'ankuta, llajtankuta ima jap'ikapunkichej.

Qheshwa Biblia DC

¹ Señorqa Josueman nerqa: Ama manchachikuychu, nitaj iskayrayaychu. Tukuy soldadosniykita pusariykukuspa Hai llajtaman wichariy, noqa Hai llajtaj reyninta, runasnintawan makisniykiman jaywasqayki. Chaymantaqa jallp'asninku, llajtanku imataj qampata kanqa.

DIOSPA QHELQACHISQAN DEUTEROCANONICAL

¹ Chaymanta Tata Diosqa Josueta nerqa: Ama manchachikuychu, nitaj q'ewakuychu. Manachayqa tukuy soldadoykikunata pusariykukuspa, Hai llajtayojkunawan maqanakoj puririy, imaraykuchus noqa Hai llajtaj kuraj kamachejninta, runantintawan atipanaykipaj yanapasqayki. Chantá jallp'ankuta, llajtankuta ima jap'ikapunkichej.

Josué 8:1 ပူးပေါင်းရင်းမြစ်များ

Salmos 27:1

(1b) Tata Diosqa k'anchawajniy, qhespichiwajniytaj. Pimantataj manchachikusajri? Tata Diosqa kallpachawajniy, tukuy mana allin kajmanta jark'akuwajniy ima. Imajtintaj imatapis manchachikuyman kasqari?

Salmos 44:3

3 (4) Tataykukunaqa manamin kallpankuwanchu jallp'ata jap'ikaporqanku, nitaj espadankuwanchu chaypi tiyakojkunata atiparqanku. Manachayqa atiyniyki, kallpayki, paykunawan kasqaykej k'anchaynin ima paykunata atipayta yanaparqa, qan paykunata munakusqaykirayku.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Jeremías 46:27

Kamachiy Jacob, ama mancharikuychu. Israelníy, ama llawch'iyaychu. Qanwan, wawaykikunawanpis karu suyuman apasqa karqankichej. Noqatajrí chaymanta pusakampusqaykichej. Watej ni pejpa mancharichisqan allinta kawsakunki.

Jeremías 49:3

Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Daniel (hebreo) 2:21

Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

San Mateo 8:26

Chantá Jesús paykunata nerqa: Imaraykutaj manchachikunkichejri? Qankunamá kasqankichej, manachu noqapi atinikunkichej? nispa. Sayariytawantaj, qochata, wayratawan k'amerqa. Wayra thañejtintaj, qochapis tiyaykorqa.

Deuteronomio 1:21

Tata Dios, qankunaj Diosniykichej kay jallp'ata qosunkichej. Rispa, ñawpa tataykichejkunaj Tata Diosninpa nisqanman jina, chay jallp'ata jap'imuychej. Ama manchachikuychejchu, nitaj q'ewayaychejchu, nispa.

Deuteronomio 31:8

Tata Dios pay kikinpuni ñawpaqeykita renqa, qanwantaj kanqa. Payqa mana saqerpayasonqachu, nitaj qonqarparisonqachu. Ama manchachikuychu, nitaj kharkatitiychu, nispa.

Deuteronomio 7:18

Qankunaqa ama paykunata manchachikuychejchu. Tata Diosniykichej faraonwan, chantá tukuy Egipto llajtayojkunawan imatachus ruwasqanta yuyarikuychej.

Deuteronomio 7:21

Chayrayku paykunata rikuspa, ama q'ewayaychejchu, imaraykuchus may jina atiyniyoj manchachikuna Tata Diosniykichejqa qankunawan kashan.

Josué 1:9

Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

Josué 10:7

Chayrayku Josueqa, tukuy soldadonkunawan, chantá maqanakunapaj wapu kajkunawan ima Gilgalmanta rerqanku.

Josué 10:8

Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Josué 6:2

Tata Diostaj Josueta nerqa: Jericó llajtata, kuraj kamachejninta, chantá soldadonkunatawan ima, noqa makiykiman jaywayki.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.