Josué 7:24 - DIOSPA QHELQACHISQ

²⁴ Chantá Josuewan, israelitakunawan ima Zeraj churin Achanta jap'ispa, Acor sutiyoj valleman pusarqanku, jinataj mantata, qorita, qolqe pakasqantawan apallarqankutaj. Jinallataj Achanpa churinkunatawan, ususinkunatawan, wakankunatawan, burronkunatawan, ovejankunatawan, toldontawan, imanchá tiyaporqa chaytawan apallarqankutaj.

Qheshwa Biblia DC

²⁴ Kikimpachataj Acantaqa Acor valleman pusarqanku, mantata, sayt'u p'alta qorita, qolqe pakasqantawan khuska, chanta qhari wawasnintawan, warmi wawasnintawan, wakasnintawan, burrosnintawan, ovejasnintawan, jarantawan, imasninchá tiyaporqa chaytawan khuska.

DIOSPA QHELQACHISQAN DEUTEROCANONICAL

²⁴ Chantá Josuewan, israelitakunawan ima Zeraj churin Achanta jap'ispa, Acor sutiyoj valleman pusarqanku, jinataj mantata, qorita, qolqe pakasqantawan apallarqankutaj. Jinallataj Achanpa churinkunatawan, ususinkunatawan, wakankunatawan, burronkunatawan, ovejankunatawan, toldontawan, imanchá tiyaporqa chaytawan apallarqankutaj.

Josué 7:24 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

Job 20:15

Qhapajyayta oqosqanta lansarparenqa, Dios chaykunata wijsanmanta orqhonqa.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Proverbios 15:27

Pichus mana allinta ruwaspa qhapajyayta munajqa ayllunta mana allintachu ruwan. Pichus lluk'ichikuyta qhesachajrí unayta kawsanqa.

Eclesiastés 5:13

13 (12) Kay pachapi uj jatun llakiyta rikuni: Qhapajkunaqa tiyapuyninkuta waqaychanku aswan qhepaman waqanankupaj.

Isaías 65:10

Mask'awaj kamachiykuna ovejankukunata Sarón pampapi mirachenqanku, wakankutataj Acor vallepi samarichenqanku.

Oseas 2:15

15 (17) Chantá uva huertantapis kutichipusaj. Llakiynintapis kusiyman tukuchisaj. Chaypi sipasllaraj kashaspa imaynatachus k'askawarqa, ajinata k'askawanqa, maypachachus Egiptomanta llojsimorqa, chay p'unchaypi jina.

Josué 15:7

Chaymanta mojonqa Acor vallemantapacha Debirman wicharerqa, chaymantataj Gilgalman kutirimorqa, chaytaj Adumín q'asaj ñawpaqenpi karqa. Chaymanta mojonqa Ensemes yaku juturikama rillarqapuni, Roguel nisqa juturikama llojserqa.

Josué 22:20

Yuyarikullaychejtaj Zeraj churin Achán, Tata Diospaj t'aqasqa phirikunan karqa chayta oqharikuspa, juchallikusqanta. Chay juchanmanta tukuy israelitakunaj contrankuta Tata Dios phiñakorqa. Mana Achanllachu juchanrayku wañorqa, nispa.

Josué 6:18

Qankunatajrí, llajtapi imakunachus tiyan, chaykunata ama munapayaspa oqharikunkichejchu, ni llankharillankichejpischu. Chay llajtapi tukuy imaqa chinkachisqa kananpaj churasqa. Manachus kasukunkichej chayqa, maldicisqa kana pataykichejpi kanqa, jatun llakiytaj qhatiriwasunman.

Josué 6:21

Chantá qharikunata, warmikunata, waynakunata, machu runakunata ima espadawan wañuracherqanku. Wañuchillarqankutaj wakakunata, ovejakunata, burrokunata ima. Tukuy ima kajtapis phirillarqankutaj.

Josué 7:1

Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Josué 7:23

Chay imakunata orqhoytawantaj, Josueman, chantá israelitakunaman ima apamorqanku, chaykunatataj Tata Diospa ñawpaqenman churarqanku.

Josué 7:26

Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.