Josué 7:21 - DIOSPA QHELQACHISQ

²¹ Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

Qheshwa Biblia DC

²¹ Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

DIOSPA QHELQACHISQAN DEUTEROCANONICAL

²¹ Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

Josué 7:21 ပူးပေါင်းရင်းမြစ်များ

Génesis 10:10

Nimrodqa Sinarpi kay llajtakunapi kamacherqa: Babel, Erec, Acad, Calne ima.

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Génesis 34:27

Chantá Jacobpa wakin churinkuna riytawan, wañusqakunaj patanta pasaspa, llajtaman yaykorqanku. Jinaspataj, tukuy imankuta apakaporqanku. Chayta ruwarqanku panankoj honranta Sichem t'akasqanmanta.

Génesis 6:2

Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

2 Samuel 11:2

Uj tarde Davidqa puñusqanmanta jatarispa, kamachinan wasi alto patapi puriykachasharqa. Chantá jinallaman uj k'achita warmita mayllakushajta rikuykorqa.

2 Reyes 7:8

Llejti onqoyniyoj runakunarí siriokunaj jarankuman chayaspa, uj toldoman yaykorqanku, chaypitaj mikhorqanku, ujyarqanku ima. Chaymantataj qolqeta, qorita, p'achakunatawan apakuspa, pakaykamorqanku. Chantá kutimuspa, uj toldomanñataj yaykorqanku, jinallataj tukuy kaj chhikata orqhospa pakaykamullarqankutaj.

Job 31:1

Chantá Job ujtawan parlayta qallarerqa: Noqa sonqoypi nerqani, sipaskunawan puñuykuyta mana munapayanayta.

Salmos 119:37

Ama saqeychu ari ñawiy manakajta qhawananta. Munasqaykiman jina purinaypaj kawsayta qoway.

Éxodo 20:17

Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Proverbios 1:19

Ajinata tukuy imayoj kayta munaj runakunaqa tukukonqanku, munapayasqankutaj paykunata wañuchenqa.

Proverbios 23:31

Ama vinota qhawaychu, imaynatachus pukayarisqanta, nitaj imaynatachus lliphipirisqantapis. Vinoqa wijsaman llamp'ulla yaykurin.

Proverbios 28:22

Qolqemanta wañusqa runaqa usqhayllata qhapajyayta munan. Chaywanpis pay mana yachanchu patanman wajchayay chayamunanta.

Proverbios 4:23

Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

Isaías 28:15

Qankuna nisqankichej: Uj tratota wañuywan ruwayku, ukhu pachawantaj tratoyoj kayku. Manchay jasut'iy jamojtinpis, mana chayamuwasqaykuchu, imaraykuchus llullakuypi pakakuyku, jinallataj ch'awkiyaypipis, nispa.

Isaías 29:15

Ay Tata Diosmanta pakakojkuna, pikunachus wakichisqankuta mana rejsichiyta munankuchu. Imatapis pakayllapi ruwaspa, sonqonku ukhupi ninku: Mana pipis rikuwanchejchu, manataj reparawanchejchu, nispa.

Habacuc 2:9

Ay, imarajchus kanqa qanpaj, imaraykuchus suwasqaykiwan wasiykiman junt'acherqanki, ama ima llakiyta rikunaykipaj.

San Lucas 12:15

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

San Lucas 12:2

Tukuy pakasqa kajpis jinallataj mana sut'inchasqa kajpis sut'inchakonqapuni.

Efesios 5:3

Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Efesios 5:5

Kayta sut'ita yachaychej: Khuchiriyopi purej, millay kajta ruwaj, chayrí qolqemanta wañusqa kajqa mana yaykonqachu Cristojta, Diospatawan kamachiyninman. Qolqemanta wañusqa kajqa lantita yupaychajpis kanman jina, imajtinchus kay pachapi kajta yupaychan.

Deuteronomio 7:25

Lantinkuta ninaman wijch'uykuspa, ruphachinkichej. Chay lantinkoj qorinta, qolqentapis munapayaspa, ama jap'ikapunkichejchu. Chaykunatachus jap'ikapuwajchej chayqa, juchallinaykichejpaj tojlla jina kasunkichejman. Tata Diosqa chaykunata millachikuspa, rikuyta mana atinchu.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Santiago 1:15

Chantá chay mana allin kajta ruwayta munanata pay kasun, jinataj juchallin. Pichus juchallispallapuni purejtaj wiñaypaj wañuyta tarikun.

Josué 7:20

Chantá Achán Josueta nerqa: Arí, cheqapuni Israelpa Tata Diosninpa contranta juchallini. Kayta ruwarqani:

Josué 7:22

Josuetaj chayta uyarispa, Achanpa toldonman runakunata kacharqa, paykunataj phawarishaj rispa, imakunachus pakasqa kasharqa, chaykunata tarimorqanku. Qolqetapis aswan ukhunejpi tarerqanku.

2 Pedro 2:15

Mana cheqanta yachachejkunaqa cheqan ñanmanta pantaykuspa, Beorpa churin Balaampa sarusqanta sarushanku. Payqa millay kajta ruwasqanmanta, qolqeta ganakuyta maytapuni munasqa.