Josué 7:12 - DIOSPA QHELQACHISQ

¹² Chayrayku israelitakunaqa awqankuta mana atipayta atenqankuchu. Aswanpis awqankoqa israelitakunata ayqechimullanqankupuni, imaraykuchus phirisqa kanankupaj jina kanku. Sichus qankuna, imachus phirisqa kananta nerqani, chaykunata mana usqhayta phirinkichejchu chayqa, mana noqapis qankunawanñachu kasaj.

Qheshwa Biblia DC

¹² Chayrayku israelitasqa enemigosninkuta mana atipayta atenqankuchu, paykunaqa ayqechimullanqankupuni, imachus ruphachisqa kanan karqa chayta jap'isqankumanta. Manachus usqhayta phirinkichej chayqa, mana noqapis qankunawanñachu kasaj.

DIOSPA QHELQACHISQAN DEUTEROCANONICAL

¹² Chayrayku israelitakunaqa awqankuta mana atipayta atenqankuchu. Aswanpis awqankoqa israelitakunata ayqechimullanqankupuni, imaraykuchus phirisqa kanankupaj jina kanku. Sichus qankuna, imachus phirisqa kananta nerqani, chaykunata mana usqhayta phirinkichejchu chayqa, mana noqapis qankunawanñachu kasaj.

Josué 7:12 ပူးပေါင်းရင်းမြစ်များ

Salmos 44:10

10 (11) Awqaykukunaj ñawpaqenta qan ayqechiwarqayku. Pikunachus chejnikuwayku, chaykuna suwawayku, tukuy imaykutapis munasqankuta apakapunku.

Salmos 60:10

10 (12) Qan, Diosniyku, noqaykumanta karunchakunki, manañataj soldadoykunaj ñawpaqenta maqanakoj llojsinkichu.

Proverbios 28:1

Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

Isaías 59:2

Manachayqa qankunaj mana allin ruwasqaykichejmin Diosniykichejmanta karunchasunkichej. Juchaykichejraykutaj payqa qankunamanta karunchakun ama uyarisunaykichejpaj.

Jeremías 23:33

Jeremías, sichus uj runa, uj sut'inchaj, chayrí uj sacerdotepis tapusunkiman: Imatataj Tata Dios ninri? nispa chayqa, qan ninki: Ajinata Tata Dios sut'inchan: Imaynatachus pipis q'epita wijch'uspa, saqerparin, ajinallatataj saqerparisqaykichej, nispa.

Jeremías 6:8

Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Oseas 9:12

Wawankuta uywanqanku chaypis, noqa qhechukapusaj ni uj puchuyojta. Ay, imarajchus kanqa, paykunamanta karunchakusqayrayku.

Habacuc 1:13

Qanqa may llimphu kasqaykirayku, millay kajta ruwanata mana qhawallaytapis atinkichu. Jina kaspa, millayta ruwajta mana qhawakullankichu. Imaynatataj ari millay ruwajkunata qhawakullankiri? Imanaynatataj ch'inlla kanki millay runakuna paykunamanta aswan allin runakunata wañuchejtinkuri?

Números 14:39

Moisés Tata Dios imatachus nisqanta israelitakunaman willajtin, tukuyninku maytapuni llakikorqanku.

Números 14:42

Ama riychejchu, imajtinchus Tata Dios manamin qankunawanchu kashan, awqaykichejtaj atipasonqachej.

Números 14:43

Amalecitakunawan, cananeokunawan ima qankunawan maqanakunankupaj suyaykushasunkichej, paykunataj wañuchisonqachej. Tata Diosta qhatiyta qhesachasqaykichejrayku, payqa manaña qankunawanchu kashan, nispa.

Números 14:45

Chantá chay orqo kinraykunapi tiyakoj amalecitakuna, cananeokuna ima israelitakunawan maqanakoj llojsimorqanku. Israelitakunata atipaykuspataj, Jormakama qhatiykorqanku.

Deuteronomio 7:26

Chayrayku qankunaqa millachikuna lantinkukunata amapuni wasiykichejman apakapunkichejchu, ama qankunapis chinkachisqa kanaykichejpaj. Chaykunaqa chinkachisqa kananpaj churasqa kashan. Chayrayku chaykunata chejninaykichej tiyan.

Josué 6:18

Qankunatajrí, llajtapi imakunachus tiyan, chaykunata ama munapayaspa oqharikunkichejchu, ni llankharillankichejpischu. Chay llajtapi tukuy imaqa chinkachisqa kananpaj churasqa. Manachus kasukunkichej chayqa, maldicisqa kana pataykichejpi kanqa, jatun llakiytaj qhatiriwasunman.

Jueces 16:20

Chantá Dalilaqa qhaparerqa: Sansón, filisteokuna jap'isoj jamushanku, nispa. Sansontaj rijch'ariytawan, yuyarqa ñawpaj kutipi jina kacharichikunallanta. Jinapis mana yacharqachu Tata Diosqa payta saqerparisqanta.

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 2:4

Tata Diospa angelnin parlayta tukojtinkama, tukuynin israelitakuna sinch'imanta waqayta qallarerqanku.

1 Samuel 14:38

Chantá Saúl nerqa: Kayman soldadokunata tukuy kamachejkuna qayllamuychej, waturiychejtaj pichus kunan juchallisqanta.