Josué 7:11 - DIOSPA QHELQACHISQ

¹¹ Israelitakunaqa trato ruwasqayta p'akispa juchallikunku. Imakunachus phirisqa kanan karqa chaykunata jap'ikapunku, yachashaspa mana allintachu ruwashasqankuta. Aswanpis imatachus suwasqankuta imankuchus tiyapusqantawan pakaykunku.

Qheshwa Biblia DC

¹¹ Israelitasqa juchallikunku, paykuna trato ruwasqayta p'akinku. Pakaykunku imaschus phirikunan chaymanta, suwanku, chayqa mana allin ruwana kasqanta yachashaspa, maypichus imasninkupis kashan chayman pakaykunku.

DIOSPA QHELQACHISQAN DEUTEROCANONICAL

¹¹ Israelitakunaqa trato ruwasqayta p'akispa juchallikunku. Imakunachus phirisqa kanan karqa chaykunata jap'ikapunku, yachashaspa mana allintachu ruwashasqankuta. Aswanpis imatachus suwasqankuta imankuchus tiyapusqantawan pakaykunku.

Josué 7:11 ပူးပေါင်းရင်းမြစ်များ

2 Reyes 18:12

Israelitakunata chay jina llakiy qhatirerqa, Tata Diosninkoj nisqanta mana kasusqankurayku. Aswanpis paypa trato ruwasqanta p'akisqanku. Imatachus Tata Diospa kamachin Moisés paykunaman kamachisqanta mana uyarikorqankuchu, nitaj ruwarqankuchu.

2 Reyes 5:24

Orqoman chayajtinkutaj, Guejazí kamachikunamanta jap'ispa, wasinman waqaychaykorqa, jinaspataj Namanpa kamachinkunata kachaporqa.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Oseas 6:7

Chaywanpis aylloyqa Adán jinallataj trato ruwasqayta p'akinku, wasanchawankutaj.

Levítico 5:15

Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin.

Habacuc 2:6

Chaywanpis chay tukuy jap'isqanku suyukuna asikuspa, kay jinata takipayanqanku: Ay qanmanta, mana qanpata kajllawan qhapajyaj. Mayk'ajkamataj mañarisqa imakunata tantaspa qhapajyankiri, nispa?

Zacarías 5:4

Tukuy Atiyniyoj Tata Dios nin: Noqa chay maldicionta chayachimusaj, pikunachus suwanku, pikunatajchus qhasimanta sutiypi tilunku, chaykunaj wasinkuman yaykunanpaj. Kay maldiciontaj chayllapi qhepakonqa wasej kurkunkuna, jinataj ruminkunapis chinkarparichisqa kanankama, nispa.

San Mateo 22:21

Paykunataj kuticherqanku: Cesarpata ari, nispa. Jesustaj kuticherqa: Jina kajtenqa, Cesarpata kajtaqa Cesarman qopuychej. Diospata kajtatajrí Diosman qopuychej, nispa.

Hechos 5:9

Chantá Pedroqa Safirata nerqa: Imaraykutaj qosaykiwan yachachinakorqankichej Tukuyta Kamachej Jesuspa Espiritunman llullakunaykichejpajri? Kunitan kay punkuman chayamushanku qosaykita p'ampamojkuna, paykunataj qantapis p'ampaj apallasonqankutaj, nispa.

Deuteronomio 17:2

Ichapis Tata Diosniykichej qosonqachej chay suyumanta mayqen llajtapipis yachawajchej qharipis, chayrí warmipis, Tata Diospa ñawpaqenpi mana allin kajta ruwasqanta, trato ruwasqantapis p'akisqanta.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

Josué 23:16

Ajina kanqa sichus Tata Dios qankunawan trato ruwasqanta mana junt'ankichejchu chayqa. Sitajchus Tata Diosta wasanchaspa waj dioskunata yupaychankichej, chantá qonqorikunkichej ima chayqa, Tata Dios qankunapaj phiñakonqa, manaraj imapitaj kay sumaj jallp'amanta chinkachisqa kankichej, nispa.

Josué 7:1

Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Josué 7:10

Tata Diostajrí Josueman kuticherqa: Sayariy. Imaraykutaj pampakama k'umuykusqa kashankiri?

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.

1 Samuel 14:38

Chantá Saúl nerqa: Kayman soldadokunata tukuy kamachejkuna qayllamuychej, waturiychejtaj pichus kunan juchallisqanta.