Josué 6:5 - DIOSPA QHELQACHISQ

⁵ Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Qheshwa Biblia DC

⁵ Carnero wajrasta waqajta uyariytawan, tukuy kallpawan qhapariychej, llajtaj perqasnintaj ujllata pampaman urmanqanku. Chaymantataj sapa ujniykichej llajtaman phinkikuychej, nispa.

DIOSPA QHELQACHISQAN DEUTEROCANONICAL

⁵ Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Josué 6:5 ပူးပေါင်းရင်းမြစ်များ

Éxodo 19:19

Pututoqa astawan, astawan sinch'ita waqasharqa. Moisés Dioswan parlashajtintaj, Diosqa manchay jatunmanta parlaspa kuticherqa. Parlasqanqa qhon qhon jina karqa.

Isaías 25:12

Diosqa chay chhikachaj jark'akuna sinch'i perqankunata urmachenqa, pampaman tukunankama jallp'aman wijch'onqa.

Isaías 30:25

Maypachachus manchay wañuchinaku p'unchay awqaykichejpaj chayamonqa, torrekunataj urmaranqanku chaypacha, jatuchaj orqokunapi, jatuchaj lomakunapi ima yaku mayu jina phajcharimonqa.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Hebreos 11:30

Chaymanta israelitakuna Diospi atinikusqankurayku Jericó llajtaj muyuyninpi phatu perqa payllamanta thuñikorqa, qanchis p'unchayta chay llajtata muyuykojtinku.

Josué 6:16

Chantá qanchis kutita muyurisqankutawan, sacerdotekuna pututunkuta sinch'ita waqachejtinku, Josué israelitakunata nerqa: Qhapariychej, imaraykuchus Tata Dios kay llajtata makiykichejman jaywaykusunkichejña.

Josué 6:20

Chantá sacerdotekunaqa pututunkuta waqacherqanku, soldadokunataj jatunmanta qhaparerqanku. Israelitakunapis pututu waqasqanta uyariytawan, kunkankoj atisqanta qhapariyta qallarerqanku. Chantá ujllata llajtaj perqan loqhekuspa urmaykorqa. Chaymantataj sapa soldado cheqanta llajtaman phinkiykorqapacha, ajinamantataj Jericó llajtata jap'erqanku.

Josué 6:4

Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

Josué 6:6

Chantá Nunpa churin Josueqa sacerdotekunata wajyaspa, nerqa: Tata Diospa trato ruwasqan arcata apaychej, chaypa ñawpaqentataj qanchis sacerdotekuna carnero wajramanta pututuyoj richunku, nispa.

Jueces 20:37

Chay pakasqa israelita soldadokunataj ujllata Gabaa llajtaman yaykuykuspa, tukuy qhepakojkunata wañuracherqanku.

1 Samuel 17:20

Chay q'ayantintaj Davidqa tutamanta jatarikorqa, ovejankunata wajman mink'arikuspataj rerqa, tatan Yesé mikhunata wakichisqanta apaspa. Maqanaku jaraman chayashajtintaj, soldadokuna manchayta qhaparispa maqanakunankupaj wakichikusharqanku.

1 Samuel 17:52

Chantá Judá jatun ayllumanta, jinataj Israel suyumanta kajkunapis qhaparispa, Gat llajtaman yaykunakama chantá Ecronman yaykuna chaynejkama filisteokunata qhatiykorqanku. Sagarayinmantapacha Gatman, chantá Ecronman rina ñan patapi filisteokunaj ayanku wijch'u wijch'ulla kasharqanku.

1 Samuel 4:5

Tata Diospa arcanta jaraman chayachimojtinkutaj, tukuy israelitakuna kusiywan sinch'ita qhaparerqanku. Sinch'ita qhaparisqankoqa jallp'ata kharkatiticherqa.