Josué 6:4 - DIOSPA QHELQACHISQ

⁴ Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

Qheshwa Biblia DC

⁴ Qanchis sacerdotes renqanku, Señorpa trato ruwasqan cajompa ñaupaqenta, sapa ujninkutaj renqanku carnerospa wajrasninmanta pututusniyoj. Qanchis kaj p'unchaypitaj qanchis kutita llajtata muyurinkichej, sacerdotestaj chaykama pututusninkuta tocanqanku.

DIOSPA QHELQACHISQAN DEUTEROCANONICAL

⁴ Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

Josué 6:4 ပူးပေါင်းရင်းမြစ်များ

Génesis 2:3

Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

1 Reyes 18:43

Kamachinmantaj nerqa: Wicharispa, mama qochanejta qhawarimuy, nispa. Kamachintaj wicharispa qhawarerqa, kutimuspataj, nerqa: Mana imapis kanchu, nispa. Eliastaj qanchis kutita ajinallatapuni nerqa: Rispa, qhawarqamuy, nispa.

2 Reyes 5:10

Eliseotajrí uj runata kacharqa ajinata ninanpaj: Jordán mayuman rispa, qanchis kutita p'ultikamuy, ukhuykitaj llejti onqoymanta llimphu rikhurenqa, nispa.

2 Reyes 5:14

Chantá Namanqa Jordán mayuman rispa, Diospa sut'inchajninpa nisqanman jina qanchis kutita p'ultiykakamorqa. Chaypipachataj ukhonqa wawaj ukhunman jina tukorqa, llimphuyachisqataj karqa.

2 Crónicas 13:12

Kayta yuyarikuychej: Diosqa kamachejniyku jina noqaykuwan kashan. Sacerdotekunataj wakisqaña kashanku maqanakuman rispa cornetata waqachinankupaj. Chayrayku qankuna, Israel ayllumanta kajkuna, ama ñawpa tataykichejkunaj Tata Diosninpa contranpi maqanakuychejchu, imaraykuchus paytaqa mana atipawajchejchu, nispa.

2 Crónicas 20:17

Manamin qankunachu maqanakunkichej. Chaynejpi mana kuyurispa sayaychej, rikunkichejtaj imaynatachus Tata Dios qankunata yanapasonqachej, chayta. Jerusalenpi, jinataj Judapi tiyakojkuna, ama manchachikuychejchu, nitaj kharkatitiychejchu. Q'ayapacha rispa, contrankupi sayaykuychej, imaraykuchus Tata Dios qankunawan kanqa, nispa.

2 Crónicas 20:19

Levitakuna, Coat ayllunmanta, Corejpamanta kajkunapiwan sayarikuspa, jatunmanta qhaparispa Israelpa Tata Diosninta yupaycharqanku.

2 Crónicas 20:21

Chantá runakunawan parlaytawan, Josafatqa wakinkunata takinankupaj churarqa. Diosta yupaychanapaj p'achawan p'achallisqa soldadokunaj ñawpaqenkuta rinanku karqa Tata Diosta yupaychaspa: Tata Diosman pachis niychej, khuyakuynin wiñaypaj kasqanrayku, nispa.

Job 42:8

Kunanqa qanchis torillota, qanchis carnerotawan qhatiriykukuspa, kamachiy Jobman riychej. Chantá chay uywakunata q'olachispa, juchaykichej pampachasqa kananpaj noqaman jaywawaychej. Kamachiy Jobtaj qankunarayku noqamanta mañapusonqachej, noqataj uyarisaj. Jinamanta mana allinta noqamanta parlasqaykichejta pampachasaj. Qankunaqa mana kamachiy Job jinachu noqamanta cheqanta parlarqankichej, nispa.

Isaías 27:13

Chaypacha jatun trompetata waqachenqanku. Chantá Asiriapi ch'eqerasqa kajkuna jamponqanku, jinallataj Egiptoman wijch'usqa kajkunapis. Chayamuspataj, Jerusalenpi kaj Diospaj t'aqasqa orqopi Tata Diosta yupaychanqanku.

Levítico 14:16

Chantá paña makinpi ruk'ananta lloq'e makinpi kashaj aceiteman chhapuspa, Tata Diospa ñawpaqenpi qanchis kutita ch'ajchonqa.

Levítico 4:6

Chaypitaj kuraj kaj sacerdoteqa maki ruk'ananta yawarman chhapuspa, Tata Diospa ñawpaqenpi cortina cheqanejman qanchis kutita ch'ajchonqa.

Zacarías 4:2

Imatataj rikunki? nispa. Noqataj kuticherqani: Noqa qorimanta uj candelerota rikuni, patanpi aceite churanayojta. Aceite churanaj muyuyninpitaj qanchis lamparakuna tiyan, sapa lamparamantaj uj tubonejta aceite yaykushan.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Números 23:1

Chantá Balaamqa Balacta nerqa: Kaypi qanchis altarta ruwapuway, chantá qanchis torillota, qanchis carnerotawan ñak'ay, nispa.

Josué 6:13

Tata Diospa arcanpa ñawpaqentataj qanchis sacerdotekuna mana sayaspa putututa waqachispallapuni rerqanku. Maqanakupaj sumaj wakichisqa soldadokunataj wakin ñawpajta risharqanku, wakintaj Tata Diospa trato ruwasqan arcaj qhepanta. Chaykamataj sacerdotekunaqa mana samarispa putututa waqachillarqankupuni.

Josué 6:3

Qan, chantá tukuy soldadoykikuna ima sapa p'unchay uj kutita Jericó llajtata muyurinkichej. Ajinata sojta p'unchayta ruwankichej.

Josué 6:5

Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Apocalipsis 1:20

Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Apocalipsis 10:3

Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Apocalipsis 15:7

Chantá chay tawa kawsajkunamanta ujnin kaj chay qanchis angelkunaman qorimanta ruwasqa qanchis vasota jaywarqa. Chay vasokunaqa Diospa phiñakuyninwan junt'asqa karqanku, pichus wiñay wiñaypaj kawsan, chaypata.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Apocalipsis 5:1

Chantá noqa chay kamachina tiyanapi tiyasqa kajpa paña makinpi rikorqani uj k'uyusqa p'anqata. Chay k'uyusqa p'anqaqa ukhunpi jawanpi ima qhelqasqa karqa, qanchis sellowantaj sellasqa.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 8:2

Chantá Diospa ñawpaqenpi qanchis angelkunata sayashajta rikorqani. Paykunamantaj qanchis trompetakunata qorqanku.

Apocalipsis 8:6

Chantá chay qanchis angelkuna sapa uj trompetanta waqachinankupaj wakichikorqanku.