Josué 6:23 - DIOSPA QHELQACHISQ

²³ Paykunataj rispa, Rajabta, tatanta, mamanta, turanta, pi ayllunchus paywan kasharqanku, chaykunata ima orqhomorqanku, pusarqankutaj israelitakunaj jarankumanta jawaman.

Qheshwa Biblia DC

²³ Paykunataj rispa orqhomorqanku Rahabta, tatanta, mamanta, turasninta, pi ayllusninchus paywan kasharqanku chaykunatawan; pusarqankutaj allin waqaychasqata, israelitaspa jarasninkumanta jawaman.

DIOSPA QHELQACHISQAN DEUTEROCANONICAL

²³ Paykunataj rispa, Rajabta, tatanta, mamanta, turanta, pi ayllunchus paywan kasharqanku, chaykunata ima orqhomorqanku, pusarqankutaj israelitakunaj jarankumanta jawaman.

Josué 6:23 ပူးပေါင်းရင်းမြစ်များ

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 18:24

Ichapis chay llajtapi cheqanta ruwajkuna phishqa chunka kankuman. Chay phishqa chunkarayku manachu chay llajtapi tiyakojkunamanta khuyarikuwaj?

Génesis 19:29

Ajinata Diosqa, maypichus Lot tiyakorqa, chay vallepi llajtakunata chinkarparicherqa. Chaywanpis Abrahammanta yuyarikuspa, chinkarparichinan karqa, chay llajtakunamanta Lotta orqhorqa.

Números 31:19

Pikunachus qankunamanta runata wañucherqankichej, chayrí wañusqata llankharqankichej, chaykunaqa jaramanta jawapi qanchis p'unchayta qhepakunkichej. Kinsa kaj p'unchaypi, qanchis kaj p'unchaypiwan qankuna, chantá jap'ispa apamusqaykichej runakuna ima llimphuchakunaykichej tiyan Diospa ñawpaqenpi llimphu kanaykichejpaj.

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

Hechos 27:24

Chay angeltaj niwarqa: Pablo, ama manchachikuychu. Imapis kachun kuraj kamachej Cesarpa ñawpaqenman chayanaykipuni tiyan. Diostajrí qanrayku barcopi tukuy rejkunamanta ni pitapis wañojta saqenqachu, nispa.

1 Corintios 5:12

Noqajtaqa ni ima ruwanay kanchu jawapi kajkunata juzganaypaj. Chaywanpis qankunamin iglesiapi kajkunata juzganaykichej tiyan.

Efesios 2:12

Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Hebreos 11:31

Jinallataj phisu warmi Rajabpis Diospi atinikusqanrayku, Diosta mana kasojkunawan khuska mana wañuchisqachu karqa, imaraykuchus wateqajkunata tukuy sonqo wasinman wajyarikorqa.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

Josué 2:13

Tatayta, mamayta, turaykunata, ñañaykunata, tukuy pikunachus paykunawan tiyakojkunata ama wañuchinkichejchu. Wañuchisqa kanamanta jark'akuwasqayku ari, nispa.

Josué 2:16

Manaraj kacharparishaspa, Rajab paykunata nerqa: Orqorara cheqaman riychej, qankunata mask'asojkuna ama taripasunaykichejpaj. Chaypi kinsa p'unchayta pakakuychej, paykuna llajtaman kutimpunankukama, chantá ripuychej, nispa.

Josué 2:18

Maypachachus kay llajtaman chayamusqayku chaypacha, urayk'uchiwarqayku, chay ventanaman kay puka waskhata watanki. Wasiykimantaj tantamunki tataykita, mamaykita, turaykikunata, chantá tukuy aylluykitawan.

Jueces 1:25

Jinapi chay runaqa paykunaman rikuykucherqa maynintachus llajtaman yaykunata, paykunataj chay llajtapi tiyakojkunata tukuyninkuta wañuracherqanku. Jinapis ñanta rikuchej chay runataqa mana wañucherqankuchu, nitaj aylluntapis.