Josué 6:21 - DIOSPA QHELQACHISQ

²¹ Chantá qharikunata, warmikunata, waynakunata, machu runakunata ima espadawan wañuracherqanku. Wañuchillarqankutaj wakakunata, ovejakunata, burrokunata ima. Tukuy ima kajtapis phirillarqankutaj.

Qheshwa Biblia DC

²¹ Chaymantaqa espadawan wañuracherqanku qharista, warmista, waynasta, machu runasta, chaymantá wakasta, ovejasta, burrosta ima. Tukuy ima kajta phirerqanku.

DIOSPA QHELQACHISQAN DEUTEROCANONICAL

²¹ Chantá qharikunata, warmikunata, waynakunata, machu runakunata ima espadawan wañuracherqanku. Wañuchillarqankutaj wakakunata, ovejakunata, burrokunata ima. Tukuy ima kajtapis phirillarqankutaj.

Josué 6:21 ပူးပေါင်းရင်းမြစ်များ

1 Reyes 20:42

Chantá Diosmanta sut'inchajqa nerqa: Tata Dios ajinata nisunki: Wañuchinapaj juchachasqa runata qan kacharisqaykirayku paypa cuentanmanta wañunki, aylluykiwantaj paypa ayllunmanta paganki, nispa.

Jeremías 48:18

Qan Dibón llajta, chay k'achitu tiyanaykimanta urayk'amuspa, ch'aki pampallapi tiyaykukuy, imaraykuchus Moabta chinkachejqa qanpa contraykipipis jamushallantaj. Awqaykeqa chay jark'achasqa pukaraykikunatapis phirillanqataj.

Deuteronomio 13:16

16 (17) Tukuy kapuyninkutaqa llajta plazaman tantaspa, llajtantinta ninawan kanaykunkichej. Chay tukuy imaqa q'olachisqa jaywana Tata Diospaj kanqa. Jinamanta chay llajtaqa wiñaypaj raqayllaña kanqa, nitaj jayk'ajpis watej sayarichisqachu kanqa.

Deuteronomio 2:34

Atipaspaqa, tukuy llajtankunata thuñerqanchej. Chantá qharikunata, warmikunata, wawakunata ima wañuchispa, mana ujtapis kawsashajta saqerqanchejchu.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

Josué 10:28

Chay kikin p'unchayllataj Josueqa Maceda llajtata jap'ispa, chay llajtayojkunata, chantá kuraj kamachejnintapis espadawan wañuracherqa. Ajinata mana uj puchuyojta wañurachispa, ch'inpachata chay llajtata saqerparerqa. Maceda llajtaj kuraj kamachejninta ruwarqa, imaynatachus Jericó llajtaj kuraj kamachejninta ruwarqa, kikillantataj.

Josué 10:39

Chay Debir llajtaman yaykuykuspataj, kuraj kamachejninta, chay llajtapi tukuy tiyakojkunatawan ima ni uj puchuyojta espadawan wañuracherqanku. Jinallataj qayllanpi llajtakunapipis tukuynin runakunata wañuracherqanku, imaynatachus Hebronta, Libnata, kuraj kamachejninta ima ruwarqanku, ajinata.

Josué 11:11

Jazor llajtapi tiyakojkunata ni uj puchuyojta espadawan wañuracherqanku, llajtapi kaj chhikata phirispa. Jinaytawantaj, Jazor llajtata ruphaykucherqanku.

Josué 11:14

Israelitakunaqa chay llajtakunapi tiyakojkunata tukuyninta mana uj puchuyojta espadawan wañuracherqanku. Chaywanpis imankuchus kajta, jinataj uywankukunatawan ima jap'ikaporqanku.

Josué 8:2

Qanqa Hai llajtata chantá kuraj kamachejninta ima, imaynatachus Jericó llajtata ruwarqanki, ajinallatataj ruwanki. Chaywanpis kunan kuteqa uywankuta, chantá imankuchá tiyapusqanta qankuna jap'ikapunkichej. Ujllata atipaykunaykichejpajqa kay jinata ruwaychej: Soldadokunata llajtaj wasanman pakaykuy, kaymanta jinalla phawaykunankupaj, nispa.

Josué 8:22

Chaymantataj Hai llajtaman yaykoj israelitakuna llojsimorqanku. Jinamanta Haimanta kajkunaqa chawpipi rikhurerqanku, israelitakunataj tukuyninkuta mana ni uj puchuyojta wañuracherqanku.

Josué 9:3

Chaywanpis Gabaón llajtapi tiyakoj heveokuna Jericó llajtata, chantá Hai llajtatawan Josué imatachus ruwasqanta yachaspa,

Apocalipsis 18:21

Chantá uj kallpasapa ángel uj jatun molino rumita jina oqharispa, mama qochaman wijch'uykorqa, nerqataj: Ajinallatataj jatun Babilonia llajtaqa sinch'i kallpawan wijch'usqa kanqa, manataj jayk'ajpis ujtawan pipis rikonqañachu.

1 Samuel 15:3

Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.

1 Samuel 15:8

Amalecitakunaj kuraj kamachejninku Agagta jap'erqa, tukuy runatataj wañucherqa.