Josué 6:18 - DIOSPA QHELQACHISQ

¹⁸ Qankunatajrí, llajtapi imakunachus tiyan, chaykunata ama munapayaspa oqharikunkichejchu, ni llankharillankichejpischu. Chay llajtapi tukuy imaqa chinkachisqa kananpaj churasqa. Manachus kasukunkichej chayqa, maldicisqa kana pataykichejpi kanqa, jatun llakiytaj qhatiriwasunman.

Qheshwa Biblia DC

¹⁸ Qankunaqa llajtapi imaschus kashan chaykunata, ama pakankichejchu, ni llujchirillankichejpischu, chay tukuy imasqa chinkachisqas kananku tiyan, Señorman rikuchiku jina jaywasqa, manachus jinata ruwankichej chayqa, Israel jaraman maldicionta apamunkichej, mana allin kaylla pejtu kanqa.

DIOSPA QHELQACHISQAN DEUTEROCANONICAL

¹⁸ Qankunatajrí, llajtapi imakunachus tiyan, chaykunata ama munapayaspa oqharikunkichejchu, ni llankharillankichejpischu. Chay llajtapi tukuy imaqa chinkachisqa kananpaj churasqa. Manachus kasukunkichej chayqa, maldicisqa kana pataykichejpi kanqa, jatun llakiytaj qhatiriwasunman.

Josué 6:18 ပူးပေါင်းရင်းမြစ်များ

2 Samuel 21:1

David kuraj kamachej kashajtin, kinsa wata junt'ata yarqhay karqa. Chaypacha Davidqa Tata Diosta tapurerqa, Tata Diostaj kuticherqa: Chay yarqhayqa kashan Saúl, jinataj ayllunkunapis gabaonitakunata wañuchisqankumanta, nispa.

Eclesiastés 9:18

Maqanakupaj armakunamanta nisqaqa, yachayniyoj kay aswan allin. Chaywanpis uj pantaylla ima allin kajtapis urmachin.

Jonás 1:12

Jonastaj paykunaman nerqa: Mama qochaman wijch'uykuwaychej, jinataj para wayra thañiponqapacha. Juchayoj kasqayta yachani, noqarayku kay sinch'i para wayra jatarin, nispa.

Romanos 12:9

Qankuna wajkunata tukuy sonqo munakuychej, ama simillamantachu. Jinataj mana allin kajta chejniychej, allin kajmantataj ch'ipakuychej.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Efesios 5:11

Laqhapi kajkunaj qhasi manakaj ruwasqankupirí ama ruwaysikuychejchu. Manachayqa imatachus ruwasqanku millay kasqanta reparachiychej.

Deuteronomio 13:17

17 (18) Qankunaqa imachus chinkachisqa kananpaj t'aqasqa kashan, chaymanta ama imatapis jap'ikapunkichejchu. Chaykunata mana jap'ikapojtiykichej, Tata Diospa sinch'i phiñakuynin tiyaykonqa, qankunatataj khuyasonqachej, tataykichejman tiluspa nisqanman jinataj ashkhata mirachisonqachej.

Deuteronomio 23:10

10 (11) Sichus tutan puñushajtiykichej, mayqenniykichejpata mujun llojsinman chayqa, jaramanta jawaman llojsichun, amataj yaykumuchunchu.

Deuteronomio 7:26

Chayrayku qankunaqa millachikuna lantinkukunata amapuni wasiykichejman apakapunkichejchu, ama qankunapis chinkachisqa kanaykichejpaj. Chaykunaqa chinkachisqa kananpaj churasqa kashan. Chayrayku chaykunata chejninaykichej tiyan.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

Josué 7:1

Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Josué 7:13

Sayariy, israelitakunata tantachispataj, llimphuchachimuy, Diospa ñawpaqenpi llimphupaj qhawasqa kanaykichejpaj. Chantá niy, q'aya ñawpaqeyman chimpamunankupaj wakichikunankuta, imaraykuchus noqa Tata Dios, Israelpa Diosnin ajinata nini: Qankunaqa imakunatachus phirinaykichej karqa, chaykunata mana phirerqankichejchu. Manachus tukuyninta phirinkichej chayqa, manapuni awqaykichejta atipayta atinkichejchu.

Josué 7:15

Pejpa makinpichá imakunachus phirisqa kanan karqa chay rikhurenqa chayqa, chay runa tukuy ayllunwan, chantá imanchá tiyapun, chaykunawan ima ruphachisqa kanqa. Payqa wañuchisqa kanqa, imajtinchus Tata Diospa trato ruwasqanta p'akispa, Israelpi mana ruwanata ruwarqa, nispa.

Josué 7:25

Chantá Josué Achanta nerqa: Imarayku qan kay jina llakiyman churawarqaykuri? Kunanqa Tata Dios qanpa pataykiman chay llakiyllatataj urmachimuchun, nispa. Chayta nisqantawan, tukuy israelitakuna Achanta, aylluntawan ima rumiwan ch'anqaykuspa, wañucherqanku, jinaytawantaj ruphaykucherqanku.

1 Juan 5:21

Wawaykuna, mana cheqa kaj dioskunaman k'umuykunamanta allinta qhawakuychej. Ajina kachun.

1 Samuel 15:9

Chaywanpis Saúl, jinataj soldadonkuna ima kuraj kamachej Agagta mana wañucherqankuchu, nillataj sumachaj ovejakunata, torokunata, wira torillokunata, nitaj corderokunatapis wañucherqankuchu. Nillataj sumachaj kaj imakunatapis phirerqankuchu. Imatachus phirirarqanku, chaykunaqa mana walej, mana valorniyoj karqa.