Josué 6:1 - DIOSPA QHELQACHISQ

¹ Chaypacha mana pipis Jericó llajtaman yaykuyta aterqachu, imaraykuchus llajtayojkunaqa israelitakunamanta jark'akunankupaj llajtaman yaykuna jatun punkuta sumajta wisq'asqanku.

Qheshwa Biblia DC

¹ Chaypacha mana pipis Jericoman yaykuyta aterqachu, imaraykuchus llajta punkustaqa sumajta wisq'amusqanku israelitasmanta jark'akunankupaj. Chayrayku ni pipis yaykojchu, nitaj llojsejchu.

DIOSPA QHELQACHISQAN DEUTEROCANONICAL

¹ Chaypacha mana pipis Jericó llajtaman yaykuyta aterqachu, imaraykuchus llajtayojkunaqa israelitakunamanta jark'akunankupaj llajtaman yaykuna jatun punkuta sumajta wisq'asqanku.

Josué 6:1 ပူးပေါင်းရင်းမြစ်များ

2 Samuel 10:5

Paykunaqa sinch'i p'enqasqa kasharqanku. Davidtaj chayta yachaspa, kamachinkunata kacharqa: Jericó llajtapi sunkhaykichej wiñanankama qhepakuychej, chaymantataj kutimpunkichej, nispa.

2 Reyes 17:4

Aswan qhepanejmanrí Asiria suyuta kuraj kamachejqa Oseas paypa contranpi oqharikushasqanta jap'erparerqa. Oseasqa Egipto suyuta kuraj kamachej So sutiyojman kachakunata kachasqa yanapananta mañakunanpaj. Chantapis impuestota manaña Asiriaman pagasqachu, imaynatachus sapa wata pagaj, jinataqa. Chayrayku Asiria suyuta kuraj kamachejqa Oseasta jap'ichispa, carcelman wisq'aykucherqa.

2 Reyes 2:4

Chantá Eliasqa Eliseota ujtawan nillarqataj: Eliseo, kaypi qhepakuy, imaraykuchus Tata Dios Jericoman kachashawan, nispa. Eliseotajrí kuticherqa: Tata Diospa sutinrayku, chantá sutiykirayku ima tiluni: Mana sapaykita rejta saqesqaykichu, nispa. Chantá iskayninku Jericoman rerqanku.

Salmos 127:1

(1b) Manachus Tata Dios wasita sayachin chayqa, wasichajkunaqa qhasillata wasita oqharinku. Manachus Tata Dios llajtata qhawan chayqa, qhawaj soldadokunaqa qhasillata qhawanku.

Josué 16:7

Chantá Yanojamanta Atarotman, Naratman ima urayk'orqa, chaymanta Jericonta pasaspa Jordán mayuman llojserqa.

Josué 18:21

Benjamín jatun aylluman chayasqan llajtakunaqa kaykuna karqanku: Jericó, Bet Joglá, Casis valle nisqa,

Josué 2:1

Nunpa churin Josueqa Sitín nisqa chaymantapacha iskay wateqajkunata mana pejpa yachasqallan kachaspa, nerqa: Rispa, chay jallp'ata, chantá Jericó llajtatawan allinta qhawamuychej, nispa. Paykunataj rispa, Jericó llajtapi uj sajra purikoj warmej wasinman chayakorqanku, chay ch'isitaj chaypi qhepakorqanku. Chay warmej sutenqa Rajab karqa.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Josué 2:7

Chantá kuraj kamachejpata soldadonkunaqa wateqaj runakunata mask'aj rerqanku, Jordán mayupi maynejpichus ch'ajchalla karqa, chaykama. Chay soldadokuna llojsisqankutawantaj, llajtaman yaykuna jatun punkuta wisq'arqankupacha.

Josué 5:15

Tata Diospa soldadonkunata kamachejtaj nerqa: Juk'utaykita lluch'ukuy, imaraykuchus maypichus kashanki chayqa, Diospaj T'aqasqa Cheqamin, nispa. Josuetaj kasuspa, kikinta ruwarqa.

Josué 6:2

Tata Diostaj Josueta nerqa: Jericó llajtata, kuraj kamachejninta, chantá soldadonkunatawan ima, noqa makiykiman jaywayki.