Josué 5:10 - DIOSPA QHELQACHISQ

¹⁰ Israelitakunaqa Gilgalpi jarakorqanku, chantá chay killapi chunka tawayoj p'unchay ch'isiyaytataj, Jericó pampapi Pascua raymita ruwarqanku.

Qheshwa Biblia DC

¹⁰ Israelitasqa Gilgalpi jarakorqanku; chay killapi chunka tawayoj p'unchay ch'isiyaytataj, Pascua mikhuyta mikhorqanku Jericó pampaspi.

DIOSPA QHELQACHISQAN DEUTEROCANONICAL

¹⁰ Israelitakunaqa Gilgalpi jarakorqanku, chantá chay killapi chunka tawayoj p'unchay ch'isiyaytataj, Jericó pampapi Pascua raymita ruwarqanku.

Josué 5:10 ပူးပေါင်းရင်းမြစ်များ

2 Samuel 15:28

Chaykama noqaqa kay ch'innejpi qhepakusaj, imachus kasqanta willachimunawaykichejkama, nispa.

Éxodo 12:11

Qankuna corderota kay jinata mikhunkichej: Puririnaykichejpaj p'achallisqa, juk'uta churaykusqa, tojnuykichej jap'irisqa mikhunkichej. Chantapis usqhayllata mikhunkichej, imaraykuchus kayqa Tata Diospa Pascuanmin.

Éxodo 12:18

Wata qallariy killapi, chunka tawayoj p'unchaymantapacha, iskay chunka ujniyoj p'unchay ch'isiyaykama, mana levadurayoj t'antata mikhunkichej.

Éxodo 12:6

T'aqasqaykichej uywataqa kay killamanta chunka tawayoj p'unchaykama wisq'aspa, jap'inkichej. Chantá chay p'unchayta inti yaykuykushajtin, tukuy israelitakuna chay uywata ñak'ankichej.

Jeremías 39:5

Caldeokunaj soldadonkutajrí Sedequiasta qhatiykuspa, Jericó pampanejpi tariparqanku. Payta jap'ispataj, paykuna kuraj kamachej Nabucodonosorpa ñawpaqenman aparqanku. Nabucodonosorqa Jamat nisqa suyupi kaj Ribla llajtapi kasharqa. Chantá Nabucodonosorqa imachus Sedequiaswan ruwasqa kananta kamacherqa:

Ezequiel 12:3

Chayrayku, runaj churin, qanqa waj suyuman apasqa kanaykipaj jina wakichikuy. Tukuypa rikunanta chawpi p'unchayta wasiykimanta llojsispa, wajnejman ripunki. Ichapis ajinamanta mana kasukoj runa kasqankuta reparakonqanku.

Levítico 23:5

Wata qallariy killapi, chunka tawayoj p'unchay ch'isiyaykushajtin, Tata Diospa sutinpi Pascua raymita ruwankichej.

Miqueas 6:5

Munasqa ayllúy, yuyarikuy Moabmanta kuraj kamachej Balac imatachus contraykita wakichisqanta, Beorpa churin Balaampa kutichisqanta ima. Yuyarikuy Sitinmanta Gilgalkama imaynatachus risqaykita, yuyarikuytaj imaynatachus noqa Tata Dios sapa kuti awqaykimanta kacharicherqayki, chaytawan.

Josué 4:19

Israelitakunaqa wata qallariy killata chunka kaj p'unchayninpi Jordán mayumanta llojserqanku. Chantá Gilgalpi, Jericój inti llojsimuyninnejpi jarakorqanku.

Josué 5:11

Q'ayantintaj chay jallp'api poqojmantaña mikhorqanku, mana levadurayoj t'antata chantá trigo jank'atawan ima.

Josué 9:6

Chantá Gilgalpi jaraman chayaspa, Josueta, israelitakunata ima nerqanku: Allin karumanta jamushayku, qankunawantaj uj tratota ruwayta munayku, nispa.

1 Samuel 7:16

Sapa watataj Betelninta, Gilgalninta, jinataj Mispanejta rispa muyurimoj, israelitakuna ukhupi ch'ajwata ch'inyachispa.