Josué 4:6 - DIOSPA QHELQACHISQ

⁶ Chay rumikunaqa qankuna yuyarikunaykichejpaj señal jina kanqa. Qhepanejman wawaykichejkuna tapusojtiykichej: Kay rumikuna, ima niytataj munanri? nispa.

Qheshwa Biblia DC

⁶ Chaykuna qhepaman uj señal kanampaj, mayk'ajchus wawasniykichej tapusojtiykichej: Ima niytataj munan kay rumisri?, nispa.

DIOSPA QHELQACHISQAN DEUTEROCANONICAL

⁶ Chay rumikunaqa qankuna yuyarikunaykichejpaj señal jina kanqa. Qhepanejman wawaykichejkuna tapusojtiykichej: Kay rumikuna, ima niytataj munanri? nispa.

Josué 4:6 ပူးပေါင်းရင်းမြစ်များ

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Salmos 71:18

Allin machituña yuraj umaña kashajtiypis, Diosníy, amapuni saqerpariwaychu, imajtinchus may jina atiyniyoj kasqaykimanta kunan kashajkunaman, jinataj qhepanejman kajkunaman willanayraj kashan.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 31:13

Israelitakunaman kay jinata ninki: Qankunaqa samarina p'unchayniyta maypaj qhawankichej, imaraykuchus samarina p'unchayqa qankunawan, mirayniykichejwan ima wiñaypaj tratota ruwasqaymanta señal kanqa. Chaynejta yachankichej noqa Tata Diosmin qankunata ajllakusqayta.

Isaías 38:19

Kawsajkunalla yupaychasuyta atinku, imaynatachus noqapis kunan yupaychashayki, ajinata. Nisqaykita junt'aj kasqaykimanta tatakunaqa wawankukunaman willanku.

Isaías 55:13

Khishkaj cuentanmanta pino sach'a wiñanqa. Ithapalloj cuentanmantataj arrayán sach'a wiñanqa. Chayqa uj señal kanqa, Tata Diospa sutin wiñaypaj jatunchasqa kananpaj, nitaj jayk'ajpis chinkachisqachu kanqa.

Ezequiel 20:12

Chantapis, paykunaman samarina p'unchayniyta qollarqanitaj, paykunawan trato ruwasqaymanta señal kananpaj, noqa Tata Dios chay p'unchayta noqapaj t'aqasqayta yachanankupaj.

Ezequiel 20:20

Samarina p'unchayniyta noqapaj t'aqapuwaychej. Chayqa qankunawan tratota ruwasqaymanta señal kanqa. Ajinamanta noqa Tata Diosniykichej kasqayta yuyarikunkichej, nispa.

Números 16:38

38 (17.3) Juchallispa wañojkunaj incienso q'oshñichinankoqa noqapaj t'aqasqa kanku, imajtinchus noqaj ñawpaqeypi inciensota q'oshñichinankupaj oqharerqanku. Chay q'oshñichinakunata takaspataj, sillp'a latata jina ruwanki, chaywantaj altarta mayt'unki. Ajinata ruwanki israelitakuna chay señalta rikuspa, ama juchalliyta munanankupaj, nispa.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Deuteronomio 11:19

Wawaykichejkunamanpis kay nisqayta yachachiychej, ñanpi purishaspa, wasiykichejpi kashaspa, puñunaykichejpaj sirikapushaspa, tutamanta jatarishaspapis.

Josué 22:27

Manachayqa, qankunapaj, noqaykupajpis, wawaykichejkunapaj chantá wawaykukunapajpis yuyarikunapaj uj señal kanqa. Ajinata noqaykoqa Tata Diosninchejta yupaychayta atisqayku, jinallataj uywa wañuchisqa q'olachinata, jucharayku jaywanata, jinallataj allinyakuy jaywanata jaywaspa paypa ñawpaqenman riyta atisqayku. Ajina kajtin, qhepanejman wawaykichejkuna mana wawaykukunata nenqankuchu: Qankunaqa Tata Dioswan mana ni ima ruwanaykichej tiyanchu, nispa.

Josué 4:21

Chantá israelitakunata nerqa: Sichus qhepaman wawaykichejkuna tapusonqachej: Kay rumikuna, ima niytataj munanri? nispa chayqa,

Josué 4:5

Josué nerqa: Yaykuychej Jordán mayu chawpikama, Tata Diosniykichejpa arcanpa ñawpaqenta. Chantá sapa ujniykichej uj rumita lijrariykukuspa, apamuychej. Tukuyninpi chunka iskayniyoj rumi kanqa, sapa jatun ayllupaj uj rumikama.