Josué 4:24 - DIOSPA QHELQACHISQ

²⁴ Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

Qheshwa Biblia DC

²⁴ Ajinapi kay mundopi tukuy llajtas yachanqanku Señorqa may jina atiyniyoj kasqanta; qankunapis Señor Diosniykichejtaqa manchachikuychejpuni.

DIOSPA QHELQACHISQAN DEUTEROCANONICAL

²⁴ Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

Josué 4:24 ပူးပေါင်းရင်းမြစ်များ

1 Reyes 8:40

Ajinamanta qanllata jatunchasonqanku, ima jallp'atachus ñawpa tataykukunaman qorqanki, chaypi kawsanankukama.

1 Reyes 8:60

Ajinamanta kay pachapi tukuy suyu yachanqanku Tata Dioslla cheqa kaj Dios kasqanta, manataj waj kasqanta.

2 Reyes 19:19

Tata Diosniyku, mañarikuyku makinkumanta kacharichinawaykuta, tukuy suyoj qanlla Tata Dios kasqaykita yachanankupaj, nispa.

2 Reyes 5:15

Chaymanta Namanqa paywan tukuy rejkuna ima Eliseojpaman kutirerqanku. Chantá Eliseoj wasinman chayaspa, Namán nerqa: Kunan yachani kay pachantinpi mana waj Dios kasqanta, manachayqa Israel suyullapi. Chayrayku ama jina kaspa, apamusqaymanta waqeta jap'ikuway, nispa.

1 Crónicas 29:12

Qanmantamin qhapaj kaypis, jatunpaj qhawasqa kaypis. Qan tukuyta kamachinki. Kallpapis, atiypis makiykipi kashan. Makillaykipitaj kashan tukuyman jatunchasqa kayta, atiytapis qonaykeqa.

Job 40:9

Qanqa noqa jina atiyniyojchu kanki? Qanpa sinch'i parlasqaykeqa noqaj parlasqay jinachu?

Salmos 106:8

Chaywanpis, Tata Dios, munakuyniyki may jina kasqanrayku paykunata qhespicherqanki, jatun atiyniykitataj rejsicherqanki.

Salmos 89:13

13 (14) Makiykeqa sinch'i atiyniyojmin, paña makiykitaj atipananpaj kallpayojmin.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Éxodo 14:31

Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Éxodo 15:16

Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Éxodo 20:20

Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Jeremías 32:40

Jinallataj paykunawan uj tratota wiñaypaj ruwasaj: Noqa paykunawan tukuy tiempo kasaj, yanapasajtaj. Chantá paykunaman noqata may jatun respetowan qhawanawankuta yachachisaj, ama noqamanta karunchakunawankupaj.

Deuteronomio 28:10

Chaypacha kay pachapi tukuy suyupi runa Tata Diospa ayllun kasqaykita yachanqanku, chantá manchachikusonqanku.

Deuteronomio 6:2

Qankuna, wawaykichej, allchhiykichej ima kay pachapi kawsanaykichejkama, Tata Diosniykichejta may jatun respetowan qhawakuychej. Sichus tukuy kamachisqanta, yachachisqanta ima kasunkichej chayqa, unayta kawsankichej.

1 Samuel 17:46

Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.