Josué 24:31 - DIOSPA QHELQACHISQ

³¹ Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.

Qheshwa Biblia DC

³¹ Josué kausashajtin israelitasqa k'achata kausarqanku Señorpa kamachisqanta kasuspapuni, jinallataj tukuy kurajkunasninku kausanankukama; chay kurajkunaqa Señor imastachus paykunapaj ruwapusqanta allinta yacharqanku.

DIOSPA QHELQACHISQAN DEUTEROCANONICAL

³¹ Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.

Josué 24:31 ပူးပေါင်းရင်းမြစ်များ

Génesis 14:10

Chaypacha Sidín vallepi ashkha pujyukuna breawan junt'a karqa. Chantá Sodomata kuraj kamachej, jinataj Gomorrata kuraj kamachej ima maqanakupi atipaykuchikorqanku. Chaymanta ayqeshaspataj, soldadonkukunaqa breayoj pujyukunaman urmaykorqanku, wakin soldadokunataj orqokunaman ayqekorqanku.

2 Crónicas 24:2

Chantá sacerdote Joyadá kawsanankama Joasqa Tata Diospa munayninman jina cheqanta ruwarqa.

2 Crónicas 34:33

Chantá Josiasqa Israel suyumanta tukuy millay ruwanata chinkacherqa. Chantá israelitakunata Tata Diosninkoj kamachinpi kanankuta kamacherqa. Kuraj kamachej Josías kawsanankamataj israelitakunaqa ñawpa tatankukunaj Tata Diosninkumanta mana t'aqakorqankuchu.

Hechos 20:29

Noqa yachani ripojtiykama, chawpiykichejman wajkuna phiña k'ita animal jina yaykuykamunankuta, tropata chinkachiyta munaspa.

Deuteronomio 11:2

Tata Dios cheqan ñanman churasunaykichejpaj jasut'isusqanta yuyarikuychej. Wawaykichejkuna chaykunata mana yachankuchu, nitaj rikorqankuchu. Yuyarikuychej ari, Diospa may jina atiyninmanta, t'ukuna ruwasqanmanta ima.

Deuteronomio 11:7

Qankunaqa Tata Diospa chay tukuy t'ukuna ruwasqanta kikin ñawiykichejwan rikorqankichej.

Deuteronomio 31:13

Ajinata ruwajtiykichej, wawaykichejkuna, pikunachus kamachisqakunamanta mana yachajkuna uyarispa, Tata Diosta may jatun respetowan qhawayta yachanqanku. Ajinata ruwankichej Jordán mayuta chimpaspa jallp'ata jap'inkichej, chaypi kawsanaykichejkama, nispa.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

Filipenses 2:12

Munasqa wawqe panakuna, noqa qankunawan kashajtiy, qankuna kasuwajpuni kankichej. Kunanrí qankunamanta karupi kashajtiy, astawanraj kasunawaykichej tiyan. Chayrayku atisqaykichejta ruwaychej qhespichisqa kasqaykichej imatachus ruwasqanta rikuchinaykichejpaj Diosta kasuspa, chantá payta may jatun respetowan qhawaspa ima.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

Jueces 2:6

Maypachachus Josué jallp'ata rak'iytawan israelitakunata kacharipusqa chaypacha, paykunaqa sapa ujninku jallp'ankuta jap'ikapoj ripusqanku.

Jueces 2:7

Jinapi paykuna Tata Diosta kasukuspa kawsakusqanku, Josué, chantá payta yanapaj kurajkuna ima kawsanankukama. Chaykuna kasqanku, pikunachus rikusqanku israelitakunapaj Tata Dios t'ukuna imakunata ruwasqanta, chaykuna.