Josué 24:15 - DIOSPA QHELQACHISQ

¹⁵ Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Qheshwa Biblia DC

¹⁵ Sichus Señorpa nisqanta mana ruwayta munankichejchu chayqa, kunampacha ajllakuychej pitachus yupaychanaykichejta; ñaupa tatasniykichej mayu chimpapi kashaspa yupaycharqanku chay dioskunatachu, chayri tiyakushankichej chaypi tiyarqanku chay amorreospa dioskunasninkutachu. Noqarí, tukuy aylluywampis Señortapuni yupaychasqayku.

DIOSPA QHELQACHISQAN DEUTEROCANONICAL

¹⁵ Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Josué 24:15 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Génesis 35:2

Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

1 Reyes 18:21

Chantá Eliasqa tukuy runaman chimpaykuspa, nerqa: Mayk'ajkamataj iskayrayaspa kankichejri? Sichus Tata Diosqa cheqa kaj Dios kanman chayqa, payta qhatiychej. Baal cheqa kaj dios kajtinrí, paypa ruwananpi kaychej, nispa. Runakunatajrí mana imatapis kuticherqankuchu.

1 Crónicas 1:14

Canaanmanta mirajkuna karqanku: Jebuseokuna, amorreokuna, gergeseokuna,

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

Salmos 119:106

Tiluspa nerqani, ujtawanpis nillanitaj cheqan nisqaykita noqa junt'anayta.

Éxodo 23:2

Ama mana allin kajta ruwanaykipaj ashkha runaj nisqanta qhatinkichu. Amallataj quejapi ashkha runaj nisqankuwan apachikunkichu, imachus cheqan kajta q'ewinaykipaj.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 34:15

Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Ezequiel 20:39

Israel ayllu, kay jinata noqa Tukuyta Kamachej Tata Dios niykichej: Sichus qankuna mana kasuwankichej chayqa, sapa ujniykichej lantiykichejta yupaychamullaychej. May llimphu sutiytatajrí amaña ch'ichichaychejchu, jaywanaykichejta jaywaspa, nitaj lantiykichejkunata yupaychaspapis.

Daniel (hebreo) 3:18

Mana kacharichiwaykumanchu chaypis, kamachejniyku, kayta allinta yachay: Manapuni diosniykikunata yupaychasqaykuchu, nitaj pampakama k'umuykusqaykuchu qorimanta ruwasqa lantiykej ñawpaqenpi, nispa.

Levítico 14:42

Chantá perqamanta rumita orqhosqankumanqa waj rumita churanqanku. Jinaspataj, wasej perqanta t'uruwan llut'anqanku.

Miqueas 4:5

Waj suyukunaqa diosninkuta kasuspa purinku. Noqanchejrí Tata Diosninchejta kasuspapuni purisunchej.

Hechos 11:23

Bernabetaj Antioquiaman chayaspa, imatachus Dios qhasilla k'acha yanapayninnejta ruwashasqanta rikorqa. Chaymantataj kusikuspa, chay wawqe panakunata yuyaycharqa Tukuyta Kamachej Jesucristota tukuy sonqo kasunallankutapuni.

Deuteronomio 13:7

7 (8) Chay dioskunaqa muyuyniykichejpi kaj llajtayojkunaj, qayllapi kajkunajta, chantá karupi kajkunajta ima kanku, nispa.

Deuteronomio 29:18

18 (17) Qankuna ukhupi qhari, warmi, wasi ayllu, chayrí ima ayllupis Tata Diosninchejta qhesachaspa, chay suyukunaj diosninkukunata yupaychaj ama kachunchu. Pikunachus jinata ruwajkunaqa jaya qhora jina, chayrí venenoyoj qhora jina kankuman.

Josué 24:16

Chantá israelitakuna kuticherqanku: Noqaykoqa mana jayk'ajpis Tata Diosta saqesqaykuchu waj dioskunata yupaychanaykupajqa.

Jueces 6:10

Nerqaykichejtaj: Noqa Tata Diosniykichej kani. Amapuni amorreokunaj diosninkutaqa manchachikunkichejchu, pikunaj jallp'ankupichus kashankichej, chaykunajtaqa, nispa. Chaywanpis qankunaqa mana kasuwarqankichejchu, nispa.