Josué 24:14 - DIOSPA QHELQACHISQ

¹⁴ Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Qheshwa Biblia DC

¹⁴ Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

DIOSPA QHELQACHISQAN DEUTEROCANONICAL

¹⁴ Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Josué 24:14 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 35:2

Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

Esdras 9:11

mayqenkunatachus Diosmanta sut'inchajnejta kamachiwarqayku, chaykunata. Qan kay jinata niwarqaykuña: Mayqen jallp'amanchus tiyakoj yaykunkichej, chaypi kaj runakunaqa sajra kawsayniyoj kanku. Millay ruwasqankuwan kay jallp'aman junt'aykucherqanku.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Salmos 111:10

Yachayniyoj kanapajqa ñawpajta Tata Diosta manchay jatun respetowan qhawana tiyan. Pikunachus kamachisqankunata kasojkunaqa sumaj yuyayniyoj kanku. Tata Diosqa wiñaypaj jatunchasqapuni kanqa.

Salmos 119:1

Cheqanta ruwaspa purejkunaqa may jina kusisqa kanqanku, pikunachus Tata Diospa kamachisqanta kasojkuna.

Salmos 119:80

Kamachisqaykita mana pantarispa junt'anaypaj sonqoy kachun, ama imamantapis p'enqachisqa kanaypaj.

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Salmos 81:10

10 (11) Noqa Tata Diosmin Diosniyki kani, pichus Egiptomanta orqhomorqayki, chay. Simiykita kichariy, noqataj sajsakunaykikama mikhuchisqayki.

Ezequiel 20:18

Chaymantataj wawankukunata ch'innejpi nerqani: Ñawpa tataykichejkunaj kamachisqankuman jina ama puriychejchu, amataj yachachisqankutapis kasuychejchu, nitaj lantinkukunata yupaychaspa ch'ichichakuychejchu.

Ezequiel 23:3

Chantá Egiptopi sipaskunallaraj kashaspa, sajra purikuyman qokusqanku, phisu warmimantaj tukusqanku. Chaypi ñuñunkuta llankharichikusqanku, honrankutataj t'akasqanku.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

San Lucas 8:15

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Deuteronomio 18:13

Qankunarí Tata Diospa munasqanman jina ruwaspa purinkichej.

Deuteronomio 6:13

Tata Diosniykichejta may jatun respetowan qhawankichej, payllatataj yupaychankichej. Tiluspapis, Tata Diospa sutillanpi tiluychej.

Filipenses 1:10

Ajinamanta imachus aswan allin kajta ajllayta yachankichej, Cristoj kutimunan p'unchaypi llimphu sonqoyoj, mana k'amina kanaykichejpaj.

Josué 24:2

Josuetaj tukuynin israelitakunata nerqa: Diosniykichej Tata Diosqa ajinata nisunkichej: Unay ñawpa tataykichej Téraj, chantá churinkuna Abraham, Najor ima Éufrates mayu kantupi tiyakorqanku, chaypitaj waj dioskunata yupaycharqanku.

Josué 24:23

Josuetaj kuticherqa: Jina chayqa, jap'ishankichejraj, chay dioskunata wijch'uychej, tukuy sonqotaj Israelpa Tata Diosninman kutirikuychej, nispa.

1 Samuel 12:14

Sichus Tata Diosta manchachikuspa, payllata yupaychankichej, sitajchus nisusqaykichejta uyarispa, kamachisqanta kasunkichej, chantá qankuna, jinataj kuraj kamachejniykichej ima Diosniykichej Tata Diospa munayninman jina kawsankichej chayqa, tukuy imapis allillanmin kanqa.

1 Samuel 12:24

Qankunaqa Tata Diosta yupaychakuychej. Tukuy sonqowantaj payllata yupaychaychej, Tata Dios qankunarayku sumaj imakunata ruwapususqaykichejta yuyarikuspa.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.