Josué 23:13 - DIOSPA QHELQACHISQ

¹³ Tata Diosniykichejqa chay llajtayojkunata ñawpaqeykichejmanta mana wijch'onqachu, manachayqa paykuna urmanaykichejpaj tojlla jina kanqanku. Paykuna wasaykichejpaj seq'ona jina kanqanku, jinataj ñawiykichejpi q'opa jina kallanqankutaj, kay chhika sumaj jallp'ata Tata Diosniykichej qosusqaykichejmanta ni uj puchuyoj chinkanaykichejkama.

DIOSPA QHELQACHISQAN DEUTEROCANONICAL

¹³ Tata Diosniykichejqa chay llajtayojkunata ñawpaqeykichejmanta mana wijch'onqachu, manachayqa paykuna urmanaykichejpaj tojlla jina kanqanku. Paykuna wasaykichejpaj seq'ona jina kanqanku, jinataj ñawiykichejpi q'opa jina kallanqankutaj, kay chhika sumaj jallp'ata Tata Diosniykichej qosusqaykichejmanta ni uj puchuyoj chinkanaykichejkama.

Josué 23:13 ပူးပေါင်းရင်းမြစ်များ

1 Reyes 11:4

Salomón machu runaña kashajtin, warminkunaqa waj dioskunaman sonqonta kutiricherqanku. Ajinamanta payqa mana tatan David jinachu tukuy sonqowan Tata Diosta qhatikorqa.

2 Reyes 17:18

Chayrayku Tata Diosqa israelitakunaj contrankupi sinch'ita phiñakuspa, karuman presota jina apacherqa. Judá jatun ayllumanta kajkunalla Judá suyupi qhepakorqanku.

2 Reyes 17:20

Chayrayku Tata Diosqa israelitakunata qhesachaspa ñak'aricherqa, chantá awqankuwan atipaykuchispa, ñawpaqenmanta karuman wijch'orqa.

2 Reyes 25:21

Babilonia suyuta kuraj kamachejrí paykunata Jamat jap'iynejpi Riblapi wañuchicherqa. Ajinata Judamanta runakunaqa llajtankumanta karu suyuman apasqa karqanku.

2 Reyes 25:26

Chantá caldeokunata manchachikuspa, tukuy runa, wawakuna, machu runakuna, soldadokunata kamachejkuna ima Egiptoman ayqekorqanku.

Salmos 69:22

22 (22) Chayrayku jatun mikhuyta wayk'uchisqankoqa paykunallataj urmanankupaj tojllaman tukuchun. K'achata kawsakuy jaywanata jaywasqankupis misk'anankupaj kachun.

Éxodo 10:7

Chantá faraonta yuyaychajkuna nerqanku: Mayk'ajkamataj kay runa umanchejta nanachiwasunri? Chay runakunata kacharipuy, ch'innejman rispa Tata Diosninkuta yupaychamunankupaj. Manachu yachanki Egiptoqa kay jina sonqo nanay phirisqaña kashasqanta? nispa.

Éxodo 23:33

Paykunatachus llajtaykipi tiyakojta saqellanki chayqa, noqaj contrayta juchallichisunkiman. Ama llajtaykipi jap'ikuychu, imaraykuchus diosninkuta yupaychanaman qokuwaj, chaytaj llakiynillaykipaj kanman, nispa. Ajinata Tata Dios israelitakunata nerqa.

Éxodo 34:12

Maymanchus yaykunkichej, chaypi tiyakojkunawan amapuni ni ima tratota ruwankichejchu, ama qankunata misk'achisunaykichejpaj.

Éxodo 34:16

Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

Ezequiel 28:24

Ajinamanta Israel aylluyta khishka jina nanachejninku manaña kanqachu, nitaj muyuyninkupi kaj tiyakojkunapis astawan paykunata pisipaj qhawanqankuchu. Chaypachataj Israel ayllu noqa Tukuyta Kamachej Tata Dios kasqayta yachanqanku, nispa.

Números 33:55

Sichus qankuna chay runakunata mana qharqonkichejchu chayqa, chay runakunaqa ñawiykichejpi qhepu jina kanqanku. Khishka jinataj ukhuykichejpi t'ojsisonqachej. Qankunapaj chay jallp'api tiyakushajtiykichej chaypi, paykunaqa uma nanay kanqanku.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Deuteronomio 29:28

28 (27) Sinch'i k'arajta phiñakuspataj, paykunata karu suyuman wijch'orqa, imaynachus kunan kashanku, ajina, nispa.

Deuteronomio 30:18

cheqatapuni niykichej wañuchisqapuni kanaykichejta. Jordán mayuta chimpaspa, jap'isqaykichej jallp'api mana unaytachu tiyakunkichej.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

2 Timoteo 2:26

Ajinamanta yuyayninkuman kutirispa, Kuraj Supaypa tojlla churasqanmanta llusp'inkuman, imajtinchus payqa watasqata jina paykunata jap'ishan, munayninta ruwanankupaj.

Jueces 2:21

Chayrayku kay llajtayojkunamanta, pikunachus Josué wañupusqanmanta qhepakorqankuraj, chaykunataqa mana israelitakunaj ñawpaqenkumanta wijch'usajchu, nispa.