Josué 23:10 - DIOSPA QHELQACHISQ

¹⁰ Qankunamanta ujnillaykichej 1.000 runakunata ayqechiyta atin, imaraykuchus nisqanman jina Tata Diosmin qankunarayku maqanakushan.

Qheshwa Biblia DC

¹⁰ Qankunaqa ujnillaykichej ayqechiwajchej waranqa runasta, imaraykuchus Señormin qankunaj allinniykichejpi maqanakushan, imaynachus pay kikin nisqanman jina.

DIOSPA QHELQACHISQAN DEUTEROCANONICAL

¹⁰ Qankunamanta ujnillaykichej 1.000 runakunata ayqechiyta atin, imaraykuchus nisqanman jina Tata Diosmin qankunarayku maqanakushan.

Josué 23:10 ပူးပေါင်းရင်းမြစ်များ

2 Samuel 23:8

Davidpa aswan wapu kaj soldadonkunaj sutinkoqa kaykuna kanku: Tacmonmanta Yoseb Basébet, payqa kinsa kaj wapu soldadokunata kamachej karqa. Uj kuti 800 runakunata lanzallanwan wañucherqa.

1 Crónicas 5:20

Chay maqanakupitaj Tata Dios yanapananta mañakorqanku, Diostaj paykunata yanaparqa, paypi atinikusqankurayku. Ajinamanta Agarenokunata, jinataj paykunawan kajkunata maqanakuspa atipaykorqanku.

1 Crónicas 5:22

Awqankumanta ashkhata wañucherqanku, Dios paykunarayku maqanakusqanrayku. Jap'isqanku cheqakunapitaj tiyakorqanku waj suyuman apasqa kanankukama.

Salmos 35:1

(1b) Tata Dios, contraypi sayaykuwajkunamanta jark'away. Qanmin maqanawankupaj sayaykuwajkunawan maqanakuy.

Salmos 46:7

7 (8) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Éxodo 14:14

Tata Diosmin qankunarayku maqanakonqa, qankunatajrí ama imamantapis llakikuychejchu, nispa.

Isaías 30:17

Uj runa manchachejtillan, waranqa runakuna ayqekunkichej. Phishqa awqakunata rikuspataj, tukuyniykichej ayqerikapunkichej, orqo patapi uj sapan sayashaj k'aspi jinalla qhepakunaykichejkama, chayrí ch'in lomapi uj wiphala jinalla, nispa.

Levítico 26:7

Qankunaqa awqaykichejta ayqechinkichej, espadawantaj wañuchinkichej.

Levítico 26:8

Qankunamanta phishqalla pachaj runakunata ayqechinkichej, jinallataj pachajlla chunka waranqata ayqechinkichej. Awqaykichejqa qankunaj ñawpaqeykichejpi espadawan wañuchisqa kanqanku.

Zacarías 12:8

Chaymantataj noqa Tata Diosqa Jerusalenpi tiyakojkunatañataj waqaychasaj. Chaypi pisi kallpayojkuna David jina kallpasapaman tukonqanku, Davidpa ayllunmanta kajkunataj Dios jina kanqanku, paykunaj ñawpaqenkuta rej Diospa angelnin jinataj.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 20:3

Israelitakuna, uyariychej: Kunan awqaykichejwan maqanakoj rinkichej. Ama iskayrayankichejchu, amataj manchachikunkichejchu, nitaj kharkatitinkichejchu, nillataj q'ewakunkichejchu,

Deuteronomio 20:4

imaraykuchus Tata Diosniykichejqa qankunawan kashan. Payqa awqaykichejwan maqanakuspa, atipanaykichejpaj yanapasonqachej, nispa.

Deuteronomio 28:7

Tata Diosqa tukuy awqaykita atipanaykipaj yanapasonqa. Paykunaqa uj ñannejllata maqanakoj jamusonqanku, chantá maynintachus ayqenankuta mana yachaspa ayqenqanku.

Deuteronomio 3:22

Paykunamanta ama manchachikunkichejchu, imaraykuchus Tata Diosniykichejqa qankunarayku maqanakonqa, nispa.

Deuteronomio 32:20

Nerqataj: Paykunata wasanchasaj, yachasajtaj imapichus tukukunankuta. Cheqamanta paykunaqa millayta ruwaspa purejkuna kanku, puraj uya wawakunataj kanku.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Josué 10:42

Ajinata Josueqa ujllapi jallp'ankuta jap'ikaporqa, imaraykuchus Israelpa Tata Diosnin israelitakunaman kutikuspa, paykunarayku maqanakorqa.

Josué 23:11

Chayrayku qankunaqa imaynatachus purisqaykichejta allinta qhawakuychej, jinataj Tata Diosniykichejta munakuychej.

Josué 23:3

Qankunaqa Tata Diosniykichej qankunarayku kay llajtayojkunawan imatachus ruwasqanta rikorqankichej. Tata Diospuni qankunarayku maqanakorqa.

Jueces 15:15

Chantá manaraj allin ch'akisqa burro k'akita oqharikuspa, chaywan 1.000 filisteokunata wañuracherqa.

Jueces 3:31

Qhepan kaj juez Anatpa churin Samgar sutiyoj karqa. Payqa wapu runa karqa. Chayrayku payqa 600 filisteo soldadokunata ayjonllawan wañucherqa. Ajinamanta israelitakunata filisteokunaj makinmanta kacharichillarqataj.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.