Josué 22:30 - DIOSPA QHELQACHISQ

³⁰ Chantá Finés sacerdotewan, israelitakunaj kurajninkukunawan, wasi ayllukunamanta kurajkunapiwan ima, Rubén jatun ayllumanta, Gad jatun ayllumanta, chantá Manasespa khuskan jatun ayllumanta kajkunaj nisqankuta uyarispa, allillan kasqanta repararqanku.

Qheshwa Biblia DC

³⁰ Chayta uyarispataj sacerdote Fineeswan, israelitaspa kurajkunasninwan, chay chhika israelitaspa miraykunasninmanta kurajkunaspiwan rejkuna ima, Rubén aylloj parlasqanta, Gad aylloj parlasqanta, Manasespa khuskan ayllumpa nisqantawan repararqanku allin kasqanta.

DIOSPA QHELQACHISQAN DEUTEROCANONICAL

³⁰ Chantá Finés sacerdotewan, israelitakunaj kurajninkukunawan, wasi ayllukunamanta kurajkunapiwan ima, Rubén jatun ayllumanta, Gad jatun ayllumanta, chantá Manasespa khuskan jatun ayllumanta kajkunaj nisqankuta uyarispa, allillan kasqanta repararqanku.

Josué 22:30 ပူးပေါင်းရင်းမြစ်များ

Génesis 28:8

Chayta yachaspa, Esaú repararqa tatan Isaac Canaán llajtayoj warmikunata mana allin ñawiwanchu qhawasqanta.

2 Crónicas 30:4

Chay nisqankoqa kuraj kamachejman allin rijch'arqa, tukuy chaypi kajkunamanpis.

Ester (hebreo) 1:21

Chay jinata Memucanpa yuyaychasqanqa kuraj kamachejman, chantá chaypi kurajkunamanpis allin rijch'arqa. Paytaj Memucanpa nisqanta ruwarqapacha.

Proverbios 15:1

Misk'i simiwan kuticheyqa phiñasqa sonqota tiyaykuchin, k'araj simiwan kutichiyrí astawan phiñarichin.

Hechos 11:18

Pedroj nisqanta uyarispa, chay wawqekunaqa manaña imatapis nerqankuchu. Astawanpis Diosta yupaycharqanku, nerqankutaj: Ajinaqa mana judío kajkunapis Diosman kutirikojtinku, Dios paykunamanpis wiñay kawsayta qollantaj, nispa.

Josué 22:29

Noqaykoqa mana jayk'ajpis Tata Diospa contranpi oqharikuykumanchu, nitaj qonqaykumanchu, uywa ñak'asqata q'olachinapaj, ch'aki mikhuy jaywanata jaywanapaj, chayrí jucharayku jaywanata q'olachinapaj waj altarta ruwaspaqa. Tata Diosninchejpa altarnin Dioswan Tinkukuna Toldoj ñawpaqenpi kashajtinñaqa, mana waj altarta ruwaykumanchu, nispa.

Josué 22:31

Sacerdote Eleazarpa churin Finestaj Rubenpa, Gadpa, Manasespa churinkukunata nerqa: Kunan Tata Dios noqanchejwan kashasqanta allinta yachayku, imaraykuchus qankunaqa mana Tata Diosta wasanchayta yuyasqankichejchu. Ajinata ruwaspa. Qankunaqa Tata Dios jasut'inawanchejmanta qhespichiwarqayku, nispa.

Josué 22:33

Chay jatun ayllukuna imatachus nisqankoqa israelitakunaman allillan rijch'arqa, chantá Diosta yupaycharqanku. Chaymantapacha israelitakunaqa manaña parlarqankuchu Rubén jatun aylluta, jinataj Gad jatun aylluta maqanakuspa chinkachimuyta, nitaj jallp'ankuta ch'inman tukuchimuyta.

Jueces 8:3

Tata Diospa yanapayninwan qankunamin madianitakunaj kamachejninkunata Orebta, Zeebtawan atiparqankichej. Paykunaqa madianitakunaj kurajninkuna karqanku. Imatataj noqa ruwarqani qankunaj ruwasqaykichejmanta aswan allintari? nispa. Efrainmanta kajkunataj Gedeonpa nisqanta uyarispa, sonqonkuta tiyaykuchikorqanku.

1 Samuel 29:6

Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.