Josué 22:29 - DIOSPA QHELQACHISQ

²⁹ Noqaykoqa mana jayk'ajpis Tata Diospa contranpi oqharikuykumanchu, nitaj qonqaykumanchu, uywa ñak'asqata q'olachinapaj, ch'aki mikhuy jaywanata jaywanapaj, chayrí jucharayku jaywanata q'olachinapaj waj altarta ruwaspaqa. Tata Diosninchejpa altarnin Dioswan Tinkukuna Toldoj ñawpaqenpi kashajtinñaqa, mana waj altarta ruwaykumanchu, nispa.

Qheshwa Biblia DC

²⁹ Ama jayk'ajpis jinaqa kachunchu Señorpa contran kanaykoqa, chayri ama jayk'ajpis Señormantaqa t'aqakusqaykuchu, ajinata altarta ruwaspa chaypi q'apaj imasta ruphachinaykupaj, ofrendata apanaykupaj, chayri rikuchikuta chaypi ruphachinaykupaj. Chaypaj tiyanña Señor Diosniykoj altarnin Dioswan tinkukuna toldoj ñaupaqempi, nispa.

DIOSPA QHELQACHISQAN DEUTEROCANONICAL

²⁹ Noqaykoqa mana jayk'ajpis Tata Diospa contranpi oqharikuykumanchu, nitaj qonqaykumanchu, uywa ñak'asqata q'olachinapaj, ch'aki mikhuy jaywanata jaywanapaj, chayrí jucharayku jaywanata q'olachinapaj waj altarta ruwaspaqa. Tata Diosninchejpa altarnin Dioswan Tinkukuna Toldoj ñawpaqenpi kashajtinñaqa, mana waj altarta ruwaykumanchu, nispa.

Josué 22:29 ပူးပေါင်းရင်းမြစ်များ

Génesis 44:17

Chantá José nerqa: Mana ni imarayku chaytaqa ruwaymanchu. Pichus vasota apashajlla wata runay kanqa. Qankunarí ama imamantapis llakikuspa, tataykichejpa wasinman kutipullaychej. Manataj pipis ima nisonqachejchu, nispa.

Génesis 44:7

Paykunataj kuticherqanku: Wiraqochi, imaraykutaj qan kay jinata nishawaykuri? Noqaykoqa mana jayk'aj chayta ruwaykumanchu.

1 Reyes 21:3

Nabottajrí Ajabman kuticherqa: Amapuni Tata Dios munachunchu tataypa qowasqan chayaqe huertata qanman qopusunaytaqa, nispa.

2 Reyes 18:22

Sichus niwankichejman: Noqaykoqa Tata Diosnillaykupi atinikuyku, nispa chayqa, noqa nisqaykichej: Manachu orqopi altarkunata Ezequías urmachispa kamacherqa: Judá suyupi chantá Jerusalenpi tiyakojkuna Jerusalenpi kaj altarllapi Diosta yupaychankichej? nispa.

2 Crónicas 32:12

Manachu Ezequías loma patapi yupaychana wasikunata, Tata Diospa altarninkunatapis thuñerqa? Manachu Judapi jinataj Jerusalenpi tiyakojkunata uj altarllapi inciensota q'oshñichinankuta kamacherqa?

Romanos 3:6

Chayqa mana jinachu. Sichus Dios mana cheqan kajta ruwan chayqa, ima uyanwantaj runata juzganmanri?

Romanos 6:2

Ni imarayku. Noqanchej juchallinapaj wañorqanchejña. Jinaqa, imaynatataj juchallispallapuni purisunri?

Romanos 9:14

Chantá ajinata nisqanrayku, ima nisuntajri? Diosqa mana allintachu ruwan, nisunchu? Manapuni.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Josué 22:23

Sichus kay altarta ruwayku Tata Diosta wasanchaspa, paymantataj t'aqakunaykurayku chayqa, chayrí uywa wañuchisqa q'olachinata, ch'aki mikhuymanta jaywanata, chayrí allinyakuy jaywanata kaypi jaywanaykurayku chayqa, kikin Tata Dios cuentata mañawachuyku.

Josué 22:26

Chayrayku uj altarta ruwayta yuyarqayku, mana chaypi Diosman jaywanata jaywanaykupajchu, nitaj uywa ñak'asqata q'olachinaykupajchu.

Josué 22:28

Yuyarqayku, sichus chaymanta noqaykuta chayrí wawaykukunatapis imatapis niwaykuman chayqa, noqayku kutichiyta atisqayku: Qhawaychej, ñawpa tataykukuna kay altarta Tata Diospaj ruwasqanku, mana uywa ñak'asqa q'olachinata, nitaj jucharayku jaywanata chaypi q'olachinankupajchu, manachayqa qankunapaj noqaykupajwan uj yuyarikuna jina kananpaj, nispa.

Josué 22:30

Chantá Finés sacerdotewan, israelitakunaj kurajninkukunawan, wasi ayllukunamanta kurajkunapiwan ima, Rubén jatun ayllumanta, Gad jatun ayllumanta, chantá Manasespa khuskan jatun ayllumanta kajkunaj nisqankuta uyarispa, allillan kasqanta repararqanku.

Josué 24:16

Chantá israelitakuna kuticherqanku: Noqaykoqa mana jayk'ajpis Tata Diosta saqesqaykuchu waj dioskunata yupaychanaykupajqa.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.