Josué 22:27 - DIOSPA QHELQACHISQ

²⁷ Manachayqa, qankunapaj, noqaykupajpis, wawaykichejkunapaj chantá wawaykukunapajpis yuyarikunapaj uj señal kanqa. Ajinata noqaykoqa Tata Diosninchejta yupaychayta atisqayku, jinallataj uywa wañuchisqa q'olachinata, jucharayku jaywanata, jinallataj allinyakuy jaywanata jaywaspa paypa ñawpaqenman riyta atisqayku. Ajina kajtin, qhepanejman wawaykichejkuna mana wawaykukunata nenqankuchu: Qankunaqa Tata Dioswan mana ni ima ruwanaykichej tiyanchu, nispa.

Qheshwa Biblia DC

²⁷ Manachayqa, chay kanampaj uj señal, qankunawan noqaykuwanqa ujlla kasqanchejta, mirayniykichejwan, noqaykuwan khuska Señorninchejpa kamachisqanta ruwanaykupaj, qayllanaykupajtaj sumaj imasta oqharisqas, juchasniykumanta rikuchikusniykutapis payman jaywanaykupaj, jinallataj allinyakuy rikuchikutapis. Ajinamanta qankunaj mirayniykichejqa, mirayniykuman ama ninankupaj: Qankunaqa mana ima ruwanaykichejchu tiyan Señorwanqa, nispa.

DIOSPA QHELQACHISQAN DEUTEROCANONICAL

²⁷ Manachayqa, qankunapaj, noqaykupajpis, wawaykichejkunapaj chantá wawaykukunapajpis yuyarikunapaj uj señal kanqa. Ajinata noqaykoqa Tata Diosninchejta yupaychayta atisqayku, jinallataj uywa wañuchisqa q'olachinata, jucharayku jaywanata, jinallataj allinyakuy jaywanata jaywaspa paypa ñawpaqenman riyta atisqayku. Ajina kajtin, qhepanejman wawaykichejkuna mana wawaykukunata nenqankuchu: Qankunaqa Tata Dioswan mana ni ima ruwanaykichej tiyanchu, nispa.

Josué 22:27 ပူးပေါင်းရင်းမြစ်များ

Génesis 31:48

Chaymanta Labán nerqa: Kunan kay tawqasqa rumeqa tratota ruwasqanchejmanta yuyarichinawanchejpaj kanqa, nispa. Chayrayku chay cheqaqa “Galaad”, nispa sutichasqa karqa.

Génesis 31:52

tratota ruwasqanchejmanta yuyarichinawanchejpaj. Ni qan, nitaj noqa pasanakusunchejchu mana allinta ruwanakunanchejpaj.

Salmos 16:5

Tata Dios, qanmin tukuy imay kanki. Kawsayneyqa makiykipi kashan, qantaj saminchayniykiwan atipachiwanki.

Isaías 19:19

Chaypacha kikin Egipto suyu chawpipi Tata Diospaj uj altar kanqa, chay jallp'aj mojonninpitaj Tata Diospa sutinpi uj rumita sayachenqanku.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Josué 22:10

Chantá Rubén jatun ayllu, Gad jatun ayllu, chantá Manasespa khuskan jatun ayllu ima Canaán suyupi Jordán mayu kantuman chayaytawan, uj jatun altarta ruwarqanku.

Josué 22:26

Chayrayku uj altarta ruwayta yuyarqayku, mana chaypi Diosman jaywanata jaywanaykupajchu, nitaj uywa ñak'asqata q'olachinaykupajchu.

Josué 22:28

Yuyarqayku, sichus chaymanta noqaykuta chayrí wawaykukunatapis imatapis niwaykuman chayqa, noqayku kutichiyta atisqayku: Qhawaychej, ñawpa tataykukuna kay altarta Tata Diospaj ruwasqanku, mana uywa ñak'asqa q'olachinata, nitaj jucharayku jaywanata chaypi q'olachinankupajchu, manachayqa qankunapaj noqaykupajwan uj yuyarikuna jina kananpaj, nispa.

Josué 22:34

Rubén jatun ayllumanta kajkuna, Gad jatun ayllumanta kajkunawan ima altarta suticharqanku “Yuyarikuna”, nispa. Nerqankutaj: Kay altarqa noqanchej ukhupi yuyarikuna jina kanqa, Tata Diosqa Diospuni kasqanmanta, nispa.

Josué 24:27

Chantá israelitakunata nerqa: Tata Dios kay tukuy imata niwasqanchejmanta kay rumi testigo kanqa. Jinallataj qankunaj contraykichejpi testigo jina kallanqataj, ama Tata Diosniykichejta wasanchanaykichejpaj, nispa.

1 Samuel 7:12

Chaymanta Samuelqa uj jatun rumita oqharispa, Mispá llajtawan Sen llajtawan tinkuypi churarqa. Chantá chay cheqata “Ebenezer”, nispa suticharqa. Chay niyta munan: “Kaykama Tata Dios yanapawarqanchej”, nispa.