Josué 22:25 - DIOSPA QHELQACHISQ

²⁵ Rubén jatun aylluta, Gad jatun aylluta noqaykumanta t'aqananpaj Tata Diosqa Jordán mayuta mojonta jina churarqa. Chayrayku qankunaqa Tata Dioswan mana imatapis ruwanaykichej kanchu, nispa. Wawaykichejkunata ajinata nejta uyarispa, wawaykukunaqa Tata Diosta yupaychayta qonqapunkuman.

Qheshwa Biblia DC

²⁵ Señorqa Jordán mayumanta jaqayman churasunkichej Rubén aylluta, Gad aylluta, ima. Chayrayku qankunaqa mana imatapis ruwanaykichejchu tiyan Señorwanqa. Ajinamanta wawasniykichejqa wawasniykuta Señorman k'umuykuyta saqechinkuman.

DIOSPA QHELQACHISQAN DEUTEROCANONICAL

²⁵ Rubén jatun aylluta, Gad jatun aylluta noqaykumanta t'aqananpaj Tata Diosqa Jordán mayuta mojonta jina churarqa. Chayrayku qankunaqa Tata Dioswan mana imatapis ruwanaykichej kanchu, nispa. Wawaykichejkunata ajinata nejta uyarispa, wawaykukunaqa Tata Diosta yupaychayta qonqapunkuman.

Josué 22:25 ပူးပေါင်းရင်းမြစ်များ

2 Samuel 20:1

Chaypacha Gilgal llajtapi kasharqa Benjamín jatun ayllumanta uj millay runa Sebá sutiyoj. Payqa Bicrij churin karqa. Sebaqa putututa waqachispa, nerqa: Yeséj churin Davidwanqa ni ima ruwananchej kanchu. Israelitakuna, wasiykichejman ripuychej, nispa.

1 Reyes 12:16

Tukuy runaqa kuraj kamachej paykunata mana uyariyta munasqanta reparaspa, nerqanku: Davidwan mana imapis ruwananchej kanchu. Yeséj churinwanqa mana ima chayaqenchejpis kanchu. Israelitakuna, wasiykichejman ripuychej. Davidpa ayllonqa ayllullanpi kamachichun, nispa. Jinaspa, israelitakunaqa wasinkuman riraporqanku.

1 Reyes 14:16

Tata Diosqa Jeroboán juchallisqanrayku chantá israelitakunata juchallichisqanrayku ima Israel suyuta ch'eqerachenqa, nispa.

1 Reyes 15:30

Chay karqa, Jeroboán juchallisqanrayku, chantá israelitakunata juchallichisqanrayku. Ajinamanta Jeroboanqa Israelpa Tata Diosninta phiñachisqa.

Nehemías 2:20

Noqatajrí nerqani: Janaj pachapi kaj Diosqa ruwayta yanapawasqayku, noqayku kamachinkunataj watejmanta perqata jatarichisqayku. Qankunatajrí Jerusalenwan ni ima ruwanaykichejchu tiyan, nispa.

Salmos 16:5

Tata Dios, qanmin tukuy imay kanki. Kawsayneyqa makiykipi kashan, qantaj saminchayniykiwan atipachiwanki.

Hechos 8:21

Qanqa noqaykuwan mana ima ruwanayki kanchu, manataj chay atiyta jap'inaykipaj jinachu kanki, imaraykuchus Dios yachan sonqoyki mana cheqanchu kasqanta.

Josué 22:24

Noqaykoqa kayta ruwayku, yuyaspa, mayk'ajpis wawaykichejkuna wawaykukunaman ama kay jinata ninankupaj: Qankunarí israelitakunaj Tata Diosninkuwan ima ruwanaykichej tiyanri?

Josué 22:26

Chayrayku uj altarta ruwayta yuyarqayku, mana chaypi Diosman jaywanata jaywanaykupajchu, nitaj uywa ñak'asqata q'olachinaykupajchu.

Josué 22:27

Manachayqa, qankunapaj, noqaykupajpis, wawaykichejkunapaj chantá wawaykukunapajpis yuyarikunapaj uj señal kanqa. Ajinata noqaykoqa Tata Diosninchejta yupaychayta atisqayku, jinallataj uywa wañuchisqa q'olachinata, jucharayku jaywanata, jinallataj allinyakuy jaywanata jaywaspa paypa ñawpaqenman riyta atisqayku. Ajina kajtin, qhepanejman wawaykichejkuna mana wawaykukunata nenqankuchu: Qankunaqa Tata Dioswan mana ni ima ruwanaykichej tiyanchu, nispa.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.