Josué 22:22 - DIOSPA QHELQACHISQ

²² Tukuy dioskunaj Diosnin yachan, mana paypa contranpichu, nitaj paymanta karunchakuyta munaspachu kay altarta ruwasqaykuta. Pay yachan imaraykuchus ruwasqaykuta, kunantaj qankunapis yachallaychejtaj. Sichus Tata Diospa contranta oqharikuyta munaspa, paymanta t'aqakunaykurayku kay altarta ruwayku chayqa, kunanpacha wañurachiwayku.

Qheshwa Biblia DC

²² Tukuy dioskunaj Diosnin Señor yachan, mana Señorpa contrampichu, nitaj paymanta t'aqakunaykuraykuchu kay altarta ruwasqaykuta. Pay yachan imaynachus kasqaykuta, qankunamampis yachachisunkichej. Sichus Señorpa contranta, paymanta t'aqakunaykurayku chay imasta ruwayku chayqa, kunampacha wañurachiwayku.

DIOSPA QHELQACHISQAN DEUTEROCANONICAL

²² Tukuy dioskunaj Diosnin yachan, mana paypa contranpichu, nitaj paymanta karunchakuyta munaspachu kay altarta ruwasqaykuta. Pay yachan imaraykuchus ruwasqaykuta, kunantaj qankunapis yachallaychejtaj. Sichus Tata Diospa contranta oqharikuyta munaspa, paymanta t'aqakunaykurayku kay altarta ruwayku chayqa, kunanpacha wañurachiwayku.

Josué 22:22 ပူးပေါင်းရင်းမြစ်များ

1 Reyes 8:39

qan janaj pachamanta uyariy, maypichus tiyakunki, chaymantapacha. Chantá juchankuta pampachay sapa ujninkuman ruwasqankuman jina qospa, imaraykuchus qanllamin tukuy runaj sonqonkuta, tukuy yuyasqankutapis rejsinki.

Job 10:7

Qan allinta yachanki noqaqa mana juchayojchu kasqayta, yachallankitaj qanpa atiyniykimanta ni pipis kacharichiwayta atisqanta.

Job 23:10

Chaywanpis sapa thaskisqayta pay yachan. Payqa imaynatachus kasqayta yachariyta munaspa, tukuy imata ñak'arichiwan, chaymantataj ch'uwa qori jina llojsimusaj.

Job 31:22

Llullakuni chayqa, makiy p'akikuchun, lijraymantapachataj urmapuchun.

Salmos 136:2

Dioskunaj Diosninman pachis niychej, imaraykuchus munakuynenqa wiñay wiñaypajmin.

Salmos 37:6

Chantá payqa cheqan kayniykita, justiciata ruwasqaykitawan ima k'ancharichenqa, imaynatachus chawpi p'unchaypi inti k'anchan, ajinata.

Salmos 40:9

9 (10) Jatun tantakuypi noqa cheqan kayniykimanta willarqani. Qan, Tata Dios, mana ch'in kakusqayta sumajta yachanki.

Salmos 44:21

21 (22) qanqa chayta yachawajpuni karqa, imaraykuchus qanqa sonqoyku ukhupi imatachus yuyasqaykuta yachankipuni.

Salmos 44:22

22 (23) Chaywanpis noqayku qanrayku sapa p'unchay wañuy patapi kashayku, awqaykukunataj ñak'anapaj ovejata jina qhawawayku.

Salmos 50:1

(1b) Tukuy Atiyniyoj Tata Dios, dioskunaj Diosnin parlan. Inti llojsimuynejmanta inti yaykuynejkama tukuy kay pachapi tiyakojkunata wajyan.

Salmos 82:1

(1b) Diosqa dioskunaj jatun tantakuyninkupi sayarispa, parlarin, dioskunaj chawpinkupitaj juzgan.

Salmos 95:3

Tata Diosninchejqa may jina atiyniyoj Diosmin, paytaj tukuy dioskunamanta Kuraj Kamachejmin.

Salmos 97:7

Lantikunata yupaychajkuna p'enqaypi rikhurichunku, pikunachus lantinkurayku runaykachanku, chaykuna. Tukuy dioskunapis Tata Diospa ñawpaqenman k'umuykullachunkutaj.

Éxodo 18:11

Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Jeremías 12:3

Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Miqueas 7:9

Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Hechos 1:24

Chay wawqe panakunataj kay jinata Diosmanta mañakorqanku: Tukuyta Kamachej Jesús, qanqa tukuypa sonqonta rejsinki, chayrayku rikuchiwayku ari mayqentachus kay iskay runamanta ajllakusqaykita.

Hechos 25:11

Chayrayku, sichus imatapis wañuchisqa kanaypaj jina ruwani chayqa, wañuchinawaykichejta mana manchachikunichu. Tumpawasqanku mana jina kajtinrí, ni pi atinchu paykunaman jaywaykuwayta. Aswanpis kuraj kamachej Cesarpa ñawpaqenpipuni juzgasqa kanay tiyan, nispa.

2 Corintios 11:11

Imaraykutaj chayta nishani? Qankunata mana munakusqaykichejraykuchu? Dios yachan maytapuni qankunata munakusqayta.

2 Corintios 11:31

Diosninchej, pichus Tukuyta Kamachej Jesucristoj Tata Diosnin wiñaypaj yupaychasqa kachun. Paytaj yachan mana llullakusqayta.

2 Corintios 5:11

Chayrayku noqayku Tukuyta Kamachej Diosta manchachikuna kasqanta yachaspa, runakunaman tukuy sonqo entiendechiyta munayku Diosman kutirikuna kasqanta. Tata Dios imaynachus kasqaykuta sumajta yachan, jinallataj suyayku qankunapis sonqoykichejpi imaynachus kasqaykuta yachanaykichejta.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

Josué 22:21

Chantá Rubén jatun ayllu, Gad jatun ayllu, Manasés khuskan jatun ayllu imaqa israelitakunaj kurajninkukunaman kuticherqanku:

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 2:3

Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.