Josué 22:19 - DIOSPA QHELQACHISQ

¹⁹ Sichus jap'isqaykichej jallp'a mana llimphuchu kasqanta qhawankichej chayqa, Tata Dios payta yupaychanapaj ajllakusqan cheqaman jampuychej ari. Noqaykoj jap'iyniykupitaj tiyakunaykichejpaj jallp'ata mask'akuychej ari. Ama Tata Diospa contranta juchallikuychejchu, nitaj noqaykoj contraykupi sayariychejchu, Tata Diosninchejpa altarnin kashajtin waj altarta ruwakuspa.

Qheshwa Biblia DC

¹⁹ Sichus kay jap'ikusqaykichej jallp'a mana allinchu rijch'asunkichej chayqa, Señorpa jallp'anman jampuychej ari, maypichus Señorpa ajllakusqan jallp'a kashan chayman. Noqaykoj chaupiykupi tiyakuychej. Señorpa contrantataj ama juchallikuychejchu, amataj noqaykoj contraykumampis tukuychejchu, Señorninchejpa altarnin jawa waj altarta ruwaspa.

DIOSPA QHELQACHISQAN DEUTEROCANONICAL

¹⁹ Sichus jap'isqaykichej jallp'a mana llimphuchu kasqanta qhawankichej chayqa, Tata Dios payta yupaychanapaj ajllakusqan cheqaman jampuychej ari. Noqaykoj jap'iyniykupitaj tiyakunaykichejpaj jallp'ata mask'akuychej ari. Ama Tata Diospa contranta juchallikuychejchu, nitaj noqaykoj contraykupi sayariychejchu, Tata Diosninchejpa altarnin kashajtin waj altarta ruwakuspa.

Josué 22:19 ပူးပေါင်းရင်းမြစ်များ

2 Crónicas 11:13

Chaywanpis tukuy Israel suyumanta sacerdotekuna, levitakunawanqa tiyasharqanku, chay cheqakunamanta Roboanwan ujchakoj riporqanku.

Éxodo 15:17

Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Daniel (hebreo) 10:13

Jinapis, Persia suyuta qhawaj millay angelqa iskay chunka p'unchay junt'ata jark'awarqa. Chaywanpis angelkunamanta kuraj kaj ángel Miguel sutiyoj noqata yanapanawanpaj jamorqa. Chantá noqa sapallay Persiamanta kaj kamachejkunawan khuska qhepakorqani.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Josué 18:1

Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.

Josué 22:11

Chantá israelitakuna yacharqanku wawqenkunaqa Canaán suyupi uj altarta ruwasqankuta, Jordán mayu kantupi.