Josué 22:15 - DIOSPA QHELQACHISQ

¹⁵ Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Qheshwa Biblia DC

¹⁵ Tukuyninku rerqanku Galaadman, maypichus kasharqanku Rubén ayllu, Gad ayllu, Manasespa khuskan ayllun ima chayman, chayaspataj nerqanku:

DIOSPA QHELQACHISQAN DEUTEROCANONICAL

¹⁵ Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Josué 22:15 ပူးပေါင်းရင်းမြစ်များ

1 Crónicas 21:3

Joabtajrí kuticherqa: Tata Dios, ayllun kunan mashkhachus kashanku, chaymanta pachaj jinatawanraj paykunata mirachichun. Kuraj kamachejníy, manachu tukuyninku qanpa kamachiyki kanku? Imaraykutaj runata yupachiyta munankiri? Yupachiwaj chayqa, Israel aylluta juchallichiwaj, nispa.

2 Crónicas 10:19

Jinata Israelqa Davidpa mirayninpa contranpi oqharikorqa, ajinataj kashan kunankama.

2 Crónicas 25:27

Amasías Tata Diosmanta karunchakusqanmantapacha, Jerusalenpi wakin runakunaqa paypa contranpi oqharikorqanku. Chantá Amasías Laquisman ayqerqa. Chaywanpis payta qhatiykuspa, chay llajtapi wañurparicherqanku.

2 Crónicas 26:18

Paykunaqa kuraj kamachejman sayaykuspataj, nerqanku: Kuraj kamachej Uzías, Tata Diosman inciensota q'oshñichinaqa mana qanpa ruwanaykichu kashan. Chayqa Aaronpa ayllunmanta kajkuna sacerdotekunaj ruwanankumin. Paykunaqa chayta ruwanankupaj t'aqasqa kanku. Qanqa llojsiy Diospaj T'aqasqa, kay cheqamanta, imaraykuchus qanqa Tata Diospa contranpi juchallinki. Chayrayku Tata Diosqa mana allinpajchu qhawasonqa, nispa.

2 Crónicas 28:13

Ama kayman chay presokunata apamuychejchu, imaraykuchus Tata Dios noqanchejta juchachawasunchej. Juchanchej anchaña kashajtinpis, qankunaqa astawan juchata yapakuyllatapuni munashankichej. Tata Diostaj aswan sinch'ita Israelpaj phiñakonqa, nispa.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Esdras 9:2

Jinallataj israelitakunaqa, wawankukunapis kay llajtayojkunaj ususinkukunawan casararqanku. Ajinamanta waj llajtayojkunawan Diospaj t'aqasqa ayllun chhapukunku. Tukuymanta aswan ñawpajtaqa kurajkuna, kamachejkunawan ima chay juchata ruwarqanku, nispa.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Éxodo 32:8

Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Isaías 63:10

Chaywanpis paykuna mana kasukuspa, May Llimphu Espiritunta phiñacherqanku. Chayrayku Diosmin paykunaj awqankuman tukuspa, contrankuta maqanakorqa.

Levítico 26:40

Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Levítico 5:19

Chayqa juchamanta jaywanamin, imajtinchus juchallejqa cheqatapuni Diospa contranpi juchallerqa, nispa.

Números 14:43

Amalecitakunawan, cananeokunawan ima qankunawan maqanakunankupaj suyaykushasunkichej, paykunataj wañuchisonqachej. Tata Diosta qhatiyta qhesachasqaykichejrayku, payqa manaña qankunawanchu kashan, nispa.

Números 32:15

Sichus qankuna mana kasuyta munankichejchu chayqa, Tata Dios kay ch'innejpi israelitakuna unaytaraj kanankuta watej nillanqataj. Qankunataj israelitakuna chinkachisqa kanankupaj juchayoj kankichej, nispa.

Números 5:6

Israelitakunata niy: Sichus qharipis, chayrí warmipis runa masinpa contranta juchallin chayqa, Tata Diospa contranpi ruwan. Chay runaqa juchayoj kanqa.

San Mateo 18:17

Chaymanta chay juchallej mana uyarisojtenqa, iglesiamanñataj willay. Iglesiatapis manallataj uyarejtinrí, qankunaqa payta Diosman mana kutirikoj runata jina, chayrí impuestota cobrajta jinallaña qhawaychej.

1 Corintios 1:10

Wawqe panakuna, Tukuyta Kamachej Jesucristonchejpa sutinpi mañakuykichej, tukuyniykichej ujllata parlanaykichejta. Ama qankuna ukhupi t'aqanaku kachunchu. Aswanpis qankunapura k'achata kawsakuychej, uj sonqolla kaspa, ujllata yuyaspa ima.

1 Corintios 5:4

Qankuna maypachachus tantakunkichej chaypachaqa, noqa qankunawanpis kashayman jinata qhawaychej, jinataj yachaychej qankunaman Jesucristo atiyta qosqasuykichejta. Chantá Jesucristoj sutinpi

Deuteronomio 30:17

Sitajchus kay tukuy kamachisqakunata mana kasuspa, waj dioskunaman qonqorikuspa yupaychanaykichejpaj sonqoykichejwan aysachikuwajchej chayqa,

Deuteronomio 7:4

Ajinatachus ruwawaychej chayqa, paykuna wajkunaj diosninkuta yupaychanankupaj churiykichejta, ususiykichejta ima Tata Diosmanta karunchachinkuman. Jina kanman chayqa, Tata Dios qankunaj contraykichejpi anchatataj phiñakuspa, manaraj imapi chinkachisunkichejman.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Josué 22:12

Israelitakunarí yachaytawankama Silopi tantakorqanku, paykunawan maqanakoj kachaykukunankupaj.

Josué 22:14

Paywantaj israelitakunaj kurajninkukunamanta chunka rerqanku, sapa jatun ayllumanta ujkama.

Josué 22:16

Noqaykoqa Tata Diospa tukuy jatun ayllunpa sutinpi kayta niyku: Imaraykutaj israelitakunaj Diosninta wasanchashankichejri? Imajtintaj Tata Diospa contranpi oqharikuspa kay altarta ruwankichejri?

Josué 22:18

Manachu wanankichej? Imapajtaj kunan qankunapis Tata Diospa contranta oqharikushankichejri? Kunanqa Tata Diospa contranta juchallisqaykichejrayku, q'aya Diosqa israelitakunaj contrankuta phiñakonqa.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.