Josué 21:44 - DIOSPA QHELQACHISQ

⁴⁴ Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

Qheshwa Biblia DC

⁴⁴ Señorqa chay jallp'api allin tiyakuyta qorqa, imastachus juraspa tatasninkuman nisqanman jina. Enemigosninkupis mana ujtawan torearqankuñachu, imaraykuchus Señorman makisninkuman enemigosninkuta churarqa.

DIOSPA QHELQACHISQAN DEUTEROCANONICAL

⁴⁴ Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

Josué 21:44 ပူးပေါင်းရင်းမြစ်များ

2 Crónicas 13:16

Israelitakunaqa Judamanta ayqerqanku, imaraykuchus Diospuni yanaparqa israelitakunata atipanankupaj.

Éxodo 23:31

Jallp'aykichejpa mojonnenqa ajina kanqa: Puka Mama Qochamantapacha, filisteokunaj mama qochankukama. Chantá ch'innejmantapacha Éufrates mayukama kanqa. Chay jallp'api tiyakojkunata makiykichejman churaykusaj, qankunataj paykunata qharqonkichej.

Éxodo 33:14

Chantá Tata Dios Moisesta nerqa: Noqa kikiy qanwan risaj, samarichisqaykitaj, nispa.

Isaías 63:14

Tata Diospa Espíritun paykunaj michejninku karqa. Paykunata uywata jina vallenkunata pusarqa. Ajinata qan, Tata Dios, chaypacha israelita aylluykita pusaykacharqanki, tukuynejpi sutiyki uyarisqa kananpaj.

Deuteronomio 2:36

Aroer llajtamantapacha, Arnón mayu chimpapi valle kashan, chaypi kaj llajtamantapacha, Galaad llajtakama tukuyninta jap'erqanchej. Tukuy chay llajtakunata Tata Diosqa makinchejman jaywaykuwarqanchej.

Deuteronomio 21:10

Maypachachus awqaykichejwan maqanakoj rejtiykichej, Tata Diosniykichejtaj atipayta yanapasojtiykichej, chaypacha ichapis chay llajtayojkunamanta wakinta jap'iwajchej.

Hebreos 4:9

Chayrayku, qhepanejman Diospa ayllunpaj uj samariy kanraj,

Josué 1:13

Yuyarikuychej Tata Diospa kamachin Moisés imatachus nisorqachej, chayta. Chaypacha nerqasunkichej: Tata Diosniykichej qankunaman kay jallp'ata qosunkichej chaypi tiyakunaykichejpaj, nispa.

Josué 1:15

Ajinata Tata Dios paykunamanpis qankunaman jina tiyakunankupaj jallp'ata qonankama ruwankichej, imaynatachus qankunaman qosorqachej, ajinata. Ajinamanta paykunapis Tata Diosniykichej jallp'a qosqanmanta dueño kanqanku. Chaymantataj Tata Diospa kamachin Moisés Jordán mayumanta inti llojsimuynejpi jallp'ata qorqasunkichej, chayman kutimpuyta atinkichej, jap'isqaykichej jallp'api tiyakunaykichejpaj, nispa.

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

Josué 11:12

Ajinata Josueqa tukuynejmanta tantakoj kuraj kamachejkunaj llajtankukunata jap'erqa, jinallatataj kuraj kamachejkunatapis espadawan wañuracherqa. Tukuy imankutataj phirerqanku, Tata Diospa kamachin Moisés kamachisqanman jina.

Josué 11:23

Ajinata Josueqa chay tukuy jallp'ata jap'erqa, Tata Dios Moisesman kamachisqanman jina. Chaymantataj israelitakunaman, mashkha jatun aylluchus kasqankuman jina paykunajta kananpaj rak'irarqa. Chay qhepata manaña maqanaku, ni ima ch'ajwapis karqañachu.

Josué 11:8

Tata Diostaj paykunata israelitakunawan atipaykucherqa, israelitakunataj paykunata wañuracherqanku. Wakinkunata Sidón jatun llajtakama qhatiykorqanku, chaymantataj Misrefot Mayinkama, inti llojsimuynejpi Mispá pampakama ima tukuyninkuta tukuchinankukama wañucherqanku.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Josué 22:4

Tata Diospis imatachus nisqanta junt'arqa, wawqeykichejkunataj sumaj kawsaypiña kashanku. Chayrayku kunanqa jap'isqaykichej jallp'aman kutipuychej, Jordán mayu chimpapi Tata Diospa kamachin Moisés qosorqachej, chayman.

Josué 22:9

Ajinata Rubén jatun ayllu, Gad jatun ayllu, chantá Manasés khuskan jatun ayllu ima Canaán suyupi, Silo llajtapi, chay waj israelitakunamanta t'aqakorqanku, Galaadpi jallp'ankuman kutipunankupaj. Chay jallp'a karqa, mayqentachus Tata Dios Moisesman kamacherqa paykunaman qonanta, chay.

Josué 23:1

Tata Dios israelitakunata awqankukunawan maqanakunamanta samarichisqanqa unayña karqa. Josuetaj allin machituña kashaspa,