Josué 2:19 - DIOSPA QHELQACHISQ

¹⁹ Mayqellanpis wasiykimanta llojsinman chayqa, wañuchisqa kanqa, wañusqanmantataj noqaykoqa mana juchayojchu kasqayku. Sichus wasiykipi kashajkunata pipis imananman chayrí, noqayku juchayoj kasqayku.

Qheshwa Biblia DC

¹⁹ Mayqellampis wasiykimanta llojsejqa, pay kikin juchayoj kanqa wañunampaj, noqaykoqa mana juchayojchu kasqayku wañunampaj. Pillapis llujchiykunman wasiykipi qanwan kashajtin chayqa, noqaykuña chaymanta juchayoj kasqayku.

DIOSPA QHELQACHISQAN DEUTEROCANONICAL

¹⁹ Mayqellanpis wasiykimanta llojsinman chayqa, wañuchisqa kanqa, wañusqanmantataj noqaykoqa mana juchayojchu kasqayku. Sichus wasiykipi kashajkunata pipis imananman chayrí, noqayku juchayoj kasqayku.

Josué 2:19 ပူးပေါင်းရင်းမြစ်များ

2 Samuel 1:16

Davidtaj nerqa: Qan kikiyki juchachakunki wañunaykipaj, simiykiwantaj ch'ataykukunki Tata Diospa ajllasqan kuraj kamachejta wañuchisqaykita rimarispa, nispa.

2 Samuel 4:11

Kunanqa chaymanta astawanraj qankuna sajra runakunawanqa ruwasaj, chay mana juchayoj runata wasinpi puñukushajta wañuchisqaykichejrayku. Chayrayku qankunatapis wañuchillasqaykichejtaj, kay pachamantataj chinkachisqaykichej, nispa.

1 Reyes 2:32

Tata Diosmin runakunata wañuchisqanmanta jasut'enqa. Joabqa chay iskay runakunata wañucherqa, paymanta aswan sumaj cheqan kajkunata, tatay Davidpa mana yachasqallan: Nerpa churin Abnerta, pichus israelitakunaj soldadonkunata kamachejninku karqa, chayta. Wañuchillarqataj Jeterpa churin Amasatawan, pichus Judamanta soldadokunaj kamachejninku karqa, chaytawan.

Éxodo 12:13

Maypichus kashankichej, chay waseqa yawarwan señalasqa kanqa. Punkuykichejpi yawarta rikuspataj, noqaqa qankunata pasallasqaykichej. Ajinaqa Egiptopi kuraj kaj churikunata wañuchishajtiy, qankuna ukhupi mana ni uj wañusqapis kanqachu.

Éxodo 12:22

Corderoj yawarnintataj uj ch'illamipi jap'inkichej. Chantá hisopo qhorata yawarman chhapuspa jawinkichej, wasiykichejpa punkunpa pata chakanta, chantá iskaynin k'aspintawan. Chantá sut'iyamunankama ni pipis wasimanta llojsinanchu tiyan,

Éxodo 12:23

imaraykuchus Tata Diosqa Egipto llajtayojkunaj kuraj kaj churinkunata wañuchispa pasanqa. May punkutachari yawarwan jawisqata rikonqa, chaytaqa pasallanqa. Ajinata Tata Diosqa wañuchej angelta wasiykichejman yaykojta mana saqenqachu chaypi pitapis wañuchinanpaj.

Levítico 20:11

Sichus pillapis tatanpa warminwan puñuykapuspa, tatanta p'enqaypi rikhurichinman chayqa, chay qhari, jinallataj warmipis wañuchisqa kanqanku. Wañuchisqa kanankupajqa paykunalla juchayoj kanqanku.

Levítico 20:9

Pillapis tatanta, chayrí mamanta maldicejqa wañuchisqapuni kanqa. Tatanta, chayrí mamanta maldicisqanmanta wañunanpajqa paylla juchayoj kanqa.

San Mateo 24:17

Chay p'unchaypi pipis wasi alto patapi kashaspaqa, ama urayk'amuchunchu wasinmanta imatapis orqhonanpaj.

Hechos 18:6

Paykunarí Pabloj contranpi oqharikuspa, Diospa contranta rimaspa ima churanakojtinku, Pabloqa ñawpaqenkupi p'achanta thalarakorqa mana allinta ruwasqankuta yachayta qospa. Paykunamantaj nerqa: Dios jasut'isojtiykichejqa, noqaqa mana juchayojchu kasaj. Kunanmantapacha mana judío kajkunaman yachachej risaj, nispa.

Hechos 20:26

Chayrayku sut'ita niykichej: Pillapis chinkayman rejtenqa, mana juchayojchu kasaj,

Hechos 27:31

Pablotajrí capitán Juliota, soldadonkunatawan ima nerqa: Manachus barcota purichejkuna barcopi qhepakonqanku chayqa, manallataj qankunapis wañunamanta llusp'inkichejchu, nispa.

Filipenses 3:9

Manaña Moisespa kamachisqankunata junt'aspachu cheqan runapaj qhawasqa kayta mask'ashani. Aswanpis Cristopi atinikusqayrayku cheqan runapaj qhawasqa kani, imaraykuchus Diosqa cheqan runapaj qhawawanchej Cristopi atinikusqanchejrayku.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Josué 2:12

Chayrayku Tata Diospa sutinpi tilunawaykichejta mañakuykichej, aylluyta khuyanaykichejpaj, imaynatachus noqapis qankunata khuyaykichej, ajinata. Tiluwasqaykichejta junt'anaykichejta yachanaypaj, imallatapis prendata jina qowaychej ari.

Josué 2:14

Chantá chay wateqajkuna kuticherqanku: Sichus kay nisqaykuta mana junt'aykumanchu chayqa, Dios wañuchiwachuyku. Qanrí kaypi kasqaykumanta amapuni pimanpis willankichu. Maypachachus Tata Dios kay jallp'ata qowasqayku chaypacha, noqayku nisqaykuta junt'aspa qanmanta khuyakusqayku, nispa.

Josué 2:20

Kunan imatachus parlasqanchejta ama pimanpis willankichu. Sichus willawaj chayqa, tiluchiwasqaykuta manaña junt'asqaykuchu, nispa.