Josué 2:11 - DIOSPA QHELQACHISQ

¹¹ Chayta yachaspataj, noqaykoqa maytapuni kharkatitispa llawch'iyayku. Chayrayku qankunawan maqanakunaykupaj manaña kallpapis kanchu, imaraykuchus Tata Diosniykichejqa janaj pachapi, kay pachapipis Diospuni.

Qheshwa Biblia DC

¹¹ Chayta yachaspa noqaykoqa maytapuni mancharikorqayku. Chayrayku mana pipis atinmanchu qankunawan maqanakuytaqa. Imaraykuchus Señorqa Diosniykichej, pay kikin janaj pachapi kashan, jinallataj kay pachapipis.

DIOSPA QHELQACHISQAN DEUTEROCANONICAL

¹¹ Chayta yachaspataj, noqaykoqa maytapuni kharkatitispa llawch'iyayku. Chayrayku qankunawan maqanakunaykupaj manaña kallpapis kanchu, imaraykuchus Tata Diosniykichejqa janaj pachapi, kay pachapipis Diospuni.

Josué 2:11 ပူးပေါင်းရင်းမြစ်များ

1 Reyes 8:60

Ajinamanta kay pachapi tukuy suyu yachanqanku Tata Dioslla cheqa kaj Dios kasqanta, manataj waj kasqanta.

2 Reyes 5:15

Chaymanta Namanqa paywan tukuy rejkuna ima Eliseojpaman kutirerqanku. Chantá Eliseoj wasinman chayaspa, Namán nerqa: Kunan yachani kay pachantinpi mana waj Dios kasqanta, manachayqa Israel suyullapi. Chayrayku ama jina kaspa, apamusqaymanta waqeta jap'ikuway, nispa.

Nehemías 6:16

Awqaykukuna, muyuyniykupi tukuy suyukunapis chayta yachaspa, mayta manchachikorqanku. Chay runaykachasqankupis k'umuykuchisqa karqa, imaraykuchus yacharqanku tukuy ruwasqaykupi Tata Dios yanapawasqaykuta.

Ester (hebreo) 8:17

Tukuy suyupi, tukuy llajtapi ima, maykunamanchus chay kamachisqata willachimorqanku, chaypi judiokunaqa kusiymanta sumaj mikhunata wayk'urikuspa kusikorqanku. Waj runakunapis chayta rikuytawanqa, judiokunaman tukorqanku, imaraykuchus judiokunata manchachikorqanku.

Salmos 102:15

15 (16) Tata Dios, sutiykita tukuy suyu jatunchanqanku. Kay pachamanta kuraj kamachejkunapis atiyniyoj kasqaykita rejsisonqanku,

Salmos 22:14

14 (15) Jich'asqa yaku jina kani, tukuy tulluytaj ch'utasqa kashan. Sonqoypis mapha jina ukhuypi unuyashan.

Salmos 58:7

7 (8) Jich'asqa yaku jina chinkachunku, sarusqa qhora jinataj ch'akichunku.

Salmos 83:18

18 (19) Chantá tukuyninku qanlla Tata Dios kasqaykita yachanqanku, kay pachapi qanllamin Patapi Kaj Dios kasqaykita ima.

Éxodo 15:14

Suyukunamanta runa imatachus ruwasqaykita yachaspa, kharkatitenqanku. Nanayqa tukuy filisteokunata q'ewiykachachenqa.

Éxodo 15:15

Edompi kamachejkuna mancharenqanku. Moabpi kamachejkunapis manchachikuspa, kharkatitenqanku. Canaanpi tiyakojkunarí, ch'uchaliman tukonqanku.

Isaías 13:7

Chayrayku tukuy runaj makinku llawch'iyanqa, jinallataj kallpankupis liwikaponqa.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Ezequiel 21:15

15 (20) Chay espadaqa ashkha runata manchachenqa, ashkhatataj wañurachenqa. Tukuy wasi punkupi wañuchej espadata churani. Espadaqa sumaj llosq'ochasqa illapakunata kacharinanpaj, jinataj wañurachinapaj wakichisqa kashan.

Nahúm 2:10

10 (11) Nínive llajtaqa phirisqa, thuñisqa, ch'inpachataj. Mancharikuywan chay llajtayojkunaj sonqonku phatashanña, moqonkupis kharkatitishan. Tukuyninkojta kallpankutaj manaña kanchu. Uyankupis t'ojrapachallaña.

Deuteronomio 1:28

Kunanqa maymantaj risunri? Chay jallp'ata qhawaj rejkuna niwanchej, jaqaypi runaqa noqanchejmanta aswan atiyniyoj, astawan jatuchajtaj kasqankuta. Nillawanchejtaj llajtankukunapis jatuchaj sumaj perqawan muyuykuchisqa kasqankuta. Rikullasqankutaj Anacpata miraynenqa jatunkaray runakuna kasqankuta, nispa.

Deuteronomio 20:8

Chay jawa kurajkunaqa soldadokunata nillanqankutaj: Sichus mayqenniykichej manchachikun, q'ewakuntaj chayqa, wasinman kutipuchun, soldado masinkunata ama iskayrayachinanpaj, nispa.

Deuteronomio 4:39

Chayrayku kunanqa yachaychej, sonqoykichejpitaj unanchaychej, janaj pachapi, kay pachapipis Tata Dioslla Dios kasqanta. Paymanta jawaqa mana waj diosqa kanchu.

Josué 14:8

Noqawan rejkunarí mana cheqanta willaspa, israelitakunaj sonqonkuta iskayrayacherqanku. Noqarí Tata Diosniy imatachus nisqanta junt'arqani.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 7:5

Chaypacha Hai llajtamanta soldadokunaqa kinsa chunka sojtayoj israelitakunata wañucherqanku. Wakintataj llajta punkumanta rumi orqhona cheqanejkama qhatiykorqanku, chantá chay uraynejpi paykunata mayta t'ustiykorqanku. Chayrayku israelitakunaqa maytapuni q'ewayarqanku, manañataj maqanakuyta munarqankuchu.

Josué 9:24

Paykunataj Josueman kuticherqanku: Noqayku chayta ruwarqayku qankuna wañuchinawaykuta manchachikuspa, imaraykuchus yachayku Tata Diosniykichej kamachin Moisesman kamachisqanta, kay cheqanejpi tiyakojkunata wañurachispa, qankunaman kay jallp'ata qosunaykichejta.

Apocalipsis 6:16

Chantá orqokunata, qaqatapis qhaparikorqanku: Pataykuman urmaykamuspa, pakaykuwayku jaqay kamachina tiyanapi tiyashaj Cordero ama rikunawaykupaj. Jinataj Corderoj k'araj phiñakuyninmanta pakallawaykutaj,