Josué 18:1 - DIOSPA QHELQACHISQ

¹ Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.

Qheshwa Biblia DC

¹ Tukuy israelitas Silo nisqapi tantakorqanku, tukuy jallp'asta jap'isqankumantaña, chaypi Dioswan tinkukuna toldota oqharinankupaj.

DIOSPA QHELQACHISQAN DEUTEROCANONICAL

¹ Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.

Josué 18:1 ပူးပေါင်းရင်းမြစ်များ

2 Samuel 7:6

Egiptomanta orqhomorqani israelitakunata, chaymantapacha kunankama mana mayqen wasipichu tiyakorqani, manachayqa toldollapi tiyakuspa, kayman jaqayman purerqani.

1 Reyes 14:2

Chantá Jeroboanqa warminta nerqa: Diosmanta sut'inchaj Ajiasqa Silopi tiyakun, pichus noqata niwarqa kay llajtaj kuraj kamachejnin kanayta. Silo llajtaman riy, uj jina p'achata churaykukuspa, ama pipis rejsisunankupaj noqaj warmiy kasqaykita.

1 Reyes 14:4

Jeroboanpa warmenqa kikinta ruwaspa, Siloman Ajiaspa wasinman rerqa. Ajiasqa manaña rikuyta aterqachu, machu runaña kasqanrayku, ñawenqa chharpuña karqa.

1 Reyes 2:27

Ajinata Salomonqa Abiatarta Tata Diospa sacerdoten kasqanmanta wijch'orqa, jinamanta Tata Diospa nisqan junt'akunanpaj, Elíj ayllunmanta Silopi parlasqanman jina.

Nehemías 9:24

Ñawpa tataykukuna chay cheqaman yaykuspa, Canaanpi jallp'akunata jap'ikaporqanku. Qantaj chay llajtayojkunata paykunaj ñawpaqenkupi k'umuykachacherqanki, jinataj kuraj kamachejninkuta, chay cheqapi tiyakojkunatapis makinkuman churarqanki, paykunawan munayninkuta ruwanankupaj.

Salmos 78:60

Chayrayku Tata Diosqa Silopi tiyakunanmanta riporqa, mayqenchus runakuna chawpipi tiyakunan toldo karqa, chaymanta.

Salmos 78:66

Diosqa awqankunata atipaykuspa ayqecherqa, p'enqaypitaj wiñaypaj rikhuricherqa.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 26:9

Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

Jeremías 41:5

pusaj chunka runakuna Sichemmanta, Silomanta, Samariamantawan chayamorqanku. Paykuna sunkhanku q'arasqa, p'achanku llik'isqa, chantá ukhunkupis khuchurasqa jamorqanku. Chayta paykuna kikinku khuchurakusqanku. Jinallatataj chajra poqoykunata jaywanankupaj, inciensota ima Tata Diospa Templonpi q'oshñichinankupaj apamusharqanku.

Números 32:22

Chantá tukuy chay jallp'ata jap'ispaña, wasiykichejman kutimpunkichej. Tata Diospaj, chantá israelitakunapaj imatachus ruwanaykichejta junt'ankichej. Chaymanta kay jallp'a qankunajta kanqa, Tata Diospa nisqanman jina.

Hechos 7:45

Chay toldotaqa ñawpa tatanchejkuna chayaqeta jina jap'erqanku. Aswan qhepamantaj paykunawan, Josuewan ima chay toldota aparqanku waj suyukunamanta qhechusqanku chay jallp'aman. Dios chay suyukunapi tiyakojkunata ñawpa tatanchejkunaj ñawpaqenkumanta qharqorqa. Jinataj toldo chay jallp'api karqa David wañupunankama.

Josué 18:2

Chaywanpis israelitakunamanta qanchis jatun ayllukuna manaraj jallp'ata jap'isqankurajchu.

Josué 18:8

Chantá chay jallp'ata qhawamoj rejkunaqa llojsinankupaj wakichikorqankupacha, Josuetaj paykunata kachashaspa, nerqa: Tukuynin jallp'ata qhawaspa, mojonkunata churankichej. Chaymantataj kutimuspa, willawankichej, noqa Silopi Tata Diosta tapurispa rak'inaypaj, nispa.

Josué 19:51

Nun churin Josuewan, sacerdote Eleazarwan chantá israelitakunaj kurajninkukunawan ima Silo llajtapi Dioswan Tinkukuna Toldoman yaykunapi tantakorqanku. Chantá Tata Diospa ñawpaqenpi suerteta choqaspa, sapa jatun aylluman jallp'ata rak'irarqanku. Ajinata jallp'a rak'inakuyta tukorqanku.

Josué 21:2

Canaanpi Siloman chayaspataj, nerqanku: Tata Dios Moisesnejta kamacherqa tiyakunaykupaj llajtakunata, jinallataj uywa michina cheqakunatawan qonawaykuta, nispa.

Josué 22:12

Israelitakunarí yachaytawankama Silopi tantakorqanku, paykunawan maqanakoj kachaykukunankupaj.

Josué 22:19

Sichus jap'isqaykichej jallp'a mana llimphuchu kasqanta qhawankichej chayqa, Tata Dios payta yupaychanapaj ajllakusqan cheqaman jampuychej ari. Noqaykoj jap'iyniykupitaj tiyakunaykichejpaj jallp'ata mask'akuychej ari. Ama Tata Diospa contranta juchallikuychejchu, nitaj noqaykoj contraykupi sayariychejchu, Tata Diosninchejpa altarnin kashajtin waj altarta ruwakuspa.

Josué 22:9

Ajinata Rubén jatun ayllu, Gad jatun ayllu, chantá Manasés khuskan jatun ayllu ima Canaán suyupi, Silo llajtapi, chay waj israelitakunamanta t'aqakorqanku, Galaadpi jallp'ankuman kutipunankupaj. Chay jallp'a karqa, mayqentachus Tata Dios Moisesman kamacherqa paykunaman qonanta, chay.

Jueces 18:31

Micaíaj ruwasqan lanteqa Dan jatun ayllupi kasharqa, Diospa Toldon Silopi kanankama.

Jueces 21:12

Jabespi tukuy tiyakojkunamantaqa tawa pachajllata manaraj qharita rejsej sipaskunata tarerqanku, paykunatataj Canaanpi, Silo jaraman pusamorqanku.

Jueces 21:19

Chaymanta parlashaspa, yuyarikorqanku Silopi sapa wata Tata Diospa sutinpi raymeqa qayllapiña kasqanta. Siloqa kashan Betelmanta wichaynejpi, Betelmanta Sichem nisqa llajtaman rina ñanmanta inti llojsimuynejpi, Lebonamanta uranejpi.

1 Samuel 1:24

Aswan qhepanejman wawata januk'aytawan, Anaqa Silopi Dioswan Tinkukuna Toldoman aparqa. Apallarqataj kinsa watayoj torillota, uj arroba trigo jak'utawan, chantá uj wich'i vinota ima. Wawarí juch'uyllaraj karqa.

1 Samuel 1:3

Sapa wata Elcanaqa llajtanmanta Siloman rejpuni, chaypi Tukuy Atiyniyoj Tata Diosta yupaychananpaj, uywata ñak'aspa q'olachinatawan jaywananpaj. Silo llajtapi Elí sacerdotejta iskay churinkuna karqanku, ujninpata sutin Jofní karqa, ujninpatataj Finés. Paykunapis Tata Diospa sacerdotenkunallataj karqanku.