Josué 15:13 - DIOSPA QHELQACHISQ

¹³ Josueqa, Tata Diospa kamachisqanman jina Judá jatun aylloj jap'iynin ukhupi Yefunej churin Calebman jallp'ata qorqa. Payman Quiriat Arbá llajtata qorqa. Chay llajtaqa Anacpa churinkunaj jatun llajtanku karqa. Quiriat Arbá llajtata aswan qhepanejman Hebrón, nispa suticharqanku.

Qheshwa Biblia DC

¹³ Josueqa, payman Señor kamachisqanman jina, Jefonej wawan Calebman, Judá ayllu ukhupi jallp'ata qorqa. Chaypi Quiria-arba llajtata, chayqa Hebrón llajtata karqa, anaquitaspa jatun llajtan.

DIOSPA QHELQACHISQAN DEUTEROCANONICAL

¹³ Josueqa, Tata Diospa kamachisqanman jina Judá jatun aylloj jap'iynin ukhupi Yefunej churin Calebman jallp'ata qorqa. Payman Quiriat Arbá llajtata qorqa. Chay llajtaqa Anacpa churinkunaj jatun llajtanku karqa. Quiriat Arbá llajtata aswan qhepanejman Hebrón, nispa suticharqanku.

Josué 15:13 ပူးပေါင်းရင်းမြစ်များ

Génesis 13:18

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Génesis 23:2

Paytaj Quiriat Arbapi wañuporqa. Arbaqa Canaán jap'iypi, Hebrón llajta kashan. Abrahamqa warmin Sara wañupusqanrayku mayta llakikuspa, anchatataj waqarqa.

2 Samuel 2:1

Chay qhepata Davidqa Tata Diosta tapurerqa: Riyta atiymanchu Judá suyumanta mayqen llajtallamanpis? nispa. Tata Diostaj kuticherqa: Arí, riyta atillanki, nispa. Davidqa ujtawan taporqa: Maymantaj risajri? nispa. Tata Diostaj nerqa: Riy, Hebrón llajtaman, nispa.

1 Crónicas 6:56

56 (41) Yefunej churin Calebmantaj Hebrón llajtaj muyuyninpi chajra tarpunata chantá juch'uy llajtakunatawan qorqanku.

2 Crónicas 11:10

Sorá, Ayalón, Hebrón ima. Chay llajtakunaqa Judapi, Benjaminpiwan sumaj jark'achasqa llajtakuna karqanku.

Números 13:30

Chantá israelitakuna thutuyta qallarerqanku, Calebtaj Moisespa ñawpaqenpi kashaj runata ch'inyachispa, nerqa: Rispa, chay jallp'ata jap'imunachej. Noqanchejqa paykunata atipasunchej, nispa.

Números 13:6

Judá jatun ayllumanta Yefunej churin Caleb,

Josué 11:21

Chaypachallataj Josueqa Hebrón orqopi tiyakoj anaquitakunaj tukuy llajtankutawan phiriykullarqataj: Debir llajtata, Anab llajtata, Judá jap'iypi orqorara cheqanejpi tiyakojkunata, Israelpi orqorara cheqanejpi tiyakojkunata ima.

Josué 20:7

Chantá israelitakunaqa pakakuna llajtakunata ajllarqanku: Neftalíj jap'iynin orqorara cheqapi Galileapi Cedes llajtata, Efrainpa jap'iynin orqorara cheqanejpi Sichem llajtata, Judá jatun aylloj jap'iynin orqorara cheqapitaj Quiriat Arba llajtata. Chay llajtaj ujnin sutenqa Hebrón karqa.

Josué 21:11

Judá orqorara cheqanejpi Arbá llajtata qorqanku. Chay llajta jatunkaray Anacpa tatanpa sutinwan sutichasqa karqa, chay llajtaj ujnin sutintaj Hebrón karqa. Chay llajtata uywa michinantinta qorqanku.

Jueces 1:10

Ajinallatataj Judaqa Hebronpi tiyakorqanku, chay cananeokunawanpis maqanakullarqankutaj. Chay llajtaj ñawpa sutenqa Quiriat Arbá karqa. Chaypitaj kuraj kamachejkuna Sesayta, Ajimanta, Talmayta ima atiparqanku.

Jueces 1:20

Moisés nisqanman jina, israelita kurajkunaqa Hebrón llajtata Calebman qorqanku. Calebtaj chaymanta wijch'orqa Anacpa kinsantin churinkunata.

1 Samuel 25:3

Kay runaqa Calebpa ayllunmanta karqa, sutintaj Nabal. Payqa mana sonqoyoj runa, sajrataj karqa. Warmin Abigailtajrí allin yuyayniyoj, k'achita warmi karqa.

1 Samuel 30:14

Noqaykoqa cereteokunaj jap'iyninkumanta Neguevman, Judaman chantá Calebpa jap'iyninman ima qhechuramoj rerqayku. Siclag llajtamanpis ninata jap'iykuchillarqaykutaj, nispa.

1 Samuel 30:31

Hebronpi kajkunaman, chay tukuy maykunapichus paywan runankunapiwan ima purisqanku, chaykunaman t'inkata apacherqa.