Josué 14:12 - DIOSPA QHELQACHISQ

¹² Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.

Qheshwa Biblia DC

¹² Chayrayku kunanqa qoway ari may orqotachus Señor qonawanta nerqa chayta. Chaymantapacha qanqa yachanki chaynejpi anaquitas tiyasqankuta, jatuchaj llajtas sumaj jark'achisqastaj kasqanta. Chaywampis noqaqa yuyani Señor yanapanawanta chay llajtasta chinkachiyta, imaynatachus Señorqa yanapanawanta nisqanman jina.

DIOSPA QHELQACHISQAN DEUTEROCANONICAL

¹² Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.

Josué 14:12 ပူးပေါင်းရင်းမြစ်များ

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

2 Crónicas 14:11

11 (10) Chantá Asaqa Tata Diosmanta mañakorqa: Tata Diosníy, kallpayojta pisi kallpayojtapis yanapanki. Chayrayku yanapariwayku Tata Diosniyku, qanpi atinikusqaykurayku. Sutiykipi kay soldadokunawan maqanakoj jamuyku. Tata Dios, qanmin Diosniykoqa kanki. Manapuni qantaqa pipis atipasonqachu, nispa.

Salmos 44:3

3 (4) Tataykukunaqa manamin kallpankuwanchu jallp'ata jap'ikaporqanku, nitaj espadankuwanchu chaypi tiyakojkunata atiparqanku. Manachayqa atiyniyki, kallpayki, paykunawan kasqaykej k'anchaynin ima paykunata atipayta yanaparqa, qan paykunata munakusqaykirayku.

Salmos 60:12

12 (14) Diospa yanapawasqanchejwan noqanchej jatuchaj imakunata ruwasun, imaraykuchus payqa awqanchejkunata t'uruta jina saronqa.

Números 13:28

Chaywanpis chaypi tiyakoj runakunaqa manchay kallpayoj kasqanku. Llajtankukunapis jatuchachaj, sumaj perqawan muyurichisqa kasqa. Chay jawa jatunkaray runa Anacpata churinkunatapis rikullarqaykutaj.

Números 13:33

Chaypi jatunkaray runakunata rikullarqaykutaj, paykunaqa Anacpata churinkuna kasqanku. Noqayku paykunaj qayllankupi phinki phinki jina juch'uysitu karqayku. Paykunapis jinallatataj noqaykuta qhawawarqayku, nispa.

Números 21:34

Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 1:28

Kunanqa maymantaj risunri? Chay jallp'ata qhawaj rejkuna niwanchej, jaqaypi runaqa noqanchejmanta aswan atiyniyoj, astawan jatuchajtaj kasqankuta. Nillawanchejtaj llajtankukunapis jatuchaj sumaj perqawan muyuykuchisqa kasqankuta. Rikullasqankutaj Anacpata miraynenqa jatunkaray runakuna kasqankuta, nispa.

Deuteronomio 9:1

Israelitakuna, uyariychej: Kunan Jordán mayuta chimpankichej, qankunamanta aswan atiyniyoj ashkha runata jallp'ankumanta qharqonaykichejpaj, chantá sumaj perqawan muyuykuchisqa llajtankukunatapis jap'inaykichejpaj ima.

Deuteronomio 9:3

Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

Hebreos 11:33

Paykuna Diospi atinikusqankurayku waj suyukunata atipaspa jap'erqanku, justiciata ruwaspa kamacherqanku, Diospa qonan kasqanta jap'erqanku, chantá leonkunaj siminkutapis wisq'arqanku.

Josué 15:14

Chay llajtamanta Calebqa Anacpa kinsantin churinkunata wijch'orqa: Sesayta, Ajimanta chantá Talmayta ima.

Jueces 1:20

Moisés nisqanman jina, israelita kurajkunaqa Hebrón llajtata Calebman qorqanku. Calebtaj chaymanta wijch'orqa Anacpa kinsantin churinkunata.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.