Josué 13:3 - DIOSPA QHELQACHISQ

³ Sijor wayq'omantapacha, Egiptomanta inti llojsimuyninnejpi, Ecronwan mojonkama. Chayqa cananeokunaj jallp'anku kashan. Cananeokunaj jap'iyninpi phishqa kuraj kamachejkuna kanku, paykunaqa Gazapi, Asdodpi, Ascalonpi, Gatpi, Ecronpi ima tiyakunku. Jinallataj aveokunaj jallp'anku jap'inaraj kashallantaj.

DIOSPA QHELQACHISQAN DEUTEROCANONICAL

³ Sijor wayq'omantapacha, Egiptomanta inti llojsimuyninnejpi, Ecronwan mojonkama. Chayqa cananeokunaj jallp'anku kashan. Cananeokunaj jap'iyninpi phishqa kuraj kamachejkuna kanku, paykunaqa Gazapi, Asdodpi, Ascalonpi, Gatpi, Ecronpi ima tiyakunku. Jinallataj aveokunaj jallp'anku jap'inaraj kashallantaj.

Josué 13:3 ပူးပေါင်းရင်းမြစ်များ

Génesis 10:6

Campa churinkuna karqanku Cus, Misrayin, Fut, Canaán ima.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

1 Reyes 8:65

Chaypacha Salomonqa tukuynin israelitakunawan khuska jatun raymita ruwarqanku. Ashkhapuni tantakamorqanku, Jamat chaymantapacha Egipto mayu chaynejkama. Chay raymita Tata Diospa ñawpaqenpi qanchis p'unchayta ruwarqanku, chantá uj qanchis p'unchaytawanraj ruwallarqankutaj. Tukuyninpi chunka tawayoj p'unchayta ruwarqanku.

1 Crónicas 13:5

Chantá Davidqa Quiriat Yearín llajtamanta Diospa arcanta Jerusalenman apamunankupaj tukuy israelitakunata tantaykorqa, Egipto suyuwan tinkuypi Sijormantapacha Jamat llajtakama.

Isaías 23:3

Mama qochanejta paykuna Sijormanta granota apamoj kanku, jinallataj chajra poqoytapis Nilo mayu kantupi jallp'akunamanta. Chaywantaj Tiromanta runakuna qhapajyaj kanku, chaypitaj tukuy suyu qhatoj kanku.

Jeremías 2:18

Kunanrí, Egiptoman rispa, Nilo mayumanta yakuta ujyamusqaykiwan imatataj tarinkiri? Asiriaman rispa, Éufrates mayumanta yakuta ujyaspapis, imatataj tarillankitajri?

Deuteronomio 2:23

Jinallatataj Caftorkunapis Cretamanta jamuspa, Gaza qayllapi tiyakoj aveokunata chinkachillarqankutaj. Chaypitaj paykuna tiyakaporqanku.

Josué 13:13

Gesureokunatawan, macateokunatawan ima israelitakuna mana wijch'usqankuchu. Chayrayku paykunaqa Israel suyupi kunankama tiyakushankuraj.

Jueces 16:5

Chantá filisteokunaj kurajninkukunaqa Dalilawan parlaj rispa, nerqanku: Mana reparallayta Sansonta tapuy maymantachus chay jina kallpan kasqanta. Chantá willawayku ajinamanta yachanaykupaj imaynatachus payta atipaspa, watasqata apayta atinaykuta. Sichus willawasqayku chayqa, sapa ujniyku 1.100 qolqeta qanman qosqayku, nispa.

Jueces 3:3

Filisteokunamanta qhepakorqanku, pikunachus chay phishqa kamachejkunaj kamachinpi karqanku, chaykuna. Qhepakullarqankutaj tukuynin cananeokuna, sidoniokuna, Líbano orqonejpi tiyakoj heveokunapis, Baal Hermón orqomantapacha Jamat q'asakama.

1 Samuel 5:1

Filisteokunaqa Diospa arcanta qhechuspa, Ebenezermanta Asdodman aparqanku.

1 Samuel 5:10

Chantá filisteokunaqa Diospa arcanta Ecrón llajtamanñataj aparqanku. Arcata chay llajtaman chayachejtinkukama, Ecronpi tiyakojkuna qhaparerqanku: Israelpa Diosninpa arcanta apamuwanchej tukuyninchejta wañurachinawanchejpaj, nispa.

1 Samuel 5:8

Chayrayku filisteokunamanta tukuy kurajkunata wajyacherqanku, chantataj taporqanku: Imanasunchejtaj Israelpa Diosninpa arcanwanri? nispa. Kurajkunataj kuticherqanku: Gat llajtaman apaychej, nispa. Filisteokunataj chayman aparqanku.

1 Samuel 6:4

Chantá filisteokuna tapurikorqanku: Juchallisqaykuta pampachananpaj imatataj qoykumanri? nispa. Sacerdotekunataj kuticherqanku: Ruwaychej qorimanta phishqa ch'uputa, jinataj phishqa juk'uchatawan, sapa kurajninchejkunapaj ujtakama, imaraykuchus kurajniykichejkuna, jinataj qankunapis kikin onqoyllawantaj ñak'arerqankichej.