Josué 13:25 - DIOSPA QHELQACHISQ

²⁵ Paykunamantaj Galaad jap'iymanta kaj tukuy llajta, chantá Jazerpa jap'iynin ima chayarqa, chantá amonitakunaj khuskan jap'iyninku ima, chaytaj Rabá chimpapi Aroer llajtakama karqa.

Qheshwa Biblia DC

²⁵ Paykunamantaj chayarqa Galaadmanta kaj tukuy llajtasniyoj Jazer jallp'as, chantá amonitaspa khuskan jallp'asninku ima, chaytaj karqa Rabá chimpampi Aroer llajtakama.

DIOSPA QHELQACHISQAN DEUTEROCANONICAL

²⁵ Paykunamantaj Galaad jap'iymanta kaj tukuy llajta, chantá Jazerpa jap'iynin ima chayarqa, chantá amonitakunaj khuskan jap'iyninku ima, chaytaj Rabá chimpapi Aroer llajtakama karqa.

Josué 13:25 ပူးပေါင်းရင်းမြစ်များ

2 Samuel 11:1

Chay qhepan wata paray mit'a kashajtin, kuraj kamachejkuna maqanakuman llojsej kanku, chaypacha, Davidqa maqanakuman kacharqa Joabta, yanapajninkunata, chantá tukuy soldadontawan. Paykunaqa amonitakunata maqanakupi atipaykorqanku, Rabá llajtatataj jap'inankupaj muyuykorqanku. Davidtajrí Jerusalenllapi qhepakorqa.

2 Samuel 12:26

Chaykama Joabqa amonitakunaj llajtanku Rabaman maqanakoj kachaykukuspa, kuraj kamachejpa tiyakunan llajtataj jap'iykusharqanña.

2 Samuel 24:5

Jordán mayuta chimpaspa, valle chawpipi kasharqa Aroer llajta chaymanta qallarerqanku, Gaadman, jinataj Jazer cheqanej puriyman.

1 Crónicas 26:31

David tawa chunka watataña kamachishaspa, allinta Hebronpa mirayninmanta listasqa kajkunata watucherqa. Tarerqankutaj Galaadpi, Jazer llajtapi paykuna ukhupi may wapu runakuna kasqankuta. Hebronpa mirayninmanta kamachejqa Jerías karqa.

1 Crónicas 6:81

81 (66) Jesbonta, Jazerta ima qorqanku, sapa llajtata uywa michinantinta.

Isaías 16:8

Jesbonpi chajrakuna, chantá Sibemapi kaj uva huertakunapis ch'akipunku, waj suyukunamanta kamachejkuna phiriykusqankurayku. Chay uva sach'akunaj thansankoqa Jazerkama chayaj, ch'innejtataj aysarikuspa, mama qocha chimpakama chayaj.

Isaías 17:2

Aroerpa llajtankunaqa wiñaypaj saqerpayasqa kanqanku, chayqa uywa michinallaña kanqa. Chaypi uywakuna puñonqanku, nitaj pipis mancharichej kanqachu.

Jeremías 48:32

Sibemapi uva huerta, qanmanta mayta waqasaj, Jazermanta imaynatachus waqarqani, ajinata. Thansaykikunaqa mama qochamanta aswan jaqayman, Jazer llajtakama aysakorqanku. Jinapis kunanqa awqaykeqa uva pallasqaykita, waj poqoykunatapis apakapun.

Ezequiel 21:20

20 (25) Uj ñan kanqa Amón suyuman, Rabá llajtaman ima kuraj kamachejpa espadan chayananpaj. Ujnin ñantaj kanqa Judá suyoj sumaj jark'achasqa Jerusalén llajtaman kuraj kamachej chayananpaj.

Amós 1:14

Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Números 21:32

Chay jawa Moisesqa wakinta kacharqa, Jazer llajtata qhawamoj rinankupaj. Chantá israelitakuna chay llajtakunata jap'illarqankutaj, chaynejpi tiyakoj amorreokunatapis wijch'orqanku.

Números 32:35

Atarot Sofanta, Jazerta, Yogbeata,

Deuteronomio 2:19

Maypachachus amonitakunawan tinkukunkichej chaypacha, ama paykunata t'ojpinkichejchu, nitaj paykunawan maqanakunkichejchu, Lotpa miraynin kasqankurayku. Noqaqa jallp'ankuta mana qosqaykichejchu, imaraykuchus chay jallp'ataqa paykunamanña qopuni, nispa.

Deuteronomio 3:11

Refaitakunamanta jatunkaray runakuna nisqamanta, Basanta kuraj kamachej Ogllaña qhepakorqa. Puñunanqa fierromanta ruwasqa karqa, sayt'unman tawa metro, kinrayninmantaj yaqha iskay metro jina. Chay puñunanqa kunankama amonitakunaj llajtanku Rabapi kakushan.

Josué 13:11

Paykunallapajtaj Galaad jap'iy karqa, gesureokunaj jap'iyninku, macateokunaj jap'iyninku ima, jinallataj Hermón Orqo, tukuy Basán jap'iy Salcakama karqa.

Josué 13:24

Gad jatun ayllumanpis Moisesqa jallp'ata qollasqataj, mashkhachus kasqankuman jina.

Josué 13:26

Gad jatun ayllojta jap'iyninku kallarqataj Jesbonmanta, Ramat Mispakama, chantá Betonín, Majanayinmanta Debirwan tinkuykama.

Josué 21:39

Jesbonta, chantá Jazerta ima qollarqankutaj. Chay tawa llajtakunaqa uywa michinantinkama karqanku.

Jueces 5:17

Galaad llajtayojkuna Jordán mayu chimpapi jarasqa qhepakorqa. Dan jatun ayllumanta kajkunapis barconkoj qayllanpi qhepakullarqanku. Aser jatun ayllumanta kajkunapis mama qocha kantupi qhepakullarqankutaj, manataj chaymanta kuyurikorqankuchu.