Josué 11:8 - DIOSPA QHELQACHISQ

⁸ Tata Diostaj paykunata israelitakunawan atipaykucherqa, israelitakunataj paykunata wañuracherqanku. Wakinkunata Sidón jatun llajtakama qhatiykorqanku, chaymantataj Misrefot Mayinkama, inti llojsimuynejpi Mispá pampakama ima tukuyninkuta tukuchinankukama wañucherqanku.

Qheshwa Biblia DC

⁸ Señortaj Israelitaspa makisninman jaywarqa; israelitastaj wañuracherqanku, wakintataj qhatikorqanku Sidón jatun llajtakama, chaymanta Misrefot-maimkama, inti llojsimuypi Mispa pampakama, mana ujniyojta tukuchinankukama.

DIOSPA QHELQACHISQAN DEUTEROCANONICAL

⁸ Tata Diostaj paykunata israelitakunawan atipaykucherqa, israelitakunataj paykunata wañuracherqanku. Wakinkunata Sidón jatun llajtakama qhatiykorqanku, chaymantataj Misrefot Mayinkama, inti llojsimuynejpi Mispá pampakama ima tukuyninkuta tukuchinankukama wañucherqanku.

Josué 11:8 ပူးပေါင်းရင်းမြစ်များ

Génesis 10:15

Canaanpa kuraj kaj churin Sidón karqa, qhepan kajtaj Jet karqa.

Génesis 49:13

Zabulón mama qocha kantunejpi tiyakonqa, maymanchus barcokuna chayamunku, chaypi. Jap'iyninpa mojonnintaj Sidonkama chayanqa.

2 Samuel 24:6

Chaymantataj Galaadman chantá Cadesman ima rerqanku, chayqa jititakunaj jap'iyninku karqa. Chaymantataj Danman chayarqanku, Dan chaynejmantataj Sidón chayninta muyuykamorqanku.

Isaías 23:4

Qanrí Sidón llajta, p'enqakuy ari, mama qochapi jark'achasqa llajta, imaraykuchus mama qocha nin: Kunan mana wawayoj kashani, manañataj qhari wawata nitaj warmi wawata paqarikusajchu, nispa.

Zacarías 9:2

Pay nin: Noqaqa Jamat llajtata chinkarparichisaj. Jinataj qayllanpi kaj Tiro llajtatawan, Sidón llajtatawan chinkarparichillasajtaj paykuna yachayniyojpaj qhawasqa kanku chaypis.

Deuteronomio 7:2

Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Deuteronomio 9:3

Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

Josué 10:20

Jinataj Josuewan, israelitakunawan ima amorreokunata yaqha tukuyninkuta wañuracherqanku. Wakin qhepakoj amorreokunarí sumaj perqawan muyurisqa llajtakunaman pakaykukorqanku.

Josué 11:3

Willachillarqataj inti llojsimuynejpi tiyaj cananeokunaman, inti yaykuynejpi kajkunaman, amorreokunaman, heteokunaman, ferezeokunaman, orqo kinraykunapi tiyakoj jebuseokunaman, Mispá jap'iypi Hermón orqo k'uchupi tiyakoj heveokunaman ima tantakuspa, uj tratota ruwanankupaj.

Josué 11:7

Chaymanta Josueqa tukuy soldadonkunawan khuska, Merón mayu chimpapi kashajtinku kaymanta jinalla paykunawan maqanakoj yaykuykorqanku.

Josué 13:6

Israelitakuna yaykusqankuman jina noqaqa orqorara cheqanejpi, Libanomanta Misrefot Mayinkama tiyakoj sidoniokunata wijch'usaj. Qantaj chay jallp'ata israelitakunaman chayaqenkupaj rak'irapunki, imaynatachus kamachishayki, chayman jina.

Josué 19:28

Chaymanta mojonqa Hebronmanta Rejobman rillarqataj, Gamonman, Canaman ima, Sidón jatun llajtaman chayanankama.

Josué 21:44

Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.