Josué 11:6 - DIOSPA QHELQACHISQ

⁶ Tata Diostaj Josueta nerqa: Ama paykunata manchachikuychu. Noqaqa q'aya kunanta jina tukuyninkuta wañusqata qankunaman jaywaykusqaykichej. Qantaj caballonkunaj chaki ankunkuta khuchuspa p'itiranki, carretankutataj ninawan kanaykunki, nispa.

Qheshwa Biblia DC

⁶ Señortaj Josueman nerqa: Ama paykunamantaqa manchachikuychu, noqa ruwasaj q'aya kay horasta tukuyninku wañusqas urmanankuta ñaupaqeykichejman. Qantaj caballosninkoj chakisninta p'akiranki, chay maqanakunanku carrosninkutataj ninawan kanaykunki.

DIOSPA QHELQACHISQAN DEUTEROCANONICAL

⁶ Tata Diostaj Josueta nerqa: Ama paykunata manchachikuychu. Noqaqa q'aya kunanta jina tukuyninkuta wañusqata qankunaman jaywaykusqaykichej. Qantaj caballonkunaj chaki ankunkuta khuchuspa p'itiranki, carretankutataj ninawan kanaykunki, nispa.

Josué 11:6 ပူးပေါင်းရင်းမြစ်များ

2 Samuel 8:4

Chaykunamanta Davidqa presocharqa 1.700 caballopi maqanakoj soldadokunata, jinataj chakillapi purej soldadokunamantataj iskay chunka waranqata. Jinataj carretakunata qhatataj, chay caballokunaj chaki ankunta p'itirarqa. Pachaj carretapaj jinalla caballokunata paypaj puchucherqa.

2 Reyes 6:16

Eliseotajrí nerqa: Ama mancharikuychu, imaraykuchus noqanchejwan kajkunaqa aswan ashkha kanku paykunawan kajkunamanta nisqaqa, nispa.

2 Crónicas 20:16

Q'ayapacha riychej contrankupi maqanakoj. Paykunaqa Sis chaynejta wicharimonqanku, qankunataj mayu qayllanejpi, Jeruel ch'innejpa chimpanpi paykunata taripankichej.

Salmos 46:10

10 (11) Paytaj nin: K'umuykuychej, chantá noqa Dios kasqayta rejsikapuwaychej. Tukuy suyupi yupaychawanqanku, tukuy kay pachapitaj jatunchawanqanku, nispa.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 46:9

9 (10) Tukuy kay pachapi maqanakuta ch'inyachin. Flecha kacharina arcota, lanzata ima p'akiran, maqanakupaj ruwasqa carretakunatapis ruphaykuchin.

Proverbios 20:7

Cheqan runaqa llimphuta kawsaspallapuni purin. Churinkunapis pay jina kawsaspa, may kusikuyniyoj kanqanku.

Isaías 30:16

Aswanpis qankuna nerqankichej: Mana qanman chimpayta munaykuchu, aswanpis caballokunapi ayqesqayku, nispa. Arí, ajinatapuni ayqenkichej. Chaymantá nillarqankichejtaj: Sumajta correj carretakunaman wicharisqayku, nispa. Arí, chaywanpis qankunata qhatiykojkunaqa imata jina taripasonqachej.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Ezequiel 39:9

Chantá Israelpa llajtankunapi tiyakojkuna llojsimonqanku, ninata jap'ichispataj, awqankoj armankuta ruphachenqanku: Escudokunata, arcokunata flechantinta, juch'uychaj lanzakunata, jatuchaj lanzakunatawan ima. Chaykunaqa qanchis wata junt'ata ninata enqhanapaj llant'a jina kanqa.

Oseas 14:3

Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Nahúm 2:13

13 (14) Tukuy Atiyniyoj Tata Dios ujtawan nillantaj: Nínive, noqa contraykipi kashani. Maqanakupaj wakichisqa carretaykikunata ruphachispa, ushphaman tukuchisaj. Soldadoykikunata wañurachisaj, jallp'aykipipis tukuy suwakuyta tukuchisaj. Manañataj chaskiykikunaj parlasqanpis uyarikonqachu.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

Josué 10:8

Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Josué 11:5

Chantá chay kuraj kamachejkuna tantaykukuspa, israelitakunawan maqanakunankupaj Merón mayu chimpapi jarakorqanku.

Josué 11:7

Chaymanta Josueqa tukuy soldadonkunawan khuska, Merón mayu chimpapi kashajtinku kaymanta jinalla paykunawan maqanakoj yaykuykorqanku.

Josué 11:9

Chantá Josueqa Tata Diospa kamachisqanta kasuspa, caballonkukunaj chaki ankunkuta khuchuspa, p'itirarqa, jinallataj carretakunatapis ruphaykucherqa.

Josué 3:5

Josuetaj israelitakunata nerqa: Llimphuchakuychej, imaraykuchus Tata Diosqa q'aya qankuna ukhupi t'ukunapaj jina ruwanqa, nispa.

Jueces 20:28

sacerdotenkutaj Finés karqa. Payqa Eleazarpa churin karqa, Aaronpa allchhintaj. Israelitakunataj Tata Diosta tapukorqanku: Benjamín jatun ayllu masiykuwan watejmanta maqanakoj risqaykuchu, chayrí manachu? nispa. Tata Diostaj paykunata nerqa: Maqanakoj rillaychej, noqataj q'aya atipanaykichejpaj yanapasqaykichej, nispa.

Jueces 7:9

Chay ch'isipacha Tata Diosqa Gedeonta kamacherqa: Sayarispa, madianitakunawan maqanakoj urayk'uy. Noqamin yanapasqayki paykunata atipanaykipaj.

1 Samuel 11:9

Chaymanta Saulqa Jabesmanta jamoj kachasqakunata nerqa: Nimuychej Jabespi tiyakojkunaman q'aya chawpi p'unchayta jina kacharichiwasunchej, nispa. Kachasqakunataj kutispa, Jabespi tiyakojkunaman willamorqanku, paykunataj mayta kusikorqanku.