Josué 11:20 - DIOSPA QHELQACHISQ

²⁰ Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

Qheshwa Biblia DC

²⁰ Imaraykuchus Señorpuni chay llaytayoj runaspa sonqosninta rumiyacherqa, israelitasman sumajta ch'ajwapi sayaykunankupaj, jinamanta atipaspa chinkachinankupaj mana khuyakuspa, imaynatachus Señorqa Moisesman kamachisqanman jina.

DIOSPA QHELQACHISQAN DEUTEROCANONICAL

²⁰ Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

Josué 11:20 ပူးပေါင်းရင်းမြစ်များ

2 Samuel 17:14

Absalón, tukuy israelitakuna imaqa yuyarqanku Jusay arquitaj nisqan aswan allin kasqanta Ajitofelpa yuyaychasqanmanta nisqaqa. Tata Diosqa nisqaña Ajitofelpa yuyasqanqa mana ruwakunanta, Absalonpa patanman llakiyta apachimunanpaj.

1 Reyes 12:15

Ajinamanta kuraj kamachej Roboanqa runakunaj mañakusqankuta mana uyarerqachu, imaraykuchus Tata Diospuni ajina kananta nisqa, Tata Dios Silomanta Ajiasnejta Nabatpa churin Jeroboanman imatachus nisqan junt'akunanpaj.

2 Crónicas 22:7

Tata Diospuni nisqa Ocozías kuraj kamachej Joranta waturej risqanpi wañunanta. Jezrelman chayaytawankama, Ocoziasqa Joranwan llojserqa Nimsij churin Jehuwan maqanakoj. Chaywanpis Tata Diospuni Jehuta ajllasqa Ajabpa ayllunmanta kajkunata tukuchinanpaj.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Éxodo 10:1

Chantá Tata Dios Moisesta nerqa: Riy faraonwan parlaj, imaraykuchus noqa paypa sonqonta, jinallataj yanapajninkunaj sonqonkutapis rumiyachini. Ajinata runaj mana jayk'aj rikusqan t'ukunata ruwasaj, atiyniyoj kasqayta rikuchinaypaj.

Éxodo 11:10

Moiseswan, Aaronwan ima faraonpa rikunanta t'ukunapaj jina may chhika imakunata ruwarqanku. Tata Diostajrí faraonpa sonqonta rumiyacherqa, chayrayku israelitakuna Egiptomanta ripunankupaj mana kacharipuyta munarqachu.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 14:8

Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 4:21

Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Éxodo 9:12

Chay tukuywanpis Moisesman Tata Dios nisqanman jina, faraón astawan sonqonta rumiyacherqa. Chayrayku Moisesta, Aarontawan ima mana kasuta ruwarqachu.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Isaías 14:24

Tukuy Atiyniyoj Tata Dios tiluspa, nillantaj: Cheqapuni imatachus yuyasqayqa junt'akonqapuni, imatachus nisqaypis ruwakonqapuni.

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Romanos 9:18

Ajinamanta yachanchej Diosqa pimantachus khuyakuyta munan, chaymanta khuyakusqanta. Jinallataj pejpa sonqontachá rumiyachiyta munan, chaypa sonqonta rumiyachin.

Deuteronomio 2:30

Jesbonmanta kuraj kamachej Sijontajrí jallp'annejta mana pasachiyta munawarqanchejchu, imaraykuchus Tata Diospuni makiykichejman payta jaywaykunanpaj sonqonta rumiyacherqa.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

Jueces 14:4

Sansonpa tatan mamanrí mana yacharqankuchu chay tukuy ima Tata Diosmanta kasqanta, imaraykuchus Diosqa filisteokunaj contrankupi achakita mask'asharqa paykunata jasut'inanpaj. Chaypacha filisteokunaqa israelitakunata munayninkuta ruwaj kanku.

1 Samuel 2:25

Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.