Josué 11:1 - DIOSPA QHELQACHISQ

¹ Chantá Jazormanta kuraj kamachej Jabín, israelitakuna imatachus ruwasqankuta yachaspa, Madonmanta kuraj kamachej Jobabta, jinallataj Simeronmanta kuraj kamachejta, chantá Acsafmanta kuraj kamachejta ima yanapanankuta nirikorqa.

Qheshwa Biblia DC

¹ Hazormanta rey Jabintaj chayta yachaspa, Madón rey Jobabman willachimorqa, jinallataj Simrón reyman, Acsaf reyman ima trato ruwanankupaj.

DIOSPA QHELQACHISQAN DEUTEROCANONICAL

¹ Chantá Jazormanta kuraj kamachej Jabín, israelitakuna imatachus ruwasqankuta yachaspa, Madonmanta kuraj kamachej Jobabta, jinallataj Simeronmanta kuraj kamachejta, chantá Acsafmanta kuraj kamachejta ima yanapanankuta nirikorqa.

Josué 11:1 ပူးပေါင်းရင်းမြစ်များ

2 Samuel 10:15

Arameokunaqa israelitakunawan atipachikusqankuta yachaspa, watejmanta tantakullarqankutaj.

1 Reyes 4:11

Ben Abinadabqa tukuynin Dor jap'iypi churasqa karqa. Paypa warmenqa Salomonpa ususin Tafat karqa.

1 Reyes 9:15

Kuraj kamachej Salomonqa runakunata mit'api ruwacherqa Tata Diospa Templonta, paypa wasintawan, Jerusalenpa perqantawan ruwanankupaj. Chantá Jazorta, Meguidota, Guézer llajtakunatapis sayachillarqataj.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Josué 10:43

Chaymanta Josueqa tukuy israelitakunawan ima Gilgalpi jarankuman kutiporqanku.

Josué 11:10

Chaymanta kutimuspataj, Josuewan soldadonkunawan ima Jazor llajtata espadawan jap'erqanku, maypichus chay kuraj kamachejkuna tratota ruwasqanku, chayta. Jabín sutiyoj kuraj kamachejtapis chaypi wañucherqanku.

Josué 12:19

Madonmanta, Jazormanta,

Josué 12:20

Simerón Meronmanta, Acsafmanta,

Josué 19:36

Adama, Ramá, Jazor,

Josué 9:2

Jinapi chay tukuynin kuraj kamachejkuna tantaykorqanku, Josuéj contranpi, chantá israelitakunaj contrankupi maqanakunankupaj.

Jueces 4:17

Chaypachaqa quenita Jeberpa ayllunwan k'achata kawsakusharqanku Jazormanta kuraj kamachej Jabinwan. Chayrayku Sisaraqa ayqekushaspa, Jeberpa warmin Yaelpa toldonman chakipi chayarqa.

Jueces 4:2

Chantá Tata Diosqa Canaanta kuraj kamachej Jabinmanñataj israelitakunata jaywaykorqa. Payqa Jazor llajtapi kamacherqa. Soldadonkunata kamachejtaj Sísara sutiyoj karqa. Payqa Jaroset Goyinpi tiyakorqa.

Jueces 5:19

Chaypacha cananeokunaj kuraj kamachejninkukunaqa maqanakoj jamorqanku Tanac llajtaman, Meguido juturi qayllaman. Chaywanpis mana aterqankuchu qolqeta, nitaj ni imatapis apakapuyta.