Josué 10:37 - DIOSPA QHELQACHISQ

³⁷ Chay llajtaman yaykuytawan, kuraj kamachejninta, jinallataj tukuy chay llajtapi tiyakojkunata espadawan wañuracherqanku. Jinallataj qayllanpi llajtakunapipis, imaynatachus Eglonpi ruwarqanku, kikinta ruwallarqankutaj.

Qheshwa Biblia DC

³⁷ Chay llajtaman yaykuytawan espadawan t'ojsispa reyninta, tukuy kausajkunasnintinta wañuracherqanku, jinallataj chay qayllasnimpi llajtaspipis, imaynatachus Eglompi ruwarqanku kikinta.

DIOSPA QHELQACHISQAN DEUTEROCANONICAL

³⁷ Chay llajtaman yaykuytawan, kuraj kamachejninta, jinallataj tukuy chay llajtapi tiyakojkunata espadawan wañuracherqanku. Jinallataj qayllanpi llajtakunapipis, imaynatachus Eglonpi ruwarqanku, kikinta ruwallarqankutaj.

Josué 10:37 ပူးပေါင်းရင်းမြစ်များ

Éxodo 17:13

Josuetaj amalecitakunata espadawan wañurachispa atipaykorqa.

Josué 10:28

Chay kikin p'unchayllataj Josueqa Maceda llajtata jap'ispa, chay llajtayojkunata, chantá kuraj kamachejnintapis espadawan wañuracherqa. Ajinata mana uj puchuyojta wañurachispa, ch'inpachata chay llajtata saqerparerqa. Maceda llajtaj kuraj kamachejninta ruwarqa, imaynatachus Jericó llajtaj kuraj kamachejninta ruwarqa, kikillantataj.

Josué 10:35

Chantá chay p'unchaypacha chay llajtata jap'ispa, chay llajtapi tukuy tiyakojkunata espadawan wañuracherqanku, imaynatachus Laquispi ruwarqanku, jinallatataj.

Josué 10:36

Eglón llajtamanta Hebrón llajtamanñataj Josuewan, tukuynin israelitakunawan rispa, maqanakullarqankutaj.

Josué 10:38

Chantá Josueqa, tukuy israelitakunawan ima Debir llajtamanñataj kutirimuspa, chay llajtayojkunawan maqanakullarqankutaj.

Josué 10:39

Chay Debir llajtaman yaykuykuspataj, kuraj kamachejninta, chay llajtapi tukuy tiyakojkunatawan ima ni uj puchuyojta espadawan wañuracherqanku. Jinallataj qayllanpi llajtakunapipis tukuynin runakunata wañuracherqanku, imaynatachus Hebronta, Libnata, kuraj kamachejninta ima ruwarqanku, ajinata.

Josué 10:40

Ajinata Josueqa chay tukuynin llajtata jap'erqa, orqo kinraykunapi tiyakoj kuraj kamachejkunata wañurachispa. Néguev orqokunapi, wichay pampakunapi, wichaynejpi tiyakojkunata ima tukuynintapuni wañuracherqa, Israelpa Tata Diosnin kamachisqanman jina.

Josué 11:12

Ajinata Josueqa tukuynejmanta tantakoj kuraj kamachejkunaj llajtankukunata jap'erqa, jinallatataj kuraj kamachejkunatapis espadawan wañuracherqa. Tukuy imankutataj phirerqanku, Tata Diospa kamachin Moisés kamachisqanman jina.