Josué 10:13 - DIOSPA QHELQACHISQ

¹³ Intiwan, killawantaj sayarqanku, israelitakuna awqankuta tukuchinankukama. Chayqa Cheqan Runaj qhelqasqan qhelqapi kashan. Chantá inteqa uj p'unchayta jina, chawpi p'unchaypi sayarqa.

Qheshwa Biblia DC

¹³ Intiwan killawantaj sayaykorqankupa cha, israelitas enemigosninkuman aynita kutichinankukama. Manachu kayqa Jeserpa librompi qelqasqa kashan? Inteqa janaj pacha chaupipi sayaykorqa, uj p'unchayta jina.

DIOSPA QHELQACHISQAN DEUTEROCANONICAL

¹³ Intiwan, killawantaj sayarqanku, israelitakuna awqankuta tukuchinankukama. Chayqa Cheqan Runaj qhelqasqan qhelqapi kashan. Chantá inteqa uj p'unchayta jina, chawpi p'unchaypi sayarqa.

Josué 10:13 ပူးပေါင်းရင်းမြစ်များ

2 Samuel 1:18

Pay kamachillarqataj tukuy Judá jatun ayllu ukhupi kay aya takiyta yachachinankuta. Kay aya takeyqa Jaserpa qhelqanpi qhelqasqa kashan:

2 Reyes 20:10

Ezequiastaj kuticherqa: Llanthu chunka patillata ñawpajman rinanqa atikullan. Qhepaman kutirinanrí mana atikoj jinallachu, nispa.

Ester (hebreo) 8:13

Kuraj kamachejpa kamachisqanqa sapa llajtapi willakunan karqa. Chaypitaj nisharqa tukuy judiokuna chay p'unchaypaj sumaj wakichisqa kanankuta, awqankunaman sajramanta sajrallatataj kutichinankupaj.

Job 9:7

Diosqa intita mana llojsimunanta kamachin, jinallataj ch'askakunatapis mana lliphipinankuta.

Salmos 148:3

Intipis, killapis, Tata Diosta yupaychaychej, lliphirirej ch'askakunapis payta jatunchallaychejtaj.

Salmos 19:4

4 (5) Chaywanpis willasqanqa tukuy kay pachapi yachakun, kay pachaj k'uchunkamataj chayan. Chaypi Dios intej wasinta churarqa.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Isaías 38:8

Qhawariy, Ajazpa inti watananpi llanthuta chunka patillata qhepaman kutirichisaj, nispa. Chantataj llanthoqa chay urayk'amusqanmanta chunka patillata qhepaman kutirerqa.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Joel 3:15

15 (4.15) Intipis, killapis laqhayaykonqanku. Ch'askakunaj lliphipiyninpis ayphuyaykonqa.

Habacuc 3:11

Intipis, jinataj killapis pakakunankumanta mana llojsimunkuchu, flechayki, lanzaykiwan lliphipirisqanrayku.

Números 21:14

Chaymanta Tata Diospa maqanakusqanmanta willaj qhelqapi nin: Sufá jap'iynejpi, Vaheb llajtanejta rerqayku, Arnón mayunejta.

Números 31:2

Israelitakunaj sutinpi madianitakunamanta vengakamuy, chaymantataj wañupunki, nispa.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

San Mateo 5:45

Ajinamanta, janaj pachapi kashaj Tata Diosniykichejpa wawankuna kasqaykichejmanta yachayta qoshankichej. Payqa millayta ruwaj runakunapaj, k'acha runakunapajpis intinta llojsichimun. Jinallataj tukuypaj parachimun, cheqanta ruwajkunapaj, mana cheqanta ruwajkunapajpis.

San Lucas 18:7

Diospa ajllakusqankuna tuta p'unchay paymanta justiciata mañakushajtinku, manachu paykunapaj justiciata ruwanqa? Payqa unaytarajchu suyachikonqa? Mana, icharí?

Hechos 2:20

Jinallataj inti laqhayaykonqa, killataj yawar jina pukayaykonqa, manaraj Tata Diospa may t'ukuna jatun p'unchaynin rikhurimushajtin.

Josué 10:11

Chantá amorreokuna Bet Jorón urayta israelitakunamanta ayqekushajtinku, Tata Diosqa paykunaj patankuman runtu chhikachajta chijchi parata parachimorqa. Chay chijchi para amorreokunata astawan ashkhata wañucherqa, israelitakuna espadawan wañuchisqankumanta nisqaqa.

Josué 10:14

Chay jina jatun p'unchayqa mana jayk'ajpis karqachu, ni qhepamanpis kanqachu, imaraykuchus Tata Diosqa uj runaj mañakusqanta uyarerqa. Ajinata ruwarqa, imajtinchus Tata Diosqa chaypacha israelitakunaman kutikuspa, paykunarayku maqanakorqa.

Apocalipsis 21:23

Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Apocalipsis 6:12

Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.

Apocalipsis 8:12

Chantá tawa kaj angelñataj trompetata waqacherqa. Chaypachataj inti, killa, chantá ch'askakuna ima kinsaman t'aqasqamanta ujnin kaj t'aqa mana allinman tukorqanku, laqhayaporqankutaj. Chayrayku p'unchaypis, tutapis kinsaman t'aqasqamanta ujnin kaj t'aqa mana k'anchayniyojchu karqa.

Jueces 16:28

Chantá Sansonqa Tata Diosmanta mañakorqa: Tukuyta Kamachej Tata Diosníy, mañarikuyki kay kutillatawanpis noqamanta yuyarikunaykita, jinataj kallpata qorinawaykita, iskaynin ñawiyta orqhowasqankumanta filisteokunawan pagachikunaypaj, nispa.

Jueces 5:2

Tukuyniykichej Tata Diosta jatunchaychej, imaraykuchus Israelpi runakuna kankuraj, wajyachisqata uyariytawan maqanakuman yaykunankupaj jina.