Josué 1:4 - DIOSPA QHELQACHISQ

⁴ Jallp'aykichejqa ch'innejmantapacha Libanokama, jinataj Éufrates jatun mayukama kanqa. Chantá tukuynin jititakunaj jallp'anku Jatun Mama Qochakama qankunajta kallanqataj.

Qheshwa Biblia DC

⁴ Chay jallp'astaj kanqa ch'innejmantapacha Líbano orqokama, Eufrates jatun mayumantapacha Mediterráneo mar qochakama. Chantá tukuynin heteospa jallp'asnintin qankunajta kanqa.

DIOSPA QHELQACHISQAN DEUTEROCANONICAL

⁴ Jallp'aykichejqa ch'innejmantapacha Libanokama, jinataj Éufrates jatun mayukama kanqa. Chantá tukuynin jititakunaj jallp'anku Jatun Mama Qochakama qankunajta kallanqataj.

Josué 1:4 ပူးပေါင်းရင်းမြစ်များ

1 Reyes 10:29

Egiptomanta apamusqa carretaqa 600 qolqe valej, caballokunataj sapa uj 150 qolqe valej. Salomonpa ranqheronkunamanta tukuy jeteokunaj kuraj kamachejninku, Siriamanta kajkunapis chay imakunata rantikoj kanku.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

1 Crónicas 18:3

Soba suyuta kuraj kamachej Hadad Ezer, Éufrates mayunejpi Jamat cheqanejta jap'ej rishajtin, David paytapis atipaykullarqataj.

1 Crónicas 5:9

Inti llojsimuynejmantaj Éufrates mayumantapacha qallarispa, ch'inman yaykunakama tiyakullarqataj, Galaadpi uywankunaqa maytapuni mirasqanrayku.

Esdras 4:20

Jerusalenpi ñawpa kuraj kamachejkunaqa atiyniyoj kasqanku, jinataj Éufrates mayoj inti yaykuynej ladopi kaj llajtakunata wakin kuti kamachisqanku, pagachikuspa impuestokunata, ñan pichaypaj qolqeta ima.

Éxodo 23:31

Jallp'aykichejpa mojonnenqa ajina kanqa: Puka Mama Qochamantapacha, filisteokunaj mama qochankukama. Chantá ch'innejmantapacha Éufrates mayukama kanqa. Chay jallp'api tiyakojkunata makiykichejman churaykusaj, qankunataj paykunata qharqonkichej.

Deuteronomio 1:7

Kunanqa tukuy imaykichejta oqharikuspa, amorreokunaj orqonkunaman riychej, tukuy muyuyninkupi kaj llajtakunaman ima. Rillaychejtaj Arabaman, orqorara cheqanejman, vallekunaman, Neguevman, mama qocha kantuman, cananeokunaj suyunkuman, Libanoman, chantá Éufrates jatun mayukama ima.

Deuteronomio 11:24

Maymanchá chakiykichej saruykonqa, chay jallp'a qankunajta kanqa. Suyuykichejpa mojonnenqa ch'innejmantapacha Libanokama, Éufrates mayumantataj Jatun Mama Qochakama kanqa.

Deuteronomio 3:25

Mañarikuyki: Ama jina kaspa, Jordán mayuta chimparichillaway ari. Noqaqa chay jina sumaj jallp'ata, k'achitu orqorara jallp'ata, chantá Libanotawan ima rikuyta munani, nispa.

Apocalipsis 9:14

Chantá chay parlamojqa sojta kaj angelman, pichus trompetanta jap'isharqa, chayman nerqa: Éufrates jatun mayu qayllapi watasqa kashanku, chay tawa angelkunata phaskaramuy, nispa.