Jonás 4:5 - DIOSPA QHELQACHISQ

⁵ Chantá Jonás llajtamanta inti llojsimuynejman rerqa. Chaynejpitaj ch'ujllata ruwaspa, llanthunpi tiyaykukorqa, chay llajtawan imachus kananta rikunanpaj.

Qheshwa Biblia DC

⁵ Chaymanta Jonasqa llajta ukhumanta llojserqa inti llojsimuynejman. Chaynejpitaj q'epinoqakuspa uj llanthuchata ruwaspa chay uraman tiyaykukorqa llajtata qhawaspa, suyaspataj llajta imanakonqachus chayta.

DIOSPA QHELQACHISQAN DEUTEROCANONICAL

⁵ Chantá Jonás llajtamanta inti llojsimuynejman rerqa. Chaynejpitaj ch'ujllata ruwaspa, llanthunpi tiyaykukorqa, chay llajtawan imachus kananta rikunanpaj.

Jonás 4:5 ပူးပေါင်းရင်းမြစ်များ

1 Reyes 19:13

Eliasqa chayta uyarispa, ponchon jina qhatananwan uyanta pakaykukorqa. Chay chhanka jusk'umanta llojsimuspataj, punkupi sayarqa. Chaypitaj payman parlajta uyarerqa: Elías, imata kaypi ruwashankiri? nispa.

1 Reyes 19:9

Chaypi uj chhanka jusk'uman yaykuspa, chay tuta puñorqa. Chantá Tata Dios nerqa: Elías, imata kaypi ruwashankiri? nispa.

Isaías 57:17

Israel millay ruwayta munapayasqanrayku noqa phiñakorqani. Chayrayku payta sinch'ita jasut'erqani, phiñakuyniypitaj payta saqerparerqani. Jinapis pay mana kasuwaspa, sonqonpa munasqanta ruwallarqapuni.

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Jonás 1:5

Jinapi barcota purichejkuna mayta manchachikuspa, sapa ujninku diosninkuman qhaparikorqanku. Chantá barco chhallayananpaj, cargata yakuman wijch'uykorqanku. Jonastajrí chaykama barcoj ukhunman yaykuspa, chaypi misk'ita puñusharqa.

Jonás 4:4

Tata Diostajrí kuticherqa: Ajinata phiñakuspa, yuyankichu allinta ruwashasqaykita? nispa.

Jonás 4:6

Jinapi Tata Dios uj mathi yurata wiñacherqa, chaytaj ch'ujllaman ch'ipakuspa wiñaykusqanmanta, Jonaspa umanta llanthunanpaj, jinamanta Jonás aswan allinpi kananpaj. Jonastaj chay yura ch'ujllaman ch'ipakuspa winaykusqanmanta mayta kusikorqa.