Jonás 3:3 - DIOSPA QHELQACHISQ

³ Chantá Jonás sayariytawan, Tata Diospa kamachisqanman jina Niniveman purirerqa. Niniveqa jatun llajta karqa. Ujnin kantunmanta ujnin kantunkama kinsa p'unchay puriy karqa.

Qheshwa Biblia DC

³ Jonastaj sayariytawan Niniveman purirerqa Señorpa kamachisqanman jina. Niniveqa jatun llajta karqa, uj cantonmanta uj cantonkamaqa kinsa p'unchay chaki puriy jina karqa.

DIOSPA QHELQACHISQAN DEUTEROCANONICAL

³ Chantá Jonás sayariytawan, Tata Diospa kamachisqanman jina Niniveman purirerqa. Niniveqa jatun llajta karqa. Ujnin kantunmanta ujnin kantunkama kinsa p'unchay puriy karqa.

Jonás 3:3 ပူးပေါင်းရင်းမြစ်များ

Génesis 22:3

Jinapi Abraham q'ayantin tutamanta jatarispa, q'olachinapaj llant'ata burronman chajnaykorqa. Chantá iskay kamachinkunawan, churin Isaacwan ima rerqanku, maymanchus Dios rinankuta nerqa, chayman.

Génesis 30:8

Chantá Raquel nerqa: Ñañaywan sinch'ita jap'inakuni, atipanitaj. Chayrayku kay wawaj sutenqa “Neftalí” kanqa, nispa.

Salmos 36:6

6 (7) Justiciaykeqa jatuchaj orqokuna jina, kamachisqakunata orqhosqaykitaj ukhu mama qocha jinapuni. Qan, Tata Dios, tukuy runata, jinallataj animalkunatapis waqaychanki.

Salmos 80:10

10 (11) Orqokunata llanthunwan qhataykorqa, yurantaj cedro sach'akunata p'ampaykorqa.

Isaías 37:37

Chaymantá Asiriamanta kuraj kamachej Senaquerib tukuy imanta oqharikuspa, Nínive llajtaman kutiporqa.

Jonás 1:2

Kunanpacha Nínive llajtaman puririy, chaypitaj willamuy noqa chay llajtata chinkarparichinayta, imaraykuchus rikuni ruwasqanku may millay kasqanta, nispa.

Jonás 4:11

Noqarí Nínive llajtamanta manachu astawanraj khuyakunay karqa? Chay llajtapi tiyan 120.000 wawakuna, pikunachus mana yachankuchu allin kajta, mana allin kajta. Jinallataj ashkha uywakunapis kallantaj, nispa.

2 Timoteo 4:11

Lucaslla noqawan kashan. Qan jamuspaqa, Marcosta pusamuy, imaraykuchus payqa noqata imachus ruwanaypi sumajta yanapawanqa.