Jonás 2:9 - DIOSPA QHELQACHISQ

⁹ 9 (10) Noqatajrí qanta yupaychaspa, q'olachinapaj uywa ñak'asqata jaywasqayki, imatachus ruwasaj nisusqaytapis junt'asajpuni. Qanllamin, Tata Dios, qhespichiwayta atinki, nispa.

Qheshwa Biblia DC

⁹ Noqaqa agradecekuspa rikuchikusta jaywakusqayki; imatachus qosqayki nisusqayta jaywasqayki. Salvacionqa Señorpatamin.

DIOSPA QHELQACHISQAN DEUTEROCANONICAL

⁹ 9 (10) Noqatajrí qanta yupaychaspa, q'olachinapaj uywa ñak'asqata jaywasqayki, imatachus ruwasaj nisusqaytapis junt'asajpuni. Qanllamin, Tata Dios, qhespichiwayta atinki, nispa.

Jonás 2:9 ပူးပေါင်းရင်းမြစ်များ

Génesis 35:3

Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

2 Samuel 15:7

Tawa wataman jinataj, Absalonqa kuraj kamachejta nerqa: Kuraj kamachejníy, ama jina kaychu Hebrón llajtaman rejta saqerillaway, Tata Diosman imatachus qosaj nisqayta junt'amunaypaj.

Job 22:27

Sichus paymanta imatapis mañakunki chayqa, pay uyarisonqa. Qantaj imatachus payman nisqaykita junt'anki.

Salmos 107:22

Tata Diosman uywata ñak'aspa, pachis nispa jaywachunku, kusiywan takispataj, ruwasqanmanta willachunku.

Salmos 27:1

(1b) Tata Diosqa k'anchawajniy, qhespichiwajniytaj. Pimantataj manchachikusajri? Tata Diosqa kallpachawajniy, tukuy mana allin kajmanta jark'akuwajniy ima. Imajtintaj imatapis manchachikuyman kasqari?

Salmos 3:8

8 (9) Tata Diosníy, qanllamin yanapawayta atinki. Aylluykitataj saminchay ari.

Salmos 50:14

Aswanpis noqaman pachis nispa nisqaykita jaywariway, chantá noqa Patapi Kaj Diosman imatachus niwasqaykita junt'ay.

Salmos 50:23

Chaywanpis pichus pachis pachis nispa niwajqa noqata jatunchawan. Sitajchus puriyniykita allinchanki chayqa, noqa qanta qhespichisqayki.

Salmos 68:20

20 (21) Diosninchejqa qhespichej Diosmin. Tukuyta Kamachej Tata Diosllamin wañuypa atiyninmanta kacharichiyta atiwanchej.

Salmos 95:2

Pachis nispa, ñawpaqenman qayllanachej, paymantaj salmokunata takipunachej.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

San Juan 4:22

Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

Hechos 4:12

Mana waj runanejta pipis qhespichisqa kayta atinmanchu manachayqa Jesucristonejllata. Diosqa tukuynin kay pachapi mana waj sutita churanchu, paypi atinikuspa noqanchej qhespichisqa kananchejpaj, nispa.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Deuteronomio 23:18

18 (19) Tata Diospa templonman imatachus nisqaykita junt'anaykipaj ama apankichu, khuchiriyoman qokuspa, chayrí qharipura t'inkinakuspa ganasqayki qolqeta. Chay jina ruwanata Tata Dios mana rikuyllatapis munanchu.

Hebreos 13:15

Chayrayku, Jesucristonejta Tata Diosta yupaychanachej. Ajinata yupaychaspa, Diosman jaywashanchej ima jaywanatachus sapa p'unchay jaywananchej kashan, chayta. Chaynejta payllatapuni Diosninchejpaj rejsikapushasqanchejta rimarishanchej.

Apocalipsis 7:10

Paykunaqa sinch'ita qhaparispa, nerqanku: Kamachina tiyanapi tiyashaj Diosninchej, chantá Cordero ima qhespichiwanchej, nispa.

1 Samuel 12:21

Ama qhasi manakaj dioskunata yupaychaychejchu. Chaykunaqa mana pitapis yanapayta atinkuchu, nitaj qhespichiytapis qhasi manakajlla kasqankurayku.